Kolɔsea 4:6 - BII BILA

⁶ Sɔɔn nian bɛnda mì n va lɔ́ɔ́-lɔ́ɔ̀ sɔɔn cuu vana dɛnɛ kɛndɛ-on, mì n yeela o tueyɔɔ, haliko mi la sínà mɛɛ niaa bɛnda le vana-vana mulullo yɛ.

Kolɔsea 4:6 Referans Kwoze

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

1Piɛr 3:15

Kɛ la ke Krista co Maalii-o bɛɛlen o kɔlta niaalan nin. La va lɔ́ɔ́-lɔ́ɔ̀ a bɛɛndiannda, haliko te vanndo ɲuna pɛ niaa le kɔlɔ niaa nɔ kɔlkɛsiaa-o, la tɛɛsial ndu kɔlɔ kon.

Vana Kɔlkaloo 10:12

Vana kɔlkaloo soo pɛ, sɔɔn mun hɛnan vannda. Kɛ diɔm sondo vesɛiyo ndu kumbi dɔ́ɔ́ pɛ sondoo, vannda yaa ndu.

Marke 9:50

Ɲɛ kɛndɔɔ hɛlle co ni, kɛ te yeelaa fulan pɛ o hɛlle, a yɛɛ niaa mingi yɛnin ndi yeeliaa? La nɔ́ hɛlle niaa nin, mì la va o kɔlɲuloo nin vellaa-velle.»

Talelan 15:4

Sɔɔn luei vannda yoomuan-ndon co maa yɔm cindàà. Kɛ diomnde vɔɔnnden nden, kɔllo le tɛɛmbuu vana ni.

Talelan 15:7

Sinapɛngoo fula vanaa kɔlkalua o sondo ni, kɛ kɔlta diɔmaa sondo vesɛiya la simul te.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Matie 5:13

«Hɛlle niaa co o lɛŋnden coo ni. Kɛ te yeelaa fula pɛ hɛlle, vɛ̀ɛ̀ vana mingi yɛ ndi yeeliaa? I niŋ ndɛ le ɲɛ-ɲɛ le, fɔ le ndi viovɔɔ o bɛ́ɛ̀, mì vannda nɛw ndi.

Talelan 10:21

Sɔɔn vana sandaa n mala vanaa bɔɔ-bɔɔ, kɛ kɔlkalu lepɛŋndo dii vanaa pe lebol te-a ni.

Condii lisai 119:46

I diminin tɔŋnda nɔmnda lan masaa o hɔl, siɛmbula biinin ya le.

Condii lisai 105:2

La solul ndu condon mì la lisa ndu a ɲɛm-caan, la cɔm dɛnnda ndɔla kaamaalan kpow.

Condii lisai 45:2

Kɔllo co ya yusaa nin le sɔɔn kɛndɔn dimio, i co dimio aa: Le masaa dɛnnda nilan la co ni. Màá diɛɛmule nilen le siŋnun maa kpɛ̀kile vana sɛvaa kɔlkaloo!

Luke 4:22

Mí nda kpow a naŋ kɔl, má dɔawnun kɔndɔfili a sɔɔn kɛndɛn va ndu fulaa o sondo-on, má ɲuna aa: «Vɛ̀ɛ̀ o co po Yosɛf-o le?»

Condii lisai 119:13

I co tɔŋnda fula nɔm o sondo lan kpow dimio.

Condii lisai 66:16

Niaa vanaa nɔ siòòŋii Hala-e-a kpow, la hun mì la yaŋnun, mì dimul niaa ɲɛ ndu Hala tosal-la-o.

1Dɛnnda lemasalan 16:24

La cɔm vanaa-mangalaa-isɔɔa kpow biilu ndɔɔ, mì la cɔm nda dɛnnda ndɔla kaamaalan.

Tɔŋ miingua 11:19

La pɛɛku cuavaa niaa lan. La soo lecoo o laniaa lo cɛinin, telen niaa vanin kɔlan kelaa o nɛi-yo, telen niaa vanin kɔlan lɔan-ndo a telen niaa cannin-ndo.

Tɔŋ lasálàá 2:13

A bɛnda ma vow hɛlle o kpeyan n co Mɛlɛka sálà ɲɛm vaa solullo-o kpow nin. A bɛnda ma pɔɛɛnun le hɛlii kpema Hala nɔmndo vowvo o kpeyan nɔmndo nin te. O sálàla nɔmndan nin kpow, a bɛnda ma vow hɛlle.

Esekiɛl 43:24

a hun cɔm Mɛlɛka nda. O kon, vanaa-solia-lasálàá cucu hɛlle nda coo, a solul Mɛlɛka sálà loamaa a nda.