Kolɔsea 4:5 - BII BILA

⁵ La kela a taasi a vanaa co vanaa laalan te-a. La mal telen oo telen hiovɔɔ le.

Kolɔsea 4:5 Referans Kwoze

1Tesalonikea 4:12

O kon, vanaa co vanaa laalan te-a kenin niaa bɛɛlen, la venin o ba vana bɛngu le.

Nsaki 3:13

Nɛ̀ɛ́-nɛ̀ co yɛ vana kɔlkaloo a vana sinaa dɛnɔɔ o niaa tɛɛn? Vana kon bɛnda mò cɔm o kela ndɔ kɛndɔɔ nin maa dɛnnda ndɔlan la fula o tuisinndo nin a o kɔlkaloo nin.

Rɔmnda 16:19

Niaa niaa, vannda kpede a sínà maa vanaa biyaa isɔɔa niaa co ni, lelan ya naŋ kɔl a dɛnɛ niaa ni. Nduyɛ i yeema mì la va vanaa kɔlkalua a dɛnɛ kɛndɔɔ o kɔɔ, mì la va vanaa diandaa a dɛnɛ vɔɔndo o kɔɔ.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

1Timote 3:7

Mɛɛ mì vanaa ceenda tɛnda seile ndɔle kɛndɛlen, yɔŋii o tambu tɔ́ɔ́ mo haw o yaŋɔɔle ɲina vɔɔndo.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Marke 4:11

Mó mulul nda aa: «Niaa, o kennun niaa le dɛnnda viannanndan sinaa a masale Hala len o kɔɔ, kɛ le vanaa celen, maa lasanda daama la co le nda ni,

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

1Piɛr 3:1

Niaa vanlaandua bɛɛ, vana-vana tuisin pɔnɔ ndɔ o labɛngunin, o kon hali mì a pum o nda tɛɛn a laalan sɔɛi Hala-e le, mà sɔlan le kela laandua ndaa, o ve a isɔɔ le,

Condii lisai 90:12

Pɛɛku naa mɛɛ naa n bɛnda mì n cɔm palɛi nɛi yɛ, o kon mì kɔlta naalan la pɛ a kɔlkaloo.

Daniɛl 2:8

Mí masaa muli aa: «I ce maa la yeema mi ke niaa lɔ́ɔ́, kani la ce maa i cii sɔɛi kiolɔɔ o kɔl nuu nin.