Condii kɛndɛ-kɛndɛi 4:11 - BII BILA

¹¹ Òó nɔm vanalanɔ ya co cuaa o nɔu nin-ndo! Cɔcɔn nɔmndon, lɛan ma fula lon ni. Lɛan a nɔnɔan ma co o diɛɛmule nɔmnden coo ni. Vana tuɛi ko volɔɔla nɔmnda cuɛinanndan cunndo aa lasikɔlɔ cun kɛndɛ yɔmnde Liban ni.

Condii kɛndɛ-kɛndɛi 4:11 Referans Kwoze

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Condii kɛndɛ-kɛndɛi 7:9

Lelan ya dimi ni aa: ‹I co helɔɔ o vawvo coo mì kɔ piilian tamaron koaman› Màá mɛɛma nɔmndan ma va maa kpɔ̀nyɔ̀la n'rɛsɛn, mì hoeyii co fulaa nɔm o milin-nde i naŋ cun maa cun kɛndɛ kɔmnde yɔm pomiee.

Condii kɛndɛ-kɛndɛi 5:13

Vana ca ko kuula ndɔlan aa fonda nda tɔl bil kɛndɛ-kɛndɔɔ-o ni. Vana ca ko cɔcɔn ndɔn aa bil nɔ yandɔɔ kɛndɛ-kɛndɔɔ-o ni, nɛɛ mir co talaa-a.

O Kandɔɔ 27:27

Mí Yakɔb sɔɔnguu, mó kɔman ndu. Mɛɛ o kɔman ndu, mí Isaak tuɛi volɔɔla ndɔlan cun, mó dɔaw ndu duaa aa: «Po nuu co cunndo vana ca ko aa ciɛi Mɛlɛka dɔw duaa-e ni.

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Osee 14:2

«Israɛlla, la muungu Mɛlɛka Hala niaa o ibuŋ, kani le haki niaa niaa del ni.

Esai 7:15

Cuɛima nɔnɔan a lɛan o lonin dioo ni háá mo sina le dɛnɛ vɔɔndo kɛɔ a le dɛnɛ kɛndɔɔ cɛlɔɔ.

Condii kɛndɛ-kɛndɛi 4:3

Vana ca ko cɔcɔn nɔmndon aa kɛi siaŋa sɔɔtɔtɔɔ ni. Sondo nɔmndo naŋ bɔɔ mbɔ̀! Vana ca ko kuula nɔmndan ningilaa o kola vaan-vaan n kuumbun o lebol-lo bɛngu aakrenadeon ni.

Talelan 16:24

Maa vaa malɛ sɔɔn kɛndɔn co ni, n yeela o bololan nin, n co maa kooma singiaa le paalan.

Talelan 5:3

Kani sɔɔn fula vanalanɔ tiamaa o sondo-on yeela maa malɛ. Mɛɛ cuɛiyan ma tala yɛ sɔɔn fula ndu o sondo-on co ni.

Condii lisai 45:8

A kaola dɛnɛ sandaa mí kɔlvesɛiyo nɛinun nɔm. Le hee Hala nɔmndo pɔla nɔm ni, mó suu nɔm cuɛima kɔlkɛndɛan, ma hɛnan ndu hiovɔɔ caaŋaa nɔmnda coo.

Condii lisai 19:10

Siòòŋii Mɛlɛka-e nɔu naŋ bɔɔ. Kon lonin tosanndo le vɔsilan kɛmɛlan o kɛmɛlan nin. Sɔɔn Mɛlɛka kialu-on co sɔɔn kpeekpei, sɔɔn sandan kposon n co ni.

Condii kɛndɛ-kɛndɛi 4:10

Kaola nɔmndo yeela bɔɔ, yemanndo, nɔm ya co cuaa o nɔu nin-ndo. Nɔm vana ya co cuaa o nɔu nin-ndo sei! Kaola nɔmndo naŋ bɔɔ. Tɛ̀fɛ̀lɛ̀kɛ̀lɛ̀ɛ̀ nɔmndo hiow naŋɔɔ a mɔiyan, hoeyii nɔmnde hiow cunndo naŋɔɔ a ɲɛm cun kɛndɔn kpow.

Condii lisai 92:13

Vanaa sandaa co yandɔɔ maa mavaw, a co bandei maa sɛɛdrei Liban.

Talelan 5:2

haliko ma bii yiyan taasio kpíŋ, mì cɔcɔn nɔmndon manda sinapɛngoo.