Condii kɛndɛ-kɛndɛi 4:14 - BII BILA

¹⁴ yɔmii koam naar a yɔmii koam safran, i koam kanɛl cun kɛndɔɔ-e a i koam sinamɔm-nde, yɔmii koam ansan súú-súù ka-e, yɔmii koam mir a i koam aloɛs yɔngu cun kɛndɔɔ-e kpow i co itɔalaa lon.

Condii kɛndɛ-kɛndɛi 4:14 Referans Kwoze

Fulaa 30:23

«Nuwviaa ɲɛm cun kɛndɛ-kɛndɔn: mir landenndo kilolan laŋuɛɛnu, kanɛl cun kɛndɔɔ kilolan latiɔn a tálá, sinanɔm kilolan latiɔn a tálá,

Condii kɛndɛ-kɛndɛi 4:6

Tuma pá mì paalen le del, mì ɲɔɔ kandu ɲulullo, mì vunduan ma lo, i co lakɔ o pembii ɲɛm cun kɛndɛi coo a o pembii pɔmbɔɛi malasikɔlɔi coo.

Condii kɛndɛ-kɛndɛi 6:2

Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

Esekiɛl 27:19

Vannda Vedan a haa Yavan fulaa Usal bɛɛ va hunɔɔ vɔngulan o nɔm ndo, a va hunɔɔ a ciliŋun cɔavan, a tɔɔyun cun kɛndɔn le vɔngulan tosaa niaa ndaa.

Condii kɛndɛ-kɛndɛi 1:12

Tuma masaa va ɲɛdiaa ndɔɔ dioo-o, mí lasikɔlɔ nuu va cun ndɔɔ solio.

Talelan 7:17

I cucu ɲɛla cun kɛndɛlan o kpele nuu coo: mir, aloɛs a sinamɔm.

Dɛnnda cɔɔmuanndan 18:13

kamadolaa, ɲɛm cun kɛndɔn, ansan, mirte, mɔiyan, cuɛiyan, kpeyanndo, maalon, nawva a saa laandua, soa, ɲɛla ɲaanannda soa nan-ndan, cɛa a vanndacieea yoomaa.

Nsaŋ 19:39

Mí Nikodɛm ndóò kɔɛ o Yeesu lo icɔllo-o bɛɛ kɔa a ɲɛm cun kɛndɔn le kilolan beleyaa, mirt a aloɛs pɛɛn.

Marke 16:1

Paale pɛngiaalen hiovɔɔ, mí Mari Madelɛn, Mari kalaa Nsaki a Salome a piandu ɲɛm cun kɛndɔn le kɔlan Yeesu suiyo.

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

2Dɛnnda lemasalan 9:9

O kon kɔɔli, mó yɔngu masaa Salomɔn sianion kilolan vàálan layàá a tálá, ansan taw-taw a powta báà kàlàlan. Kabi bɛɛ vana ci lɛ ansan maa ansan masa laandu fula Saba-o ndóò yɔngu masaa Salomɔn-ndo-o le.

1Masaa 10:10

O kon, mó cua sianion kilolan vàálan tan yáá a kɛmɛ leŋuɛɛnu, cuɛima cun kɛndɛan taw a powta báà kàlàlan, mó ke masaa. Kabi paale len, vana hin-ndɛ a cuɛima súú vaa lende o lɛŋnde Israɛl-ten nin maa ma masa laandoo Saba yɔngu ɲinkon Salomɔn-ndan te.

Kundalan 24:6

Calta niaalan la kɔɛnnun kɛ́-kɛ̀ maa ladɛɛla. Vana ca lan ko aa nakɔla tɔlnun o peo kɔngɔ lan ni. Vana ce pɛ aa yɔmii aloɛs Mɛlɛka tɔl-le ni. Vana ca ko aa yɔmii sɛɛdrei co hindɔɔ o mɛnndan kɔngɔ-e ni.

O Kandɔɔ 43:11

O kon mí fuɲa nda dimul nda niko o mɛɛlulan aa: «Te mɛɛ tosaa celen co dɔ́ɔ́ le, mɛɛ i yeema mì la tosa ɲɛ pum: la cua ɲɛm vaan kɛndɛ-kɛndɛn co o lɛŋnde naalen nin-ndon, mì la vow o bɔlɔla niaalan nin, mì la yoo langbanɔ kon. La cua bom ɲɛ-pɔmbɔ a lɛan ɲɛ-pɔmbɔ, mì la cua ɲɛm cun kɛndɔn, mir, pistas a amanndeon.

Condii lisai 45:8

A kaola dɛnɛ sandaa mí kɔlvesɛiyo nɛinun nɔm. Le hee Hala nɔmndo pɔla nɔm ni, mó suu nɔm cuɛima kɔlkɛndɛan, ma hɛnan ndu hiovɔɔ caaŋaa nɔmnda coo.