Condii kɛndɛ-kɛndɛi 5:14 - BII BILA

¹⁴ Vana ca ko bala ndɔlan aa kelan n'sianin nda muulian toosiaa a pow krisolite-o-on ni. Vana ca ko dialun ndɔn aa ciŋun kamaa nda kpɔlɔka ni má holi pow safir lecoo.

Condii kɛndɛ-kɛndɛi 5:14 Referans Kwoze

Fulaa 24:10

Má ca Hala Israɛlla. Pow yɛ́ndɛ́ ndóò kɛsi pelon coo-o va maa halataala diandaa, yinɔɔ biloo pow kon ndóò nɔ ni, diolan ndu aa «safir».

Esai 54:11

Kpòkóó kobio Yerusalɛm! Nɔm óò va o mɔnɛi nin, hoeiye ndíì koŋ nɔm kofokofo. Vana-vana ve le nɔm ɲɔɔloo le! Kɛ tofa vɔ, i co powta nɔmndan mingi cɔvɔɔ, mì ciiŋiaa lan a puulu lindaa yinɔɔ kɛndɔɔ. I kilanin cɔvaa nɔmnda o powta safirlan coo,

Esekiɛl 1:16

Hɔlaa bɛngula ɲɛ ɲaanannda lan a mɛɛ la toosian yɛ, vanáà ca ko lan deŋio aa a pow krisolite ndáà toosiaa lan ni. Mɛɛ láà va yɛ a mɛɛ láà toosian yɛ, tan hiɔɔlu kpede láà velan taw. Vanáà ca ko aa bɛngu ɲɛ ɲaanan oo bɛngu ɲɛ ɲaanan va o luɛyaa o bɛngu ɲɛ ɲaananndo pilɔɔ nin.

Esai 52:13

Tofa vɔ vana ni baalaa, o diinin dɛnɛ mò pɛ, o sɔlanin heeloo a kuundiaa, o kɛsinnin o fonda bɛndoo.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Condii kɛndɛ-kɛndɛi 7:2

Éé nɔm cua lemasaa, pelun nɔmndon naŋ bɔɔ o samtalan nin! Vana ca ko vonga nɔmndo aa yɔɔva labolo vana cɔavaa mayɔɔvaa cɔw a laba-o ni.

Condii lisai 99:4

Nɔm Masa kpaayaa, nɔm vana kaola sandei-yo. Nɔm soli yamɛi ni, má tosal Yakɔb dɛnɛ sandaa a dɛnɛ kɛndɔɔ.

Fulaa 39:13

O polale hiɔɔlundɔlen coo, má hol krisolite, onikse a yaspe. Powta lan la va laholiaa o ɲɛla nda cɔw a sianion-ndan nin.

Fulaa 28:20

O polale hiɔɔlundɔlen coo, ma hol krisolite, onikse a yaspe. Mì powta lan la va laholiaa o ɲɛla nda cɔw a sianion-ndan coo.

Fulaa 15:6

Mɛlɛka, ba nɔm kɛndɔɔ cɔm kpaaya nɔmndo. Mɛlɛka, ba nɔm kɛndɔɔ kposoŋa yaamɔaa nɔmnda.

Fulaa 28:18

O polale diinndɔlen coo, ma hol rubis, safir a diamannde.

SƐBƐ YƆB-O 28:16

Vana tuu ndu a sianion Ofir le, vana tuu bɛɛ ndu a pow onikse le, te kon te a pow safir.

Daniɛl 10:6

Kɔɔle ndɔlen le va maa pow krisolite, hɔlaa ndɔa va maa piɔɔ-volia, hɔlta ndɔlan maa yinnde biyaa. Congúla ndɔlan a pelun ndɔn va n'diandaa maa daɲan kpɔlɔkaa, diom ndɔɔ maa diom sɛ́lɛ́ bɛndu.