Condii kɛndɛ-kɛndɛi 2:16 - BII BILA

¹⁶ «Vanapɔnɔ ni ya kaola taw-vo co le ya, ya bɛɛ i co le ndu. O bil kɛndɛ-kɛndɔɔ tɛɛn o yaa cɔlua ndɔa diólan ni.

Condii kɛndɛ-kɛndɛi 2:16 Referans Kwoze

Condii kɛndɛ-kɛndɛi 6:3

Le vanapɔnɔ ya kaola hoo-o ya co ni, le ya ndu bɛɛ co ni. O bil kɛndɛ-kɛndɔɔ nin o yaa cɔlua ndɔa diólan ni.

Condii kɛndɛ-kɛndɛi 7:10

Màá sondo nɔmndo va maa mɔima kɛndɛ-kɛndɛ! … Mɔima kɛndɛan ma co fulaa taw le vanapɔnɔɔ ya kaola hoo-o, ma co talaa vanaa co o lɔan-nda o n'cɔcɔ.

Condii lisai 63:1

Condii David soli-e, telen o va Yuda o lɛŋnde veselɛilen nin-ndo.

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Condii kɛndɛ-kɛndɛi 7:13

O kon paalen le sɛ dɔ́ɔ́ pɛ, n kɔɛnnun o nakɔla n'rɛsɛnndan nin. N canin te rɛsɛnndon co yandɔɔ, te n co talunndan solio, te peengelan la kandu fulaa o yandɔɔ, te krenadiee bɛɛ co yandɔɔ. Lon ya kenin nɔm kaola nuu ni.

Condii kɛndɛ-kɛndɛi 4:5

Vana ca ko mɛɛma nɔmma miɔnndan aa púwvɛa cuawva nda ŋiɔn ni. Vana ca ko man aa púwvɛa pɛndua co diolan o bil kɛndɛ-kɛndɔɔ nin ni.

Condii kɛndɛ-kɛndɛi 2:1

«Peengela kɛndɛla co o dɛngbɔɔ Saron nin-ndan ya co ni, bil pungaa co o bóltan nin-ndo pɛɛn.»

Condii kɛndɛ-kɛndɛi 1:7

Éé nɔm kɔl nuu kaola hoo-o! Cɔm ya nɛɛ n co lakɔ saa nɔmnda yɔɔ diólan-nda, ma cɔm ya nɛɛ n co lakɔ nda yambɔɔ pɛngio a paale kalalen-nda, yɔŋii ya kɔ va laasianndo o cɔlua caaŋaa nɔmnda ikɛi.»

Condii kɛndɛ-kɛndɛi 6:2

Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

Condii kɛndɛ-kɛndɛi 7:11

Le vanapɔnɔ ya kaola hoo-o ya co ni, ndu bɛɛ, o nɔ yeemɛi ni taw.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»