Kolɔsea 3:16 - BII BILA

¹⁶ Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Kolɔsea 3:16 Referans Kwoze

Condii lisai 119:11

I mandannin sɔɛi nɔmnde ya o kɔl kpan yɔŋii ya cua hakio a nɔm.

Efɛsea 5:19

La lueinan yoomuan vellaa-velle a condun lisan, condun kɔllon a á condun vana sangala Mɛlɛka-on, n co fulaa Kɔl-Diandaa o ba-on. La solùl Mɛlɛka condun kɔllon, mì la sangala ndu a kɔlta niaalan kpow.

Nsaŋ 15:7

Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa.

Rɔmnda 10:17

Lelan, o tueyɔɔ nin laalanndo fula ni, ɲɛ vana tuɛi yɛ kon-ndo, o sɔɛi Krista-e nin o fula ni.

1Nsaŋ 2:24

Lelan sɔɛi niaa tuei kabi o tasendɔ-e, ndi bɛnda mì i lo niaa o lakɔl. Te o va pɛ mì sɔɛi niaa tuei kabi o tasendɔ-e lo niaa o lakɔl, mɛɛ niaa bɛɛ la vanin yoomu o Poo a o Fuɲaa nin.

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Efɛsea 1:17

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

SƐBƐ YƆB-O 23:12

I kɛɛ tɔŋnda fula ndu o sondo lan te, i mal yeemɛi nii le sɔɔn fula ndu o sondo-on biyɔɔ.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

2Nsaŋ 1:2

Toɲa kon pɛɛn, o co naa o lakɔl-lo, o vanin vɛlɛ naa o lakɔl le fɛɛn a fɛɛn-ndo.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

Kolɔsea 4:6

Sɔɔn nian bɛnda mì n va lɔ́ɔ́-lɔ́ɔ̀ sɔɔn cuu vana dɛnɛ kɛndɛ-on, mì n yeela o tueyɔɔ, haliko mi la sínà mɛɛ niaa bɛnda le vana-vana mulullo yɛ.

Efɛsea 5:17

Lelan, la va n'diɔm te, la sínà ɲɛ co hɛnan Mɛlɛka-o o.

Condii lisai 28:7

Mɛlɛka co ya kandaa, ndu co kɔ̀ɔ̀ cɔw nuu ni. I laalan ndu a kɔl nuu kpede, ndu co ya malaa ni. Kɔl nuu co a ɲaaloo, i co ndu balikaa mello o condei nin.

Nsaki 5:13

Vɛ̀ɛ̀ o niaa tɛɛn, vana pum co pá o sangaa nin? O bɛnda mò piɛi. Vanndo pum co pá a kɔlkɛndɔɔ? O bɛnda mò soli condon.

Condii lisai 71:23

Telen ya vanin nɔm condon solullo-o, cɔcɔn nun yondanin a ɲaaloo le baŋa n baŋa yoomu nuu-o.

Tite 3:6

Kani Hala sɛŋi naa Kɔl-Diandaa kon coo o diola Yeesu Krista Vana Ciindiaa naa,

1Korɛntea 14:26

Puapilɛa nia, vɛ̀ɛ̀ vana tosa yɛ niko? Te la cuungian pɛ, mì vana pum nɔ le condei solio, mì o pum nɔ pɛɛkoo le yɔngoo, mì o pum nɔ dɛnɛ cɔɔmun ndu-o, mì o pum nɔ yoongoo le dimio o sɔɛi mangalɛi celen nin, te kon te mì o pum ndu nɔ sɔɛi pum le tɛɛsiaa, kon kpow bɛnda mò tosan le vanaa laalannda yoomuan lueiyo.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Kolɔsea 1:28

A ndu o kɔɔ naa n co sɔɛi ni, mì n va vannda kpow kanalanndo, mì n va nda kɔllo kindio, haliko mi n tosa, mì vannda kpow a tiwnun o Krista nin.

Condii lisai 32:7

Nɔm co nɛɛ nia viannannda ni, nɔm co ya kandaa a buulannda nilan ni. I solinin condon le baŋa n baŋa ya-o.

Nehemi 12:46

Bau kabi lɔ́ɔ́ levil o telen David nda Asaf vana condaa-o bɛngu, simlacia vanaa solia n'condua kínɛí va simndan laci le condun biilan a condun lisaa Hala-on solio ni.

1Masaa 3:28

Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.

Dɛnnda cɔɔmuanndan 15:3

A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!

1Nsaŋ 2:14

Niaa cuaambɔa, i co niaa sɛval, kani la sínà Pua. Niaa fuɲaa, i co niaa sɛval, kani la sínà vana co kabi o tasendɔ-o. Niaa felengia, i co niaa sɛval, kani la nɔ yoomuan, sɔɛi Hala-e co niaa o lakɔl, mì la nɔla Vana Vɔɔndo.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

2Tesalonikea 3:15

Nduyɛ, la ca ndu yaamɔɔ niaa le, kɛ la kanalan ndu maa puapilɛ nia.

