5 Cuaambɔa laandua Yerusalɛm sei, o tiŋi ya co ni, kɛ i naŋ taw. I co o tiŋi ŋɛlɛngi-ŋɛlɛngi maa cɛila-kolala-toandaalan Kedar, i naŋ maa cɛila pɔmbɔla Salomɔn-ndan.
Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»
Felengia laandua Yerusalɛm, i tɛɛlun niaa, te la bɔŋan pɛ a vanapɔnɔ ya kaola hoo-o, vɛ̀ɛ̀ niaa dimul-lɛnin ndu kpeekpei? La dimul-la ndu aa i co a nàà kaolaa.
Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»
«Niaa felengia laandua Yerusalɛm sei! O diola púwvɛa a o diola kialaa co yondoo nin-nda, i co niaa ndi dimul kpéŋ-kpéŋ, la tíndì kaolaa le, la kpeeŋiaa ndu le háá fɔ mì ndu pila yeema.»
Kɛ kaandennɔɔ tiiya pɛ maa vana ndɔ pɛɛkaa, mì cɛɔ tiiya maa vana ndɔ bɛndoo, kon tiw. Nɛɛ nda veelu vɔ vana co cɛiyo bollen-ndo nuaa aa Beɛlsebul, vanaa co cɛinin-nda yɛ niko?
Le hee, mí tɔ́ɔ́ nɔmndo tiw vanaa-mangalaa-isɔɔa tɛɛn le naŋɔɔ nɔmndo, kani le tùú yáà dovi nɔm a naŋɔɔ-o, mí nɔm óò tiwnun a naŋɔɔ. Ya Maalii, ya co Mɛlɛka-o soo nuaa ni.
I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.
Cɔlua Kedar kpow cuungiannin o nɔm ndo, saa kóndóa Nebayɔt a vanin nɔm o ba bɛngu, a yɔngunnin le sálà loamaa solio o fonda-loamaa-lasálà nuu coo, a hɛnannin ya, i yɔngunin cɛi ni ivanabɛnduyaa naŋɔɔ taw.
Vana ca ko cɔcɔn nɔmndon aa kɛi siaŋa sɔɔtɔtɔɔ ni. Sondo nɔmndo naŋ bɔɔ mbɔ̀! Vana ca ko kuula nɔmndan ningilaa o kola vaan-vaan n kuumbun o lebol-lo bɛngu aakrenadeon ni.
La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.
O hindu Mɛlɛka o hɔl maa tɛyii piɔl o yɔm tumndo-e, maa puundule fula o lɛŋnde kalonkalonnden nin-nden. Ndóò nɔ naŋɔɔ, te kon te naŋɔɔ tosa mi náà n muli hɔlla o ndu lo le, hɔlaa ndɔa ndáà nɔla mi ndáà pilan naa kɔl te.
O toosiaa sungbuma ndɔan a volin humbon, mó bɛɛndiaa nɛɛ sɛɛŋaa kɔɔ-a a sianion, mó toosiaa nɛɛ calaa a kola siaŋa kɛndɛ-kɛndɔɔ. Felengia laandua Yerusalɛm sɔɔluu ndu a kaolaa ni.
Niaa felengia laandua Yerusalɛm sei! O diola púwvɛa connun o ba ndaa coo-a, i co niaa ndi dimul kpéŋ-kpéŋ, la tíndì kaolaa le. La kpeeŋiaa ndu le háá fɔ mì ndu pila yeema!
Cun kɛndɛ mir, cun aloɛs a cun kɛndɛ kas co o domala nɔmnda bɛndulan coo. Diom ɲɛm-caa iyoo co fulaa le nɔm kɔllo nɛŋio o cɛila lemasala nda kɛɛmiaa a ciŋun kamaalan nin.
Vannda Arabii a simlacia Kedar kpow a va yulalen tosaa nɔm o ba bɛngu, o nda lo yulaa nɔmaa n'saa téndéa, yulaa nɔmaa n'saa kóndóa a yulaa nɔmaa cuinaa toovia va ni.