Condii kɛndɛ-kɛndɛi 2:13 - BII BILA

¹³ Voosun tason diw o voosoei coo. Rɛsɛnndon yandu mí yandɔɔ kon va cunndo. Lelan, cɔn, caan ni laandoo, caan ni naŋ hɔlla taw-vo, cɔn mà hin.

Condii kɛndɛ-kɛndɛi 2:13 Referans Kwoze

Condii kɛndɛ-kɛndɛi 2:10

Vanapɔnɔ ya kaola-o co sɔɛi o ya lo, o co ya dimullo aa: ‹Caan ni laandoo sei, cɔn! Hun, caan ni laandu naŋ hɔlla-o.

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

Luke 19:42

mó dimi aa: «Vannda Yerusalɛm, te niáà bɛɛ sina pɛ hau mɛɛ vana sɔla kɔlɲuloo yɛ! Kɛ o vinnun niaa, la tiwnin ba ndu cɔw le!

Matie 24:32

«La bìí tale voosu tumndo ho bila: lɛɛndun ndɔn kuumiaa dɔ́ɔ́ pɛ mì pei lendei pui, la siná dɔ́ɔ́ maa vɔɔlen le co le tiiyaa.

Aasee 2:19

Vɛ̀ɛ̀ ɲɛ lo lɛ pá o lakonda? Nakɔla n'rɛsɛnnda, nakɔla n'buumbuulan, nakɔla krenadieelan a nakɔla olivieelan la co lɛ komɔɔ le. Kɛ kandɔɔ hau, i co niaa duaa nuu tuisi coo.»

Osee 14:6

I vanin maa mɔ́m le Israɛlla, a yandunin maa bil cun kɛndɛ. À lueinin puundun ndan lɛŋ maa yɔmii sɛɛdrei Liban.

Esai 18:5

Telen pá tuma kiandaa n'rɛsɛnndo tiiya, te rɛsɛnndon cuu pɛ yandɔɔ, mí yandɔɔ kon siŋnun rɛsɛŋun kullon, mí n diw, o kon vannda kili lɛvun rɛsɛn tum kon a lɛɛndo. A kili pɛ lende, a faaŋiaa lɛvun kum mun toon o tumndo.

Condii kɛndɛ-kɛndɛi 7:8

Bandii nɔmnde cɛl nɔm maa vaw tamaro. Vana ca ko mɛɛma nɔmndan aa tamaro kpɔ̀nyɔ̀ɔ́ ni.

Condii kɛndɛ-kɛndɛi 6:11

I co tolɔɔ o nakɔ yɔmii koamaa nin le peengela kɛndɛla co o bóllo nin-ndan tofaa, le tofaa te rɛsɛnndon co vulɔɔ, te krenadiee co yandɔɔ.

Condii kɛndɛ-kɛndɛi 1:15

A naŋ bɔɔ hɔlla, nɔm caan ni laandoo, a naŋ bɔɔ mbɔ̀! Hɔlta nɔmndan la naŋ bɔɔ maa n'poonpoon.

Condii kɛndɛ-kɛndɛi 2:15

«La biilu naa kàá, kàà cuavaa co tumnda n'rɛsɛnndan tɛɛmbuuo-a. Kani rɛsɛŋun naan n yandu.»