Kolɔsea 3:25 - BII BILA

²⁵ Kani vana tosa pɛ dɛnndan o sandii lepɛŋnde nin, ndu koawnin mɛɛ dɛnɛ ndɔ sandaa lepɛŋndo co yɛ, kani Hala hiyan vannda le.

Kolɔsea 3:25 Referans Kwoze

Dɛnnda kiilaa 10:34

O kon mí Piɛr cua sɔɛi, mó dimi aa: «I sina nihau lekɛ́ndɛi maa Hala hiyan vanndacieea le,

Rɔmnda 2:11

Kani Hala hiyan vannda le.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Tɔŋ miingua 10:17

Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

Efɛsea 6:9

Niaa vanaa nɔ cɛa o ba-a yɛ, la bii nda mɛɛ o bɛnda yɛ. La vueinun nda le, kani mɛɛ mì la sina maa niaa-ou, nda-ou, vana bɛndoo ndu pilɛ kpé niaa co o ba ni, o co o halataala-o pɛɛn. Ndu ndu, o tosa hiyan vanndacieea tɛɛn te.

2Dɛnnda lemasalan 19:7

Lelan, la ke ndu bɛɛlen mì la caa taw. Kani Mɛlɛka Hala naa mel sandii lepɛŋnde haki le, o mel vannda hiyanndo handɔɔ tɛɛn haki le, o mel vɛlɛ vannda ɲɔɔn poondiaa o laba le luɛyɔɔninndo haki le.»

Tɔŋ miingua 1:17

La hiyan vannda mì la sim vana kɔɔli o yamɛi kiolɔɔ nin te. La yaŋ cuaambɔɔ nilan mɛɛ niaa yaŋ kaasonɔɔ nilan yɛ. La yɔŋ isiòòn le vana-vana le, kani Hala o ba yamɛi kiolɔɔ i fula ni. Te kɔɔsɔɔ pum hiow niaa pɛ mayoomu, la cuu ya ndu, i tofa dɛnɛ kon lenin.›

Hebreea 2:2

Mí sɔɛi Hala ndóò dimi sindɛ a sondo mɛlɛkaa-e cɔmnun kpendekele, vannda pum ndáà luei ndi yii le, a bii ndi le, má sɔla sanga ndáà bɛnda le sɔlaa-o.

Kolɔsea 4:1

Niaa vanaa bɛndua, la bii cɛa niaa o dɛnɛ sandaa a o kpen-kpenndo nin. La sínà pɛɛngu maa niaa bɛɛ la nɔ vana bɛndoo o halataala.

Luke 20:21

Má ɲuna ndu aa: «Vana bɛndoo, n sina maa o sandei nin n co sɔɛi le vannda pɛɛkoo ni, a co vana-vana tofa le, o toɲaa coo n co vannda sɔɛi Hala-e pɛɛkoo ni.

SƐBƐ YƆB-O 37:24

Lelan, vanndacieea bɛnda mà nɔ siòòŋii ndɔɛi. Kɛ o nɔ vanaa cennun nda pila vanaa kɔlkalua-a lehɔl coo le.»

SƐBƐ YƆB-O 34:19

Hala bii vanaa bɛndua le mɛɛ nda co vanaa bɛndua yɛ le. O hendu hiyan vana bolofaa a vana bala fondoo tɛɛn te. Kani nda kpow, ndu cɔw nda a ba ni.

2Samiɛl 14:14

Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.

Tɔŋ lasálàá 19:15

La tósà lakafa o yaman kiolɔɔ nin te: la sím vana bala fondoo kɔɔli o kafalan coo le, la sím vɛlɛ vana bɛndoo kɔɔli o còòlan coo le. Kɛ la kiolu yaman caanda o sandei nin.

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

Filemɔn 1:18

Te o tosal nɔm pɛ dɛnɛ vɔɔndo pum, te kon te mò dɔndan ɲɛ pum nɔm o ba, handu kon o diola nilan.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Efɛsea 6:8

Kani mɛɛ mì la sina maa, o va cɛ, o va vana co o ba ndɔɔ coo-o, Mɛlɛka mingulnin vana-vana mɛɛ dɛnɛ kɛndɛ o tosa-o co yɛ.

2Tesalonikea 1:6

Nduyɛ Hala sandu, o saangiaanin vanaa co niaa saangiaa-a,