Condii kɛndɛ-kɛndɛi 1:7 - BII BILA

⁷ Éé nɔm kɔl nuu kaola hoo-o! Cɔm ya nɛɛ n co lakɔ saa nɔmnda yɔɔ diólan-nda, ma cɔm ya nɛɛ n co lakɔ nda yambɔɔ pɛngio a paale kalalen-nda, yɔŋii ya kɔ va laasianndo o cɔlua caaŋaa nɔmnda ikɛi.»

Condii kɛndɛ-kɛndɛi 1:7 Referans Kwoze

Esai 13:20

Vana cel-lɛnin lenin te few, le fɛɛn a fɛɛn nin o pe lɛ le. Nduyɛ hali Arabua tondu lɛnin cɛila-kolala ndalan ndon te, hali vanaa mandaa n'cɔlua a tosa lɛnin bɛ̀mɛ́ltan ndon le cɔlua ndaa le.

Condii lisai 28:1

Condii David-e. Mɛlɛka, o nɔm ndo ya co yondaa nuaa ni. Nɔm Pow kpova nuu, meílùl-la le. Kani taa meilul-la pɛ, i siŋnun maa vanvílɛ́yaa co tolɔɔ o sɛiyo nin-nda.

Dɛnnda cɔɔmuanndan 7:17

Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

1Piɛr 2:7

Bɛɛlen le co le niaa vanaa laalannda. Kɛ le vanaa kɛɛ le laalanndo-a, pow vanaa tangulaa viow-vo, ndu siŋnun pow lebollo ni,

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Nsaŋ 10:11

Ya, vana mandaa n'saa kɛndɔɔ ya co ni. Vana mandaa n'saa kɛndɔɔ ndu, yoomu ndɔɔ o yɔngu le saa ndɔa ni.

Matie 10:37

Vana kaola pɛ fuɲa ndɔ, te kon te kala ndɔ hiovɔɔ ya coo, mɛɛ ndu bɛnda mò va kaandennɔ ni le. Vana kaola pɛ po ndɔɔ, te kon te cua ndɔɔ hiovɔɔ ya coo, mɛɛ ndu bɛnda mò va kaandennɔ ni le.

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Yeremi 33:12

Diom Mɛlɛka-Nɔ-Kpaayaa-Kpow-vo dimi vɛlɛ-o co hoo ni aa: «Hèélan la hun vanin vɛlɛ le vanaa mandaa n'cɔlua cɔlua ndaa yambɔɔ pɛngio o lɛŋnde len nin a o kobila ndɔlan nin kpow. Lɛŋnde len le co fondo, n'vanndaciee co lenin te, n'cɔlu vɛlɛ le.

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Esai 26:9

Yeemɛi co yoomu nuu biyɔɔ taw o ɲumndan nin le nɔm, kɔl ni co ya nin-ndo co nɔm nuwviaa idii a yeemɛi taw. Kani te yaman nɔmndon kiolu pɛ o lɛŋnden coo, vanaa co o ceendo coo-a sina dɛnɛ sandaa.

Esai 5:1

«I co condei soli le caan ni ya kaola taw-vo, i co condei soli le can ni kon a rɛsɛn-tum ndɔɔ o kɔɔ. Caan ni ya kaola taw-vo ndóò nɔ nakɔ n'rɛsɛnndo o pembii pɔmbɔɛi tɔlɔɔ naŋ coo-e coo.

Condii kɛndɛ-kɛndɛi 8:13

Nɔm vanalanɔ co icali o nakɔlan nin-ndo, caaŋaa naa co nilan yaŋɔɔ le diom nɔmndo tueyɔɔ. Kɛ, o bɛnda ma dimi aa:

Condii kɛndɛ-kɛndɛi 6:3

Le vanapɔnɔ ya kaola hoo-o ya co ni, le ya ndu bɛɛ co ni. O bil kɛndɛ-kɛndɔɔ nin o yaa cɔlua ndɔa diólan ni.

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

Condii kɛndɛ-kɛndɛi 5:10

Hali vanapɔnɔ ya kaola hoo-o va bɛɛ vannda vaalan tɔ́ tɛɛn, o pɔwnun te. Kani o co o ningilaa, kɔɔle ndɔlen le co letengaa.

Condii kɛndɛ-kɛndɛi 5:8

Felengia laandua Yerusalɛm, i tɛɛlun niaa, te la bɔŋan pɛ a vanapɔnɔ ya kaola hoo-o, vɛ̀ɛ̀ niaa dimul-lɛnin ndu kpeekpei? La dimul-la ndu aa i co a nàà kaolaa.

Condii kɛndɛ-kɛndɛi 2:16

«Vanapɔnɔ ni ya kaola taw-vo co le ya, ya bɛɛ i co le ndu. O bil kɛndɛ-kɛndɔɔ tɛɛn o yaa cɔlua ndɔa diólan ni.

Condii kɛndɛ-kɛndɛi 2:3

«Mɛɛ yɔm pomiee co yɔmnde tɛɛn o bundɔɔ nin yɛ, lende koni vana ya kaola hoo-o co felengia piaandua tɛɛn ni. Ɲɔɔ hɛnan ya le calle o vundule ndɔlen bɛngu, kɔmnde ndɔlen le yeela ya o sondo taw.

Condii lisai 116:1

I kaola Mɛlɛka, kani o co diom nuu a cɛɛŋɔnnda nilan tueyɔɔ.

Condii lisai 80:1

Condii Asaf-e, í fula o condun simlacinɔ vanaa n'condua nin-nde. A bangaa o soli condei he ni.

Condii lisai 18:1

Condii David-e, í fula o condun simlacinɔ vanaa n'condua nin-nde. David vana baala Mɛlɛka-o condu ndi tuma Mɛlɛka baŋa ndu yaamɔaa ndɔa kpow o ba-o, kɛ taama-taama Saul o ba.

O Kandɔɔ 37:16

Mí Yosɛf dimul ndu aa: «Bɛndaa niaa ya co nuwviaa ni. A sina nɛɛ nda yɛɛ cɔlua diólan-nda mà cɔm ya lon?»

Condii kɛndɛ-kɛndɛi 6:2

Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

Ruti 2:21

Mí Ruti Moabunɔ mingi vɛlɛ sondo aa: «Mó dimul-la vɛlɛ aa ya va kɔlan yasalan cɔwviaa buɛyaa ndɔa kɔɔli háá mì ciɛi ndɔɛi cuu kovɔɔ.»