1Tesalonikea 4:18

Lelan, la vá yoomuan lueinanndo vellaa-velle a diomndan ndan.

1Korɛntea 14:15

O kon, yɛɛ nɛ ya tosa yɛ? I vanin Hala piɛiyo o kɔl nin, mì va vɛlɛ piɛilen a kɔlkalu nuu. I vanin condei o kɔl nin, mì va vɛlɛ condei a kɔlkalu nuu.

Matie 26:30

Ndáà ciiyo condun Hala-on solio, má kɔa o Pembii oliviei coo.

Talelan 14:8

Vana taasio dɔaw kela ndɔɔ taasi ni, kani o kendu kɔl. Kɛ diɔmnde laasiaa diɔmaa sondo vesɛiya ni.

Condii lisai 138:1

Condii fula o condun David-on nin-nde. Mɛlɛka, i yeema mì lisa nɔm a kɔl nuu kpow, mì solul nɔm condon ɲɛm co o halataala-on kpow o hɔl.

Condii lisai 119:54

Nɛɛ-nɛɛ ya cal pɛ isumial, o silala nɔmndan coo ya condu ni.

Rɔmnda 15:14

Puapilɛa nia, ya pila i laalan maa la nɔ yeemɛi le dɛnnda kɛndɛlan tosaa taw, la nɔ sinapɛngoo kpede haliko mi la tiwba niaa pila siilianndo vellaa-velle.

Luke 2:51

Mí Yeesu muungu nda ndaa Nasarɛt, mó bii sɔɛi ndɛi. Kala ndɔ va sɔɔn mun kpow mandanndo o kɔl.

1Dɛnnda lemasalan 25:7

Faw-faw, vanaa solia n'condua a puapilɛa ndáà pɛɛku condon ɲɛkɛndɛi le Mɛlɛka lisaa-a a va n'van kɛmɛ lediin belaŋɔmaa a ŋɔmaa (288).

Esai 10:2

le vanaa bala fondoa kuunaa le luɛyɔɔ o fondala kialaa n'yamalan nin, le vanaa ikɔɔa o vanaa niaa tɛɛn dí ndaa tuŋɔɔ. Le vanlaandua piaandaa ndaa vi-a ɲɔɔn puuvo o laba, le ɲɛm vííya poondiaa a paa-kala!

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Esai 30:29

La solinin condon mɛɛ vana soli condon o ɲumma paale kafoan nin yɛ, la nɔnin kɔlkɛndɔɔ nin maa vana co kɔlan o diom lesɛ̀ŋndo bɛngu-o, le kɔlan o pembii Mɛlɛka-e coo, o pow kpova Israɛlla coo.

Esai 26:1

O palɛi ken nin, a solinin condei he o tàndá Yuda-o nin aa: «N nɔ kobi mayoomoo o kungaa ɲɛkɛndɛi, Mɛlɛka yɔngu naa cindaa, mí cinda kon siŋnun kpakio a sungbule makɔɔlen le naa.

Esai 5:1

«I co condei soli le caan ni ya kaola taw-vo, i co condei soli le can ni kon a rɛsɛn-tum ndɔɔ o kɔɔ. Caan ni ya kaola taw-vo ndóò nɔ nakɔ n'rɛsɛnndo o pembii pɔmbɔɛi tɔlɔɔ naŋ coo-e coo.

Condii kɛndɛ-kɛndɛi 1:1

Condii hiow condon kpow naŋɔɔ-e, i hiow naŋɔɔ o condun Salomɔn-ndon nin-nde.

Dɛnnda cɔɔmuanndan 14:3

A va condii sɛnɛiye solio o kpɛŋɛ lemasaa, ɲaa yoomaa hiɔɔlua a bɛndua yuuvɛiya o hɔl. Vana-vana celen ndóò nɔla condii kalɛi pɛiyo le, fɔ vanaa vaala kɛmɛ belehiɔɔlu a lahiɔɔlua (144 000) sɔla baŋaa o lɛŋnden coo-a.

Talelan 18:1

Vana yeema tɔnɔ ndɔ ndu pilaa daama-o holnun caanda le, vana tuu pɛ le ndu malaa o tuulu kɔl.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

1Tesalonikea 1:8

Kani sɔɛi Mɛlɛka-e tiw o niaa lo, o co ka Maseduan a Akaii le, mì tɔ́ɔ́ niaa laalan Hala-o kɔa nɛɛ-nɛɛ ka. Hali mì n suu bɛɛ a ken o kɔɔ le.