Kolɔsea 3:15 - BII BILA

¹⁵ Màá kɔlɲulu Krista-o, o niaa sɔla veeloo le ndu le vaa kɔɔle pilɛlen-ndo tosa masalen niaa o lakɔl! La va vanaa sinaa ikɛndɛa.

Kolɔsea 3:15 Referans Kwoze

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Esai 26:3

Ke vana kɛsi kɔl ndɔɔ nɔm coo-o kɔlɲulu kpeekpeiyo, kani nɔm o tiindan ni.

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

1Tesalonikea 5:18

la vá Hala balikaa mello o dɛnndan kpow nin. Hɛnan Hala-o co kon le niaa o Yeesu Krista nin ni.

Condii lisai 29:11

O kenin vanaa ndɔa yoomuan, ò dɔawnin nda duaa, mò yɔngu nda kɔlɲuloo.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Efɛsea 5:20

La va Hala Fuɲaa balikaa mello lɔ́ɔ́-lɔ́ɔ̀ o dɛnndan kpow nin o diola Maalii naa Yeesu Krista lan.

2Korɛntea 9:11

Hala siinguunin niaa vanaa ɲɛ-sɔlaa o nɛi oo nɛi coo, haliko mi la tiwba vannda kɛndɛi tosallo telen oo telen. O kon te n ke nda pɛ mala niaa yɔngu-o, vanaa bɔɔ-bɔɔ a melnin Hala balika le mala kon.

Efɛsea 4:4

Kɔɔlen len pilɛ le co ni, Kɔl-Diandaa vɛlɛ ndu pilɛ co ni. Lende koni, kɔlkɛsiaa ndu pilɛ co ni, maa mɛɛ niaa bɛɛ sɔla veeloo o kɔlkɛsiaa ndu pilɛ nin yɛ.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Condii lisai 116:17

I solulnin nɔm sálà-malaa-balikaa, mì piɛi o diola nɔmndan.

1Timote 2:1

Sɔɛi tasei co hee ni, i co niaa dimul, la ɲuna Hala, mì la piɛi ndu, mì la tɛɛlun ndu, mì la mel ndu balika le vannda kpow.

Kolɔsea 2:7

La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

Efɛsea 5:1

Le tùú niaa co cuavaa Hala kaola-a-o, la kindin mì la tuula ndu o niinu niaa nin.

2Korɛntea 4:15

Le dɛnɛ niaa kɛndɔɔ sɔɔn mun kpow n co yɔŋnɔnndo ni. Haliko mi kɛndɛi Hala-e kui, mì vannda taw mal balikaa le Hala biiloo.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Dɛnnda cɔɔmuanndan 7:12

má va dimio aa: «Amiina! Sangalaa, biiloo, kɔlkaloo, balikaa, bɛɛlen, kpaayaa a yoomuan ma co le Hala naa le fɛɛn a le fɛɛn! Amiina.»

Efɛsea 4:16

Ndu co tosaa ni mì falun yɛ́-yɛ́-on n va yiyaa nɛɛ pilɛ ɲɛkɛndɛi, mì diallon kpow n va ɲɛ pilɔɔ a boondun ndɔn kpow. Lelan, te ifalu oo ifalu i tosa pɛ baalaa mɛɛ o bɛnda yɛ, diallon kpow n hindunin mì n hiow laci o kaolaa nin.

Condii lisai 107:22

La solul ndu sálàla malaalahakilan, la cɔm dɛnnda ndɔlan kpow a deŋi kɔlkɛndɔɔ.

Kolɔsea 1:12

La mel Pua Hala balika a ɲaaloo le tùú o cɛl niaa, mí la sɔla kɛ́ co o mandaa o masale ɲɛ-tengaalen nin le vanaa ndɔa-o.

Condii lisai 100:4

La luɛi o ndu lo cɛinin mì la mel ndu balika, la luɛi o ndu lo bɛɛ a condon, la mel ndu balika mì la lisa diola ndɔlan.

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

1Korɛntea 7:15

Kɛ nduyɛ, te vana laalan too yeema pɛ le kɔnndan, o kɔnnun. O dɛnɛ vaa lende nin, puapilɛ naa te kon te yema naa nɔ dí mò mal ndu. Kani Hala veelu naa haliko mi n va o kɔlɲuloo nin.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Yonas 2:9

Vanaa co piɔmaa fondoa sooloo-a, a nɔ dí le cindaa sɔla le.

Esai 27:5

Fɔ mì vannda kɛɛ dɔ́ɔ́ le ya sinaa maa nɛɛ ndaa viannan, mà kɛɛ dɔ́ɔ́ le kɔlɲuloo lueiyo naa ndaa tɛɛn dɛ! Mbɔ̀ fɔ mà kɛɛ dɔ́ɔ́ le kɔlɲuloo lueiyo naa ndaa tɛɛn.»

Esai 57:19

I tuisinin condun lisan o cɔcɔn coo. Kɔlɲuloo co le vanaa co levil-la kɔlɲuloo co vɛlɛ le vanaa co macɛlu kpɛlun-nda! I singinin nda lekɛ́ndɛi. Ya Mɛlɛka dimi lende ni.

1Korɛntea 10:17

Le mɛɛ buloo co ndu pilɛ yɛ, n va bɛɛ sɛ́lɛ́, dialii pilɛi kpé naa n co ni, kani bulu pilɔɔ kpé naa n co dioo ni.

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.