Condii kɛndɛ-kɛndɛi 2:14 - BII BILA

¹⁴ Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»

Condii kɛndɛ-kɛndɛi 2:14 Referans Kwoze

Condii kɛndɛ-kɛndɛi 1:5

Cuaambɔa laandua Yerusalɛm sei, o tiŋi ya co ni, kɛ i naŋ taw. I co o tiŋi ŋɛlɛngi-ŋɛlɛngi maa cɛila-kolala-toandaalan Kedar, i naŋ maa cɛila pɔmbɔla Salomɔn-ndan.

Condii kɛndɛ-kɛndɛi 8:13

Nɔm vanalanɔ co icali o nakɔlan nin-ndo, caaŋaa naa co nilan yaŋɔɔ le diom nɔmndo tueyɔɔ. Kɛ, o bɛnda ma dimi aa:

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Abdia 1:3

Yonga nɔm bɛndoo co nɔm palaa ni. O powta kpovalan tɛɛn calta nɔmndan la co ni, a cii lan heelu coocoo ningo-ningo, ma va ɲunanndo o kɔl nin aa: ‹Nɛ̀ɛ́ nɔla yɛ ya tuisi lɛŋ?›

Esekiɛl 7:16

Vanaa hialunnin má lo yoomu-a, nda ɲaanunnin má kɔ hel o pembon coo. A vanin ndon maa poonpoŋaa caŋ o bóltan nin-nda, vana-vana vanin somisominndo le tɛɛmbuu ndɔɔ.

Yeremi 49:16

La co vannda kpow vueinɔnndo, a co yiyanndo maa nɔm hiow vannda kpow ni. Kɛ nɔm pila daama co palanndo ni. La co icali o tɛɛngun powta kpovalan nin, mì la va o fondala feke-fekelan. Kɛ hali heelu bɛɛ calta nɔmndan mì la hiow vɛɛnnde kovɔ́ɔ̀ helɔɔ, i tuisinin nɔm mà tiiya lɛŋ dí.» Sɔɛi fula Mɛlɛka o sondo-e co ken ni.

Yeremi 48:28

Niaa Moabua, la mal kobilan mì la kɔ cal o powta kpovalan coo. La tuula piiŋaa tangul vaaŋii ndɛi nɛɛ feke-fekea o buululan coo-a.

Esai 60:8

Nɛ̀ɛ̀aa co yɛ kelaa coocoo maa yumbuyumbu? Nɛ̀ɛ̀aa co yɛ hiŋnɔnndo coocoo maa poonpooŋaa co kɔlan o fonda nda lɔlaa-a?

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

Condii kɛndɛ-kɛndɛi 1:15

A naŋ bɔɔ hɔlla, nɔm caan ni laandoo, a naŋ bɔɔ mbɔ̀! Hɔlta nɔmndan la naŋ bɔɔ maa n'poonpoon.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

1Piɛr 3:4

kɛ la naŋ naŋɔɔ kɔllo, la nɔ kɔlɲuloo a kɔlkɛndɔɔ, cuɛinɔn kɔl tembu loo co kon ni, o Hala ce ɲɛ sɔvɛ bɛndoo-o.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Kolɔsea 1:22

Kɛ nihau, o piɔ́m Po ndɔɔ sɔla o falon nin-ndo kɔɔli Hala mingi bɛndaa niaa ndaa tɛɛn ni, haliko mi la fula Hala o hɔl a sɛyannda a ɲɛm celen, a diandaa, la nɔ́ sɔŋ te.

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Matie 3:16

Yeesu sɔlaa yinɔɔ, mó fula o mɛnndan nin. Fɔ́ɔ́fɔ̀, mí halataalaa kumbin, mó ca Kɔl Hala-o tolɔɔ maa kangbo, mó cal ndu coo.

Daniɛl 9:7

Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Esai 2:21

Mì nda pila luɛi o tɛɛngun powta kpovalan nin a o tɛɛngun lapowvon nin, yɔŋii kɔltuw Mɛlɛka-o a ɲɛ-tengaa vanin fulaa o vanabɛnduyɛi ndɔɛi nin-ndo tol nda coo telen Mɛlɛka cannin le lɛŋnden vueinɔnndo-o!

Condii kɛndɛ-kɛndɛi 1:8

«Òó nɔm vanalanɔ hiow vanlaandua naŋɔɔ-o, diom foofola bɛngula saa, mà yɛɛ cuinaa téndéa nɔmnda diólan o kùùla vanaa mandaa n'cɔlua ikɛi.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

Condii lisai 74:19

Mal yoomu vanaa n kaola taw-va visia yondoa o ba le. Pɔɛɛnun ceen vanaa nɔmaa co o sangaa nin-nda le fɛɛn a fɛɛn te.

Condii lisai 68:13

Masaa vanaa cɔwva co ɲaanɔnndo, ɲaanɔnndo pila dɛ! Vanlanduaa lo cɛilan nin-nda co bolofaa cɔwvo piɔvanndo.

Condii lisai 50:23

Vana-vana solul-la pɛ sálà malaa balikaa, mɛɛ ndu biilu ya. Vana-vana caa pɛ kelaa, i cɔmnin ndu maa ya co vana ciindiaa ndɔɔ ni.›»

Condii lisai 45:11

Nɔm cua sei! Tofa vɔ, yaŋ-ndɔ nilan. Pɔɛɛnun vanaa nɔmnda a yungu fuɲa nɔmndo.

Condii lisai 22:3

Kpòkóó Hala nuu! Ipala, i co koŋullo coocoo, kɛ a co ya mulul te. Icɔl vɛlɛ, i mei sondo le, i co somisominndo tuŋ!

SƐBƐ YƆB-O 9:16

I veelu ndu bɛɛ mó cɛl, i laalan te te o yaŋnin nilan o diom nuu.

Condii lisai 45:12

Màá yeemɛi bii masaa a naŋɔɔ nɔmndo! Tundun ndu o labɛngunin, kani ndu co vana nɔm bɛndoo ni.