Kolɔsea 3:23 - BII BILA

²³ Ɲɛ-ɲɛ niaa va pɛ tosaa, la tosà ndu a kɔllo kpow maa le Maalii, kɛ o va le vanaciee le.

Kolɔsea 3:23 Referans Kwoze

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Rɔmnda 14:8

Kani te n co pɛ yoomu, le Maalii naa n co yoomu ni. Te n vi yɛ pɛ, le Maalii naa n co vuo ni. Lelan n va yoomu, n vu, le Maalii naa co ni.

2Dɛnnda lemasalan 31:21

O dɛnnda o va tosaa le baala Cɛi-Hala-o, le Tɔŋ Hala-o a le silala Hala lan-ndan nin kpow, mó va Hala ndɔɔ nuwviaa a kɔl ndɔɔ kpow. Ɛ̀ɛ̀ nduyɛ, mí la bɛnda ndu o ba.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

1Piɛr 2:15

Kani hɛnan Hala-o co ni, mì la tosa dɛnɛ kɛndɔɔ le diɔmaa co haa sɔɔn vɔɔnndon dimio a niaa o kɔɔ-a sondolan kindaa.

1Piɛr 2:13

La tosa le Maalii, mì la tuisin simlacia co vanndacieea kpede tɛɛn-nda o labɛngunin, o va masa bɛndoo,

Condii lisai 119:10

I co nɔm nuwviaa a kɔl nuu kpede, cɛl mì kpakpala tɔŋnda nɔmndan te.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Rɔmnda 14:6

Vana co yiyanndo maa palɛi i pum i hiow naŋɔɔ-o, le Maalii bɛɛlen keo o co ndi cɔu lende ni. Vana dia ɲɛ-ɲɛ ka-o bɛɛ, le Maalii ndu co dioo ni, kani o co Hala balikaa mello. Vana di ɲɛ-ɲɛ ka loo bɛɛ, le Maalii o kɛɛ n'pum dioo ni, ndu bɛɛ co Hala balikaa mello.

Condii lisai 119:34

Ke ya kɔlkaloo mì bii tɔŋ nɔmndo, mì bii ndu a kɔl nuu kpow.

Yeremi 3:10

O kon kpow nin, puapilɛ ndɔɔ Yuda lo o lediom coo loo muungu ya o ibuŋ a kɔl ndɔɔ kpow le, huiyo koni o va ya ni.» Ya Mɛlɛka soo nuaa ni.

Condii lisai 119:145

Éé Mɛlɛka! I co nɔm piɛiyo a kɔl nuu kpow, mulul-la mì tosa hɛnan nɔmndo.

Matie 6:16

«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Efɛsea 5:22

Niaa vanlaandua, la tuisin a piaandaa niaa maa mɛɛ niaa tuisin a Maalii yɛ.

Condii lisai 103:1

Condii fula o condun David-on nin-nde. Éé kɔl nuu, mel Mɛlɛka balika! I yeema mì mel Hala diandaa balika a kɔl nuu kpow.