Condii kɛndɛ-kɛndɛi 4:15 - BII BILA

¹⁵ Pee pɔɔliaa nakɔlan-ndo n co ni, pee mɛnndan ma co hiovɔɔ nin-ndo n co o peela pɔmbɔlan Liban tɛɛn ni.

Condii kɛndɛ-kɛndɛi 4:15 Referans Kwoze

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Nsaŋ 7:38

Vana laalan ya pɛ, peela mɛmma cindan la piɔlnin ndu nin maa mɛɛ o Sɛvan yɛ.»

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

Condii kɛndɛ-kɛndɛi 4:12

Nakɔ co o kindaa kpaŋ-ndo n co ni, yemanndo, nɔm ya co cuaa o nɔu nin-ndo. Mɛmma itɛɛnguma co makindan-ndan n co ni, soon kólaa co o kungaa-o lekɛ́ndɛi n co ni.

Vana Kɔlkaloo 2:6

I tow soonnda mandaa mamɛnndan le yɔmii tɔlnun sɛnɛi-ye pɔɔliaa.

Condii lisai 46:4

mì mɛnndan ma va iyongban-yongbannde, mì hiiyo va fulaa, mì ma hel háá mì pembon ɲiiya, siòòŋii bíì naa le.

Talelan 5:16

Vɛ̀ɛ̀ ma cɛl mì mɛmma nɔmndan ma sɛŋin o bɛ́ɛ̀? Vɛ̀ɛ̀ ma lo tofaa mì peela pɔmbɔla nɔmndan la saŋnun o fal?

Talelan 5:18

Màá soon kólaa nɔmndo sɔla duaa! Dɔwnun ɲaale a laa nɔm n yil o felengiyɛi nin-ndo.

Esai 58:11

Ya Mɛlɛka simnin niaa laci telen oo telen, i piminin niaa o fondala vesɛilan nin, mì mingi yoomuan o dialun niaan nin. La vanin maa nakɔ nda co pɔɔliaa ɲɛkɛndɛi-yo, mì la siŋnun maa pee lebol mɛnndan ma vela nin too.

Sakari 14:8

O palɛi ken, mɛmma soonndan ma vanin fulaa Yerusalɛm. Matiŋ ma vanin kɔlan a ba mɛmma ihɛlma co a ba paalen le can-ndo-an, mì matiŋ ma va kɔlan a ba mɛmma ihɛlma co a kpengii paalen le del-lo-an. Lende ɲɔɔ vanin tosanndo vɔɔlen a sialten ni.