Kolɔsea 3:11 - BII BILA

¹¹ Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Kolɔsea 3:11 Referans Kwoze

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.

Rɔmnda 10:12

Lelan, hiyan co Yuifia a vanaa co N'Yuifi le-a tɛɛn te. Bau nda kpede, Mɛlɛka pilɔɔ nda nɔ ni, o co vanaa co ndu veeloo-a ɲɛm ndɔn keo-vo.

Efɛsea 3:6

Dɛnɛ viannan kon co hoo ni: le Yoongu kɛndɔɔ, mí vanaa co N'Yuifi le-a sɔla kɛ́ pilɔɔ nda Yuifia latulu, má siŋnun ɲɛ pilɔɔ o dialun pilɔn nin, má sɔla kpema o yiilul nda-o latulu o Yeesu Krista nin.

Efɛsea 1:23

a co dialun ndɔn-nda. O vanaa laalaŋaa kan nin Krista co ni, o co kon dɛnndan kpow peeloo nɛɛ-nɛɛ ka o ceendo coo-o.

Rɔmnda 3:29

Te kon te mò va maa le Yuifia koni Hala co ni? O co macoaa vɛlɛ le vanaa sínà ndu le-a le? O co vɛlɛ le nda,

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

1Korɛntea 7:19

Vana dii tooma, vana dii tooma le, kon co ɲɛ-ɲɛ le, tɔŋnda Hala lan biyɔɔ co bollen ni.

Dɛnnda kiilaa 15:17

O kon vanaa tɔ̀a kpow a nuwviaanin ya Mɛlɛka, vanaa-mangalaa-isɔɔa diola nilan la co biilɔnndo tɛɛn-nda.› Mɛlɛka dimi lende ni,

Esai 52:10

Mɛlɛka soli ba cɔm dindin ndɔɔ-o ceen vanaa-mangalaa-isɔɔa kpow o hɔl. Vanaa co o lɛŋnden mɛɛlulan kpede-a canin cinda Hala naa.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Amɔs 9:12

haliko ma hɛlu ɲɛm tɔ̀un lonin Edɔmnda a vanaa-mangalaa-isɔɔa diola nilan la co biilɔnndo tɛɛn-nda o ba-on. Mɛlɛka, o peelunin sɔɔn mun-ndo soo nuaa ni.

Misee 4:2

Vanaa-mangalