Kolɔsea 4:3 - BII BILA

³ Mì la piɛi vɛlɛ le naa: mì Hala kumbil naa dioo le sɔɛi, haliko mi n tiwba dɛnɛ viannan Krista-o yondaa. Le dɛnɛ viannan ndɔ kon ya co o yɔlɔn nuaa ni,

Kolɔsea 4:3 Referans Kwoze

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Kolɔsea 1:26

sɔɛi viannaŋii o vin vanndacieea kabi sindɛ, kɛ mó cɔm sunsun vanaa laalannda-e.

2Korɛntea 2:12

Lɔ́ɔ́ ya tiiya Troas le vannda Yoongu kɛndɛ Krista-o tiiyallo-o, mí Maalii kumbil-la dioo vakpa le baalaa tosaa.

2Timote 2:9

Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le.

Filipea 1:7

O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

1Korɛntea 16:9

kani dioo kumbilun ya kumbilɔnndo pila, kɛ yaamɔaa nia co sɛ́lɛ́.

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

1Tesalonikea 5:25

Puapilɛa naa, la piɛi Hala le naa.

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Filemɔn 1:22

Handɔɔ o kon coo, toosial-la cɛi leninndo, kani i laalan maa Hala co piɛile niaalen tueyɔɔ, ɲɔɔ bendu lɛnin te, mì muungu niaa ikɛi.

Filipea 1:19

Kani i sínà maa piɛile niaalen a Kɔl diandaa Yeesu Krista-o malanin ya le cindaa sɔlaa.

2Timote 1:16

Màá Mɛlɛka tuinun yungu Onesifɔr-o iɲíí, kani o co ya ɲɔɔloo cuɛi-cuɛi, siɛmbula co ndu vɛlɛ biyɔɔ le co ya co o yɔlɔn-ndo le.

Efɛsea 3:1

Lelan, ya pol, ya co hoo o kaasoo le vali Yeesu Krista ya co tosaa le niaa vanaa-mangalaa-isɔɔa-o, i co Hala piɛiyo le niaa.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Efɛsea 3:3

Mɛlɛka yɔŋnun vana ikɛndɛ le ya, mó cɔɔmun ya le ya sɔɛi viannan o tuu-ve cɔmndo. I sɛva nin sɔɛi ken ɲɛ-pɔmbɔ o sɛbɔɔ ho nin.

Efɛsea 3:4

Nduyɛ, te la va pɛ sɛbɔɔ ho tofaa, la sinanin kɔlkalu ya sɔla o dɛnɛ viannan Krista-o nin-ndo.

Efɛsea 3:9

haliko mi cɔm vannda kpow kɔlɔ dɛnɛ viannan kon. Hala, o cɔw ɲɔɔn kpow-vo ven dɛnɛ kon kabi paandu ni.

Kolɔsea 4:18

Ya Pol, i yil niaa: a ba ya sɛval niaa sɛvaa ho ni. La loonun maa i co o kaasoo. Màá kɛndɛi Hala-e i va niaa coo!

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.