Condii kɛndɛ-kɛndɛi 4:12 - BII BILA

¹² Nakɔ co o kindaa kpaŋ-ndo n co ni, yemanndo, nɔm ya co cuaa o nɔu nin-ndo. Mɛmma itɛɛnguma co makindan-ndan n co ni, soon kólaa co o kungaa-o lekɛ́ndɛi n co ni.

Condii kɛndɛ-kɛndɛi 4:12 Referans Kwoze

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

1Korɛntea 6:13

La co vɛlɛ dimio aa: «Le ɲɛm dian demboo co ni, mì demboo ndu va le ɲɛm dian.» Kɛ nduyɛ, Hala tɛɛmbuunin ndan tan tiɔn kpow. Diallon n co le suunda le, le Mɛlɛka n co ni, mì Mɛlɛka ndu va le diallon.

Dɛnnda cɔɔmuanndan 7:3

«La hol lɛŋnden baa le, la pilan mɛmma ihɛllan te, la yáà baa o yɔmnde le, háá mi n cii vanaa baalaa Hala naa pondalen sui o n'tendu.»

1Korɛntea 7:34

O kon o siŋnun dɔ́ɔ́ vana nɔ valtan kundalan tan tiɔn le tosaa-o. Lende vɛlɛ koni, vanalanɔ co o nɔ loo, te kon te cua laandu sínà vɔ dɛnɛ vanapɔnɔ loo, ndu co buulanndo le dɛnnda Maalii lan, haliko mi dialun ndɔn a kɔl ndɔɔ dendu Mɛlɛka o hɔl. Kɛ o co o nɔu-vo ndu co buulanndo le dɛnnda ceenndan, le mɛɛ o kindin mò nɛŋi pɔnɔ ndɔ kɔl-lɛ.

Efɛsea 4:30

La tɛɛmbuu Kɔl-Diandaa Hala-o kɔl te, o niaa sɔla pondalen holɔɔ a ndu le paale baŋaa len-ndo.

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

2Korɛntea 1:22

O handu naa tɔɔmasele ndɔɔ coo, mó luei naa yiyan Kɔl-Diandaa o lakɔl, kon co landei le ɲɛm kɛndɛn o kɛsul naa-on ni.

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Esai 58:11

Ya Mɛlɛka simnin niaa laci telen oo telen, i piminin niaa o fondala vesɛilan nin, mì mingi yoomuan o dialun niaan nin. La vanin maa nakɔ nda co pɔɔliaa ɲɛkɛndɛi-yo, mì la siŋnun maa pee lebol mɛnndan ma vela nin too.

Condii kɛndɛ-kɛndɛi 6:11

I co tolɔɔ o nakɔ yɔmii koamaa nin le peengela kɛndɛla co o bóllo nin-ndan tofaa, le tofaa te rɛsɛnndon co vulɔɔ, te krenadiee co yandɔɔ.

Condii kɛndɛ-kɛndɛi 6:2

Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

O Kandɔɔ 29:3

Te ndáà cuungiaa pɛ cɔlua le nda koesio, ndáà faŋa pow yɛ́ndɛ́ bɛndu kon o soondo sondoo. Te ndáà cii nda pɛ koesi, ndáà mingi powvo pimbulu o sondoo.

Condii kɛndɛ-kɛndɛi 4:9

A hiilu ya kɔllo nin, yemanndo, nɔm ya co cuaa o nɔu nin-ndo. Tofaa ya lepilɛ sii ma hiilu ya kɔllo nin! Kɛsii n co hee yomɔɔ-e hiiluu ya kɔllo nin kpede.