Condii kɛndɛ-kɛndɛi 4:8 - BII BILA

⁸ Éé nɔm vanalanɔ ya co cuaa o nɔu nin-ndo! N cɔn Liban mì n kɔɛ. Sim o pembei Amana coo, o pembei Senir a o pembei Hɛrmɔn coo, mà mɛɛndan bɛ̀mɛ́lta yàlàá a pembun tambilla co coo-on.

Condii kɛndɛ-kɛndɛi 4:8 Referans Kwoze

Tɔŋ miingua 3:9

Sidɔnnda yɔngu pembei Hɛrmɔn diolan ni aa Siriɔn, Amoriia veelu ndi ni aa Senir.

Condii kɛndɛ-kɛndɛi 2:13

Voosun tason diw o voosoei coo. Rɛsɛnndon yandu mí yandɔɔ kon va cunndo. Lelan, cɔn, caan ni laandoo, caan ni naŋ hɔlla taw-vo, cɔn mà hin.

Condii lisai 45:10

Cuavaa laandua masaa co nanu, a nɔ yɔɔvala kɛndɛlan o labolo. Masa laandoo co nɔm isisi o ba kɛndɔɔ coo, ɲɛm nda toosiaa a sianion Ofir-on co ndu lekɔɔ.

1Dɛnnda lemasalan 5:23

Mí polale tálále Manase len le kɔ cal o tàndá va kandɔɔ Basan háá Baal-Hɛrmɔn o pembei Senir-o nin. Poaa kan va sɛ́lɛ́ taw.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Esai 62:5

Mɛɛ poombɔ piaandoo cua cuaambɔ laandoo o nɔ̀u nin yɛ, lende koni vanaa minginin nɔm tangul-la siŋnunnin piaandua nɔmnda ni. Mɛɛ vanalanɔ co calle o nɔu-vo nɛŋi vanapɔnɔ fula ndu kɔɔli le ndu cuaa-o kɔl-lɛ, lende koni nɔm bɛɛ nɛŋinin Hala nɔmndo kɔl ni.

Condii kɛndɛ-kɛndɛi 7:11

Le vanapɔnɔ ya kaola hoo-o ya co ni, ndu bɛɛ, o nɔ yeemɛi ni taw.

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Talelan 9:6

La mal diɔmnde mì la va yoomu, la bii nɛi dɛnɛ sinaa.»

Condii lisai 76:4

Lon o yimi ɲɛm cɔwvon ni: kɔɔn, kɔ̀ɔ̀la cɔwlan a mɔɔn cɔwvon.

Condii lisai 76:1

Condii Asaf-e, í fula o condun simlacinɔ vanaa n'condua nin-nde. A ɲɛ-caa iyoo o soli condei he ni:

Yosue 12:1

Mí Israɛlla nɔla masaa va o lɛŋii ken nin-nda, má hialu lɛŋnde ndalen Yurdɛn leeloo a ba paalen le can-ndo, kandɔɔ o pee pɔmbɔɔ Arnɔn, kɔ tiiya háá o pembei Hɛrmɔn coo, handɔɔ a haa o bóllo Araba nin, nɛɛ paalen le can-nda. Masaa kan yɔŋnun haa ni:

Tɔŋ miingua 3:25

Lelan, a yandi, cɛl mì taŋ peo Yurdɛn le lɛŋnde kɛndɛle co leeloo lon-nden cɔu a lehɔl, le tàndá n'pembu kɛndɛ kon a lɛŋnde Liban-nden cɔu.›

2Masaa 5:12

Vɛ̀ɛ̀ peela co Damas lan, Abana a Parpar, la co fisa a mɛnndan Israɛl kpow le? Vɛ̀ɛ̀ yáà nɔla pulɔnndo lon mi yáà sengu le?» Mó mulin kɔnndan a kɔltuwvo.

Condii lisai 72:16

Maalon kuinin o lɛŋnden coo, n vanin o pembon coo ba-ba fee, n naŋnin maa bil co Liban-ndo. N tiwnin o kobion nin maa bil co o yondoo nin-ndo.

Condii lisai 89:12

Nɔm o ba hataalaa co ni, lɛŋnden le co nɔm vɛlɛ o ba, nɔ̀m cɔw ceendo a ɲɛm co lenin-ndon ni.

Esekiɛl 27:5

A yɔmii siprɛsiei Senir nda tangul kungala balu nɔmndan kpow ni, má tol nɔm yɔm sɛɛdreo Liban le lɛfɛ landaa heeloo,