Condii kɛndɛ-kɛndɛi 5:1 - BII BILA

¹ «I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Condii kɛndɛ-kɛndɛi 5:1 Referans Kwoze

Condii kɛndɛ-kɛndɛi 6:2

Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

Condii kɛndɛ-kɛndɛi 4:16

Hoeyii fula a ba luaŋ-ndo-e, cɔn! Hoeyii fula a ba too-e, hɔŋ! La hɔŋ o nakɔ nuu coo haliko mi cun ndɔ kɛndɔɔ tiw kpow. Màá vanapɔnɔ ya kaola hoo-o luɛi o nakɔ ndɔɔ nin, mò de kɔmnde yeelɛilen!»

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Talelan 9:5

«La hun dio ɲɛdiaa nuu, mì la kol mɔima ya toosiaa-an!

Dɛnnda kiilaa 11:29

O kon, mí kaandennda tuu le ɲɔɔn cuungiaa mɛɛ vana-vana óò tiwba sɔlaa yɛ, le puapilɛa ndaa va Yuda-a malaa.

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Luke 12:4

Mì dimul niaa, niaa caaŋaa nia, la vo vanaa dii diallon, o kon kɔɔli a nɔla lɛ ɲɛ-ɲɛ tosa le-a le.

Esai 66:14

La canin dɛnɔɔ ho, mì la naŋ kɔl taw. Yoomuan ma muungunin o paala niaalan nin, mì la yɔŋnun maa bil pɔmbɔ puiyaa. Ba kpaaya Mɛlɛka-o cɔmnunnin vanaa ndɔa baalaa, mì kɔltuw ndɔɔ tol yaamɔaa ndɔa coo.

Esai 65:13

Lelan, nuaa Maalii Hala soo ni aa: La tuei-yɔ, vanaa niaa baalaa vanin ɲɛdiaa dioo, niaa niaa, yiaan ma vanin niaa nɛiyo, vanaa niaa baalaa vanin kolɔɔ. Kɛ niaa, la vanin a bolola vesɛilan, vanaa niaa baalaa nda vanin ɲaaloo dɔwnɔnndo, kɛ niaa niaa, siɛmbulan la vanin niaa coo.

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.

Esai 58:11

Ya Mɛlɛka simnin niaa laci telen oo telen, i piminin niaa o fondala vesɛilan nin, mì mingi yoomuan o dialun niaan nin. La vanin maa nakɔ nda co pɔɔliaa ɲɛkɛndɛi-yo, mì la siŋnun maa pee lebol mɛnndan ma vela nin too.

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

Condii kɛndɛ-kɛndɛi 8:13

Nɔm vanalanɔ co icali o nakɔlan nin-ndo, caaŋaa naa co nilan yaŋɔɔ le diom nɔmndo tueyɔɔ. Kɛ, o bɛnda ma dimi aa:

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Esai 23:18

Kɛ sala ndɔ kon a ɲɛ-sɔlaa ndɔ nɔɔlɛi kon solinnin sálàà le Mɛlɛka. Vana cuungiaanin ɲɛm mun te, vana mandanin mun te. Kɛ ɲɛm mun vanin baloo le vanaa co vallo tosaa Mɛlɛka o hɔl-la ni, haliko ma de ma pim ca. Ɲɛm mun koni vanin vɛlɛ ɲɛ cuɛinan kɛndɔɔ le nda ni.

Esai 5:1

«I co condei soli le caan ni ya kaola taw-vo, i co condei soli le can ni kon a rɛsɛn-tum ndɔɔ o kɔɔ. Caan ni ya kaola taw-vo ndóò nɔ nakɔ n'rɛsɛnndo o pembii pɔmbɔɛi tɔlɔɔ naŋ coo-e coo.

Condii kɛndɛ-kɛndɛi 8:1

«Àá, te nɔm óò va pɛ yema ni, o kala nuu vɔsi-o pɛɛn! I va nɔm komal o bɛ́ɛ̀ mì yáà kɔɔmian nɔm, o kon vana óò pɛɛsanin ya le.

Condii kɛndɛ-kɛndɛi 6:11

I co tolɔɔ o nakɔ yɔmii koamaa nin le peengela kɛndɛla co o bóllo nin-ndan tofaa, le tofaa te rɛsɛnndon co vulɔɔ, te krenadiee co yandɔɔ.

Condii lisai 16:3

Vanaa diandaa co o lɛŋnden nden nin-nda, nda pila, a vanaa kpaayaa, kan co vanaa hɛnan ya-a ni.

Condii lisai 147:11

Kɛ vanaa Mɛlɛka yeema-a co vanaa nɔ siòòŋii ndɔɛi, má va kɛndɛi ndɔɛi cumndo-a ni.

Masaa kialaa n'yamaa 14:11

Mɛɛ Filistia ce ndu, má hɛli langbaa felengia beleyaa le Samsɔn sɔɔnguuo ikɛi.

Masaa kialaa n'yamaa 14:20

Má cua lanɔɔ Samsɔn, má yɔngu langbanɔ felengi va ndu Samsɔn ikɛi-yo ndu.

Talelan 24:13

Po nuu sei! Dio lɛan, ma naŋ bɔɔ! Vaa malɛɔ yeelanin nɔm o sondo.

Vana Kɔlkaloo 2:5

I soli nakɔlan a fondala toalaala iyɔmndan, mí toal yɔmii koamɛi súúlan kpow lenin.

Condii kɛndɛ-kɛndɛi 1:13

Vana ya kaola hoo taw-vo co ya o mɛɛyan tɛɛn maa siani cuɛima cun kɛndɛ.

Condii kɛndɛ-kɛndɛi 4:8

Éé nɔm vanalanɔ ya co cuaa o nɔu nin-ndo! N cɔn Liban mì n kɔɛ. Sim o pembei Amana coo, o pembei Senir a o pembei Hɛrmɔn coo, mà mɛɛndan bɛ̀mɛ́lta yàlàá a pembun tambilla co coo-on.

O Kandɔɔ 37:25

O kon kɔɔli, má cal le ɲɛdiaa dioo. Mɛɛ nda heelu hɔlla, má ca Ismaɛlla hunɔɔ nɔnnde bɛndulen nɛɛ levil, a va fulaa o tàndá Kalaad-o nin. Ɲɛm cun kɛndɔn pum va ɲɔɔmɛaa ndaa o lakɔɔ: kɔm, bom a mir. A va kɔlan a mun o lɛŋnde Esipte len nin.