Condii kɛndɛ-kɛndɛi 4:9 - BII BILA

⁹ A hiilu ya kɔllo nin, yemanndo, nɔm ya co cuaa o nɔu nin-ndo. Tofaa ya lepilɛ sii ma hiilu ya kɔllo nin! Kɛsii n co hee yomɔɔ-e hiiluu ya kɔllo nin kpede.

Condii kɛndɛ-kɛndɛi 4:9 Referans Kwoze

Condii kɛndɛ-kɛndɛi 4:12

Nakɔ co o kindaa kpaŋ-ndo n co ni, yemanndo, nɔm ya co cuaa o nɔu nin-ndo. Mɛmma itɛɛnguma co makindan-ndan n co ni, soon kólaa co o kungaa-o lekɛ́ndɛi n co ni.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Condii kɛndɛ-kɛndɛi 7:10

Màá sondo nɔmndo va maa mɔima kɛndɛ-kɛndɛ! … Mɔima kɛndɛan ma co fulaa taw le vanapɔnɔɔ ya kaola hoo-o, ma co talaa vanaa co o lɔan-nda o n'cɔcɔ.

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Esai 62:5

Mɛɛ poombɔ piaandoo cua cuaambɔ laandoo o nɔ̀u nin yɛ, lende koni vanaa minginin nɔm tangul-la siŋnunnin piaandua nɔmnda ni. Mɛɛ vanalanɔ co calle o nɔu-vo nɛŋi vanapɔnɔ fula ndu kɔɔli le ndu cuaa-o kɔl-lɛ, lende koni nɔm bɛɛ nɛŋinin Hala nɔmndo kɔl ni.

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.

Condii kɛndɛ-kɛndɛi 6:12

I co lɛ ɲɛ-ɲɛ bila biyɔɔ le, a mingi ya vana tálákúláá-o, ya fula hoo o yungu latɔ́ɔ́-tɔ́ɔ́ nin-ndo.»

Condii kɛndɛ-kɛndɛi 6:5

Faŋa ya hɔlta nɔmndan kɔɔli, kani tofa nɔmndo ho mingi ya ɲamaka-ɲamaka. Vana ca ko yiiŋii nɔmnde aa cuinaa kundaa co pembei Kalaad tolɔɔ a kiltan ni.

Condii kɛndɛ-kɛndɛi 4:10

Kaola nɔmndo yeela bɔɔ, yemanndo, nɔm ya co cuaa o nɔu nin-ndo. Nɔm vana ya co cuaa o nɔu nin-ndo sei! Kaola nɔmndo naŋ bɔɔ. Tɛ̀fɛ̀lɛ̀kɛ̀lɛ̀ɛ̀ nɔmndo hiow naŋɔɔ a mɔiyan, hoeyii nɔmnde hiow cunndo naŋɔɔ a ɲɛm cun kɛndɔn kpow.

Condii kɛndɛ-kɛndɛi 3:11

Felengia laandua Yerusalɛm, la fula! La fula mì la tofa masaa Salomɔn. La tofa vɔ ndu a mɔsil yilaa lanɔɔ o lebol, ò kala ndɔ vow ndu telen o va nɔu yiiyo-o-o, o paale o va o kɔlkɛndɛ bɛndoo nin-nden pɛɛn.»

Condii kɛndɛ-kɛndɛi 1:15

A naŋ bɔɔ hɔlla, nɔm caan ni laandoo, a naŋ bɔɔ mbɔ̀! Hɔlta nɔmndan la naŋ bɔɔ maa n'poonpoon.

Condii kɛndɛ-kɛndɛi 1:10

Kelan lanion cɛl bɔɔ kuula nɔmndan, yɔɔvama powvan ma cɛl bɔɔ bolola nɔmndan.

Condii lisai 45:9

Cun kɛndɛ mir, cun aloɛs a cun kɛndɛ kas co o domala nɔmnda bɛndulan coo. Diom ɲɛm-caa iyoo co fulaa le nɔm kɔllo nɛŋio o cɛila lemasala nda kɛɛmiaa a ciŋun kamaalan nin.

1Korɛntea 9:5

Vɛ̀ɛ̀ i nɔ dí mì hin a vanalanɔ laalanndo pum, mò va laa nuu maa mɛɛ kiilaa tɔ̀a, a puapilɛa Maalii-a, a puapilɛa Sefas-a a co tosaa yɛ le?

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

O Kandɔɔ 41:42

Mí Faraɔnnɔɔ solin kelɛi o isu, mó vow Yosɛf, mó vow ndu volɔɔla kolala keesela kɛndɛ-kɛndɛlan, mó vow ndu yɔlɔn n'sianion o labolo.

O Kandɔɔ 20:12

Kɛ hali a kon, yema nuu lekɛ́ndɛi o co ni. Kani fuɲa pilɔɔ naa n co naa ndu ni, kɛ n co kala pilɛ le. O co macoaa o siŋnun nin laa ni.

Talelan 1:9

Kani maa mɔsil kɛndɛ-kɛndɔɔ la co nɔm o lebol ni, maa yɔɔva laboloo la co le bolola nɔmndan ni.

Esekiɛl 16:11

Mí dovi nɔm a ɲɛm kɛɛmianndon, mí vow kelan nɔm o laba, mí vow nɔm yɔɔvaa o labolo.

Daniɛl 5:7

Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

Talelan 6:25

Fúlà naŋɔɔ ndɔɔ lehɔl o kɔl nɔmndo nin te. Del o tɔɔndan nin le hɔlta koongola ndɔlan te.