Condii kɛndɛ-kɛndɛi 1:15 - BII BILA

¹⁵ A naŋ bɔɔ hɔlla, nɔm caan ni laandoo, a naŋ bɔɔ mbɔ̀! Hɔlta nɔmndan la naŋ bɔɔ maa n'poonpoon.

Condii kɛndɛ-kɛndɛi 1:15 Referans Kwoze

Condii kɛndɛ-kɛndɛi 4:1

«A naŋ bɔɔ, nɔm caan ni laandoo, a naŋ bɔɔ hɔlla! Vana ca ko hɔlta nɔmndan o kola vaan-vaan n kuumbun o lebol-lo bɛngu aa poonpoonda ni. Vana ca ko yiiŋii nɔmnde aa cuinaa kundaa co pembei Kalaad tolɔɔ a kiltan ni.

Condii kɛndɛ-kɛndɛi 5:12

Vana ca ko hɔlta ndɔlan aa poonpooŋaa co o peo kɔngɔ-a ni, a co pulɔnndo o nɔnɔan nin má va calle pɛngio o peo kɔngɔ-a pɛɛn.

Condii kɛndɛ-kɛndɛi 4:7

Caan ni laandoo, a naŋ bɔɔ! A nɔ lenamta o dialun nɔmndon nin te.

Malasi 2:14

Mì la muungu ɲunaa aa: ‹Ko le yɛɛ nɛ o co yɛ naa tosallo lende?› Kani Mɛlɛka pila co seiyo niaa tɛɛn niaa lanɔ n yil o felengiyɛi nɔmnde nin-ndo ni. Ndu yɔŋnun vanalanɔ n yiilu kpemaa-o ni. Kɛ a lo o lediom coo le, má hui ndu.

Condii kɛndɛ-kɛndɛi 7:6

A caa bɔɔ bolle nɔmnden simi maa pembei Karmɛl. Yiinde nɔm o lebol i connun i siaŋa valan. Masaa pum kayakayan o kandela nɔmndan nin.

Condii kɛndɛ-kɛndɛi 6:4

Caan ni laandoo sei, a naŋ bɔɔ, a naŋ bɔɔ maa kobio Tirsa. A connun o kɛndɛ válán maa Yerusalɛm, kɛ a vueinun bɔɔ maa vanaa cɔw.

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Condii kɛndɛ-kɛndɛi 4:10

Kaola nɔmndo yeela bɔɔ, yemanndo, nɔm ya co cuaa o nɔu nin-ndo. Nɔm vana ya co cuaa o nɔu nin-ndo sei! Kaola nɔmndo naŋ bɔɔ. Tɛ̀fɛ̀lɛ̀kɛ̀lɛ̀ɛ̀ nɔmndo hiow naŋɔɔ a mɔiyan, hoeyii nɔmnde hiow cunndo naŋɔɔ a ɲɛm cun kɛndɔn kpow.

Condii kɛndɛ-kɛndɛi 2:13

Voosun tason diw o voosoei coo. Rɛsɛnndon yandu mí yandɔɔ kon va cunndo. Lelan, cɔn, caan ni laandoo, caan ni naŋ hɔlla taw-vo, cɔn mà hin.

Condii kɛndɛ-kɛndɛi 2:10

Vanapɔnɔ ya kaola-o co sɔɛi o ya lo, o co ya dimullo aa: ‹Caan ni laandoo sei, cɔn! Hun, caan ni laandu naŋ hɔlla-o.

Condii kɛndɛ-kɛndɛi 1:8

«Òó nɔm vanalanɔ hiow vanlaandua naŋɔɔ-o, diom foofola bɛngula saa, mà yɛɛ cuinaa téndéa nɔmnda diólan o kùùla vanaa mandaa n'cɔlua ikɛi.

Condii kɛndɛ-kɛndɛi 1:9

Òó nɔm caan ni laandoo, i tuu nɔm a soa laandua nan ɲɛla ɲaanannda Faraɔnnɔɔ lan-nda o pilɛ.

Condii kɛndɛ-kɛndɛi 1:16

A naŋ bɔɔ hɔlla, nɔm caan ni piaandoo, mbɔ̀ a naŋ bɔɔ! Maa bil puiyaa kpele naa hinia co ni.

Condii kɛndɛ-kɛndɛi 6:10

‹Nɛ̀ɛ́-nɛ̀ co yɛ hoo fulaa muɲɛɛ maa ɲɛ-tengaa paale siaa? Vanndo ho naŋ maa ipaangu, o dendu maa lepala, kɛ o vueinun bɔɔ maa vanaa cɔw›.

Condii kɛndɛ-kɛndɛi 7:7

Éé caan ni laandoo, a naŋ bɔɔ hɔlla, a connun o kɛndɛ válán, nɔm nɛ́ŋì ya kɔllo ni.