Condii kɛndɛ-kɛndɛi 2:10 - BII BILA

¹⁰ Vanapɔnɔ ya kaola-o co sɔɛi o ya lo, o co ya dimullo aa: ‹Caan ni laandoo sei, cɔn! Hun, caan ni laandu naŋ hɔlla-o.

Condii kɛndɛ-kɛndɛi 2:10 Referans Kwoze

Condii kɛndɛ-kɛndɛi 2:13

Voosun tason diw o voosoei coo. Rɛsɛnndon yandu mí yandɔɔ kon va cunndo. Lelan, cɔn, caan ni laandoo, caan ni naŋ hɔlla taw-vo, cɔn mà hin.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Condii kɛndɛ-kɛndɛi 2:8

«Diom vanapɔnɔ ya kaola-o ya co tueyɔɔ ho ni. Tofa vɔ ndu, ndu co hunɔɔ nuaa ni. Ndu co hunɔɔ a huuloo o pembon coo nuaa ni, ndu co icilian-ciliannde o pembun pɔmbɔn coo nuaa ni.

Yeremi 31:3

Levil polon Mɛlɛka cɔmnun ya ni, mì dimul ndu aa: ‹I kaola nɔm le lɔ́ɔ́-lɔ́ɔ̀, lelan ya co nɔm canyɛi nii cɔm ni.›

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Condii lisai 85:8

Éé Mɛlɛka! Cɔm naa maa vana lo o lediom coo-o n co ni, mà ciindiaa naa.

2Samiɛl 23:3

Hala Israɛlla soo, pow kpova Israɛlla dimul-la aa: ‹Masa co masalen tosaa vanndacieea coo a sandei-yo, masa co masalen tosaa nda coo a siòòŋii Hala-e-o,

Matie 9:9

Mɛɛ Yeesu faŋan ndon, mó kɔa lándán, mó ca langbanɔɔ pum icali o cɛi biyaa muloo nin, diolan ndu Matie. Mó dimul ndu aa: «Del-la kɔɔli!» Mí Matie can, mó kɔa ndu kɔɔli.

Condii kɛndɛ-kɛndɛi 1:9

Òó nɔm caan ni laandoo, i tuu nɔm a soa laandua nan ɲɛla ɲaanannda Faraɔnnɔɔ lan-nda o pilɛ.

Condii kɛndɛ-kɛndɛi 1:15

A naŋ bɔɔ hɔlla, nɔm caan ni laandoo, a naŋ bɔɔ mbɔ̀! Hɔlta nɔmndan la naŋ bɔɔ maa n'poonpoon.

Condii kɛndɛ-kɛndɛi 2:11

Kani tofa vɔ, sialten le cuu, piɔɔ vengu, o co lɛ sia le.