Condii kɛndɛ-kɛndɛi 2:9 - BII BILA

⁹ Vanapɔnɔ ya kaola-o velan a púvɔ́ɔ́ te kon te a kial cuaa. Tofa vɔ ndu! O co o cìì cɛi naa kɔɔli, o co tofaa o dio-pɔmbɔɔ, o co mɛɛndanndo o tɛɛngon.

Condii kɛndɛ-kɛndɛi 2:9 Referans Kwoze

Condii kɛndɛ-kɛndɛi 8:14

‹Vanapɔnɔ ya kaola hoo-o sei, ɲaanun, va maa púvɛ, te kon te maa kial cua o pembun ɲɛm cun kɛndɔn coo.›»

Condii kɛndɛ-kɛndɛi 2:17

Tuma pá hoeyii paale delɛi hɔŋ, mì vunduan ma lo, a bɛnda ma muungu nanu. Nɔm vanapɔnɔ ya kaola-o, tosa maa púvɛ, te kon te maa kial cua o pembun co naa tɛɛn-ndon coo.»

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Hebreea 10:1

Vundule ɲɛm kɛndɛn co laci-on daama tɔŋndo co ni. O yeema mi sálàla pilɛlan la va solinndo vɔsi oo vɔsi, pɛngi ve le. Lelan o tiwba mì vanaa co sɔɔnguuo Hala ikɛi o nɛi kon coo-a a peelun te.

Kolɔsea 2:17

mun kpow, vundule ɲɛm co hunɔɔ-on daama le co ni, kɛ o Krista nin sɔɛi kpeekpeiye co ni.

1Korɛntea 13:12

Hau, n co dɛnndan cɔu yifidii maa o tofan nin, kɛ o kon kɔɔli, n cannannin kpendekele. Sunsun, ɲɛ-pɔmbɔ ya sínà ni, kɛ telen co hunɔɔ tiiya, mì n sínà kpow mɛɛ nda sínà ya yɛ.

Nsaŋ 12:41

Ken Esai dimi telen o ce biilu Yeesu-o ni, mó soaa a ndu o kɔɔ.

Nsaŋ 5:46

Kani te la laalan pɛ Moise, mɛɛ ya bɛɛ la laalannin ya, kani a ya o kɔɔ o sɛva ni.

Nsaŋ 5:39

La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Luke 24:35

Mí vanaa ŋiɔŋa kan bɛɛ cɔm ɲɛ kei nda tosalan nɛi-tɛɛn-ndo, a mɛɛ nda sina Yeesu telen o yimiyimi buloo-o yɛ.

2Samiɛl 2:18

Poaa yáá-aa Seruya-a va lon: Yoab, Abisai a Asaɛl. Asaɛl ve vana lusulan te, keleŋaa pila ndóò keleŋa ni maa púvɛ.

Masaa kialaa n'yamaa 5:28

Kalaa Sisera va mɛɛndanndo o dio-pɔmbɔɔ, o lo tofaa o tɛɛngon, mó koŋul aa: Ko le yɛɛ nɛ ɲɛ ɲaanan ndɔ soa nan-ndo co yɛ hau tamalaa le hunɔɔ? Ko le yɛɛ nɛ vana tui ndu hau diom o hunɔɔ le?

Talelan 5:19

Maa kial laa nɔm co ni, o nɔ dí mò sɔla kaolaa nɔm pɔnɔɔ o ba. Maa púvɛ laa nɔm naŋ hɔlla ni. Dialun ndɔn bɛnda mì n pei nɔm kɔllo a yeemɛi, mì kaola ndɔɔ mingi nɔm yingo-yingo.

Talelan 6:5

fɔ ma toosiaa sɔɛi ken, ma hɛlun mɛɛ púvɔ́ɔ́ hialun doosunɔɔ nuaa yɛ, ma poondan mɛɛ yowvo poondan o yala vana biyaa n'yowvo nin yɛ.

Talelan 7:6

Paale pum, i va o dio-pɔmbɔ cɛi nuu, i va tofaa o bɛ́ɛ̀,

Condii kɛndɛ-kɛndɛi 1:16

A naŋ bɔɔ hɔlla, nɔm caan ni piaandoo, mbɔ̀ a naŋ bɔɔ! Maa bil puiyaa kpele naa hinia co ni.

Condii kɛndɛ-kɛndɛi 2:7

«Niaa felengia laandua Yerusalɛm sei! O diola púwvɛa a o diola kialaa co yondoo nin-nda, i co niaa ndi dimul kpéŋ-kpéŋ, la tíndì kaolaa le, la kpeeŋiaa ndu le háá fɔ mì ndu pila yeema.»

Condii kɛndɛ-kɛndɛi 3:5

Niaa felengia laandua Yerusalɛm sei! O diola púwvɛa connun o ba ndaa coo-a, i co niaa ndi dimul kpéŋ-kpéŋ, la tíndì kaolaa le. La kpeeŋiaa ndu le háá fɔ mì ndu pila yeema!