Condii kɛndɛ-kɛndɛi 2:12 - BII BILA

¹² Billo co yandɔɔ o lɛŋnden coo, telenndo tiiya le condon solio. Piindo co caŋndo, vana tuɛi ndu diom o ciɛɔn naan nin.

Condii kɛndɛ-kɛndɛi 2:12 Referans Kwoze

Esai 55:12

A toɲa, la fulanin a kɔlkɛndɔɔ taw, a yaanin niaa o kɔlɲuloo nin, pembun bɛndon a n'pɔmbɔn piɔndinin a ɲaaloo niaa o hɔl, nduyɛ yɔmii co yondoo nin-nde kpow i tiamnin balan.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Yeremi 8:7

Hali yow yɔɔyaa cɔcɔɛi vilɛiyo sina telen ndɔɔ, piinndo, lɛɛfɛnndo a yow yɔɔyaa kɛsii vilɛiyo, a sina telen nda hun-ndo. Kɛ vanaa nia sina silala Mɛlɛka lan te.»

Condii lisai 89:15

O sakpoyɛi a o sandei coo kpɛŋɛ lemasa nɔmndo kɛsi tumndo ni. Kaolaa a lou o lediom coo co nɔm o hɔl.

Condii kɛndɛ-kɛndɛi 6:11

I co tolɔɔ o nakɔ yɔmii koamaa nin le peengela kɛndɛla co o bóllo nin-ndan tofaa, le tofaa te rɛsɛnndon co vulɔɔ, te krenadiee co yandɔɔ.

Condii kɛndɛ-kɛndɛi 6:2

Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

O Kandɔɔ 15:9

Mí Hala muli aa: «Kɔ hun a naw laandu téndé nɔ vɔsilan layàá-o o pilɛ, cuin laandu nɔ vɔsilan layàá-o o pilɛ, saa kóndó nɔ vɔsilan layàá-o o pilɛ, piindo o pilɛ a kangboo o pilɛ.»

Condii lisai 74:19

Mal yoomu vanaa n kaola taw-va visia yondoa o ba le. Pɔɛɛnun ceen vanaa nɔmaa co o sangaa nin-nda le fɛɛn a fɛɛn te.

Condii kɛndɛ-kɛndɛi 2:11

Kani tofa vɔ, sialten le cuu, piɔɔ vengu, o co lɛ sia le.