Condii kɛndɛ-kɛndɛi 3:1 - BII BILA

¹ «Tuma ya va ihini icɔllo o kpele nuu coo-o, mí nuwviaa vanapɔnɔ kɔl nuu kaola hoo taw-vo, mí nuwviaa ndu, kɛ i seelun ndu le.

Condii kɛndɛ-kɛndɛi 3:1 Referans Kwoze

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Condii kɛndɛ-kɛndɛi 5:6

Mí kumbil vanapɔnɔ ya kaola hoo-o dioo, kɛ ndóò kɔɛnnun nin, o ve lɛ o dio le. Tuma o va sɔɛi o ya lo-o, i ve o ya pila nin te few. Mí fula nuwviaa ndu, kɛ i seelun ndu le. Mí veelu ndu, kɛ o cɛl te.

Condii kɛndɛ-kɛndɛi 1:7

Éé nɔm kɔl nuu kaola hoo-o! Cɔm ya nɛɛ n co lakɔ saa nɔmnda yɔɔ diólan-nda, ma cɔm ya nɛɛ n co lakɔ nda yambɔɔ pɛngio a paale kalalen-nda, yɔŋii ya kɔ va laasianndo o cɔlua caaŋaa nɔmnda ikɛi.»

Esai 55:6

La nuwviaa Mɛlɛka telen vana saalun ndu-o, la veelu ndu o piɛilen nin telen o co vɔ kpɛɛlun-ndo.

Esai 26:9

Yeemɛi co yoomu nuu biyɔɔ taw o ɲumndan nin le nɔm, kɔl ni co ya nin-ndo co nɔm nuwviaa idii a yeemɛi taw. Kani te yaman nɔmndon kiolu pɛ o lɛŋnden coo, vanaa co o ceendo coo-a sina dɛnɛ sandaa.

Condii kɛndɛ-kɛndɛi 5:8

Felengia laandua Yerusalɛm, i tɛɛlun niaa, te la bɔŋan pɛ a vanapɔnɔ ya kaola hoo-o, vɛ̀ɛ̀ niaa dimul-lɛnin ndu kpeekpei? La dimul-la ndu aa i co a nàà kaolaa.

Condii lisai 22:2

Hala nuu! Hala nuu! Le yɛɛ n mal-lɛ ya? Le yɛɛ n lonnun yɛ lándán, a co ya ciindiaa le? Le yɛɛ a co somisominnda nilan tueyɔɔ le?

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Luke 13:24

«La kindin le luɛyɔɔ o dio sɔɔkɛɲɛɛo, kani mì dimul niaa, vanaa bɔɔ-bɔɔ a kindikindinnin le luɛyɔɔ, kɛ a tiwnin ba le.

Condii lisai 6:6

Bau vanndo vi pɛ, o yiyan ndɛ a nɔm o kɔɔ le. Ɔ́ɔ̀ vana lisanin nɔm ciee-piɔ́m-ndo?

Condii lisai 4:4

La sinà hee pɛngu: Mɛlɛka kuundiaa vana lo o lediom coo a ndu-o ni. Te i veelu pɛ Mɛlɛka, o tuei ya diom.

Nsaŋ 11:29

Mari tueyɔɔ dɔ́ɔ́ lende, mó can ɲaali, mó kɔa nɛɛ Yeesu va-a.