Condii kɛndɛ-kɛndɛi 3:7 - BII BILA

⁷ Mbòòma Salomɔn-ndo co hunɔɔ ho ni. Langbaa kalla belaŋɔmpum a balu mbòòma kalaa ni, kuubaa cɔvaa bɛndua Israɛl kposon!

Condii kɛndɛ-kɛndɛi 3:7 Referans Kwoze

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Condii kɛndɛ-kɛndɛi 3:9

Masaa Salomɔn tosa kpɛŋɔɔ o mbòòma ndɔɔ nin a pɛngɛn yɔmnde Liban.

Condii kɛndɛ-kɛndɛi 1:16

A naŋ bɔɔ hɔlla, nɔm caan ni piaandoo, mbɔ̀ a naŋ bɔɔ! Maa bil puiyaa kpele naa hinia co ni.

2Masaa 6:17

Mí Elise piɛi Mɛlɛka aa: «Mɛlɛka, i co nɔm tɛɛlɔn yandi, kumbi ndu hɔltan, haliko mo ce.» Mí Mɛlɛka kumbi buɛiyo hɔltan, mó ca pembei ipiaa ca a soa leyinnda a á ɲɛla ɲaanannda soa nan-ndan, lan bɛɛ yinnden la va ni.

1Masaa 14:27

Mí masaa Roboam cɔaw kɔ̀ɔ̀la cɔwla celen a daɲan, mó yɔngu simlacia vanaa cɔvaa va diola luɛyaala bɛ́ɛ̀ lemasaa kandaa-a.

1Masaa 9:22

Salomɔn siinguu Israɛlnɔ kɛ́-kɛ̀ cɛ le, nda o siinguu vanaa va ndu mandaa-a, vanaa cɔwva, vanaa bɛndua, simlacia vanaa ɲaanun a soa-a, simlacia va ɲɛm cɔwvon mandaa-a ni.

1Samiɛl 28:2

Mí David mulul Akis aa: «Bala tiɔn! Nɔm pila bɛɛ canin ɲɛ ya tosanin-ndo.» O kon kɔɔli, mí Akis dimul vɛlɛ David aa: «Mbɔ̀ mɛɛ nɔm vanin ya kandaa lɔ́ɔ́-lɔ́ɔ̀ ni.»

1Samiɛl 14:52

Saul cii masale ndɔlen lende, cɔwla kàlà-kálàlan tuŋ la va ndu tɛɛn nda Filistia ni. Lelan, te ndóò ce dɔ́ɔ́ pɛ vana mayoomoo, te kon te vana dialun fulaa, ndóò nannun ndu o ibuŋ.

1Samiɛl 8:16

O cuanin buɛyaa niaa piaandua a à laandua, mò cua langbaa felengia niaa a sofɛlɛa niaa le baalala ndɔlan tosaa.

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

Condii kɛndɛ-kɛndɛi 3:8

Nda kpow, vana-vana co a mɔɛi cɔwve o ba. Nda kpede, vana-vana caa cɔwvo, vana-vana nɔ mɔɛi cɔwve o caŋ, le vóólun-vóólunn cɔw tosan icɔl-lo.

Nehemi 4:13

Mí dimul vanaa bɛndua, vanaa kialaa n'yamaa a vanaa tɔ̀a kpow aa: ‹Baalaa co o bɔɔ, o tongu naa o ba taw. Nduyɛ n co a sɛŋiannda kpede o kpakio coo. N connan lándán-lándán.