Kolɔsea 3:2 - BII BILA

² La handu kɔllo o ɲɛm co o halataala-on coo, la yiyan mun lɛŋ coo le.

Kolɔsea 3:2 Referans Kwoze

1Dɛnnda lemasalan 22:19

La handu niko kɔlta niaalan a yiyannda niaalan kpow Mɛlɛka Hala niaa coo. La cɔn mì la tangul Fonda-Diandaa Mɛlɛka Hala-o. O cɛi kon nin niaa lueinin kesu kpema Mɛlɛka-o a ɲɛm baalan siŋnun teengen le ndu Mɛlɛka-on ni, o niaa tangulnin kon o diola ndɔla lan-ndo.»

Kolɔsea 3:1

Le mɛɛ niaa tendul a Krista latulu yɛ, la nuwviaa dɛnndan coocoo, nɛɛ Krista co icali Hala o ba kɛndɔɔ coo-a.

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

Matie 6:19

«La cúúngiaa bolofaa o ceendo coo le. Kani o ceendo coo, o nɔla mò sɔva, kaangoa nɔla vɛlɛ mà tɛɛmbuu ndu, te kon te mì vuiya yem dioo, mà ciimbuu ndu.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

Luke 12:15

O kon kɔɔli, mó dimul nda kpow aa: «La caa mì la mandan le yeemɛi vɔɔnde, kani o co ka o bolofaa bɛndoo nin te vana sɔla yoomoo le.»

Condii lisai 62:10

Ɲaa yoomaa daama vanndacieea co ni, sɔɔn lacòòvan kínɛí n co nda o lasondo ni. Te vana heelu nda pɛ o kiloo coo, nda kpow, lusul ndaa tiiya maa lusul ihoeiyo le.

Condii lisai 91:14

Mɛlɛka dimi aa: «Le tùú n kaola ya-o, i mandanin nɔm, kani a sinà diola nilan.

Luke 16:11

Lelan, te la sendu o bolofaa ceendo ho nin te, nɛ̀ɛ́ yɔngu yɛnin niaa bolofaa kpeekpeiyo mandaa?

Filipea 1:23

O yɔm tɛndaa tɛɛn ya co ni: yeemɛi co ya le kɔnndan, mì n kɔ vannun naa Krista latulu, ndu hiow va fisa,

Talelan 23:5

Ɲɛ-sɔlaa, vana del ndu dɔ́ɔ́ pɛ hɔlten o lonnun pɛ́, o vil bɔɔlan, o kɔɛnnun coocoo polon maa kovɛ.

Vana Kɔlkaloo 7:14

Telen dɛnɛ kɛndɔɔ, náŋ kɔl! Telen dɛnɛ palaa, kééla kɔllo. Kani Hala soli dɛnɛ kɛndɔɔ a dɛnɛ palaa ni. Lelan, vanacieo tiwba mo sina siɔdii ndɔɔ le.

1Dɛnnda lemasalan 29:3

Le tùú ya kaola Cɛi-Hala nuu taw-vo, i yɔngu vɛlɛ sianin nin ya pilan a volin nin ya pilan, handɔɔ o ɲɛm yáà cii nin cuungiaa le Cɛi-Diandaa tangullo-on kpow coo.