Condii kɛndɛ-kɛndɛi 1:2 - BII BILA

² «Màá kɔman ya ma sɔsa ya sondoo! Kani kaola nɔmndo hiow ya biyɔɔ a mɔiyan.

Condii kɛndɛ-kɛndɛi 1:2 Referans Kwoze

Condii kɛndɛ-kɛndɛi 4:10

Kaola nɔmndo yeela bɔɔ, yemanndo, nɔm ya co cuaa o nɔu nin-ndo. Nɔm vana ya co cuaa o nɔu nin-ndo sei! Kaola nɔmndo naŋ bɔɔ. Tɛ̀fɛ̀lɛ̀kɛ̀lɛ̀ɛ̀ nɔmndo hiow naŋɔɔ a mɔiyan, hoeyii nɔmnde hiow cunndo naŋɔɔ a ɲɛm cun kɛndɔn kpow.

Condii kɛndɛ-kɛndɛi 1:4

Nan ya nɔm kɔɔli mì n ɲaanun. Masa nuu, luei ya o cɛi nɔm lɔlaa nin, mì n kɔ mì n dɔwnun ɲaale naa ŋiɔn. N lisanin piilianndaan hiovɔɔ mɔiyan coo. A toɲa, cuavaa laandua kaola nɔmnda nɔ dí le nɔm kaolaa.

Condii lisai 36:7

Maa pembun vilɛi-vilɛiyon sandii nɔmnde co ni. Yaman nɔmndon yingila maa soon yingilaa. Mɛlɛka, nɔm co vanndacieea a visia ciindiaa ni.

Luke 15:20

O kon mó can, mó muungu o fuɲa ndɔ lo. O lo nɛɛ levil, mí fuɲa ndɔ ca ndu, mí ɲííye bii ndu taw. Mó ɲaanun, mó kɔ kɔman po ndɔɔ, mó sɔsa ndu sondoo.

Matie 26:26

Tuma nda va ɲɛdiaa dioo-o, mí Yeesu cua buloo, mó dɔaw ndu duaa, mó yimiyimi ndu, mó yɔngu kaandeŋaa ndɔa, mó dimul nda aa: «La bii mì la de, dialun nun co mun ni.»

Esai 25:6

Mɛlɛka-Nɔ-Kpaayaa-Kpow-vo tuisi kafo diaa le vannda súúlan kpow o pembei he coo, o toosiaanin ɲɛm dian yeelɛiyon, mɔima kálà-kálàn, visin macuɛiyon a mɔima kálà-kálàma yueinun-ndan.

Condii kɛndɛ-kɛndɛi 7:12

Hun n kɔ, nɔm vanapɔnɔ ya kaola hoo-o, n fula mì n kɔɛ yondoo nin, n kɔ mì n kɔ va lɔan o sɔndɔkɔltan.

Condii kɛndɛ-kɛndɛi 7:9

Lelan ya dimi ni aa: ‹I co helɔɔ o vawvo coo mì kɔ piilian tamaron koaman› Màá mɛɛma nɔmndan ma va maa kpɔ̀nyɔ̀la n'rɛsɛn, mì hoeyii co fulaa nɔm o milin-nde i naŋ cun maa cun kɛndɛ kɔmnde yɔm pomiee.

Condii kɛndɛ-kɛndɛi 2:4

O luei ya o cɛi mamɔiyo nin. Lɛfɛ o landu ya coo-o diolan aa: ‹Kaolaa›.

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

Dɛnnda kiilaa 21:7

Mí n can Tir, mí n hiaw laci, mí n kɔa Ptolemais. Mí n yil puapilɛa naa lon, mí n hivi paalen naa ndaa.

Condii kɛndɛ-kɛndɛi 7:6

A caa bɔɔ bolle nɔmnden simi maa pembei Karmɛl. Yiinde nɔm o lebol i connun i siaŋa valan. Masaa pum kayakayan o kandela nɔmndan nin.

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

1Piɛr 5:14

La yilan vellaa-velle, mì la kɔɔmian o puapilɛyɛi nin. Màá kɔlɲuloo va le niaa co le Krista-a kpow!

O Kandɔɔ 45:15

Mó kɔɔmian vɛlɛ bɛndaa ndɔa tɔ̀a a caŋndo. Fɔ o kon kɔɔli bɛndaa ndɔa nɔla sɔɛi o ndu lo ni.

O Kandɔɔ 29:11

Mɛɛ o cii nda koesi, mó kɔman Rasɛl, mó piɔndi a caŋndo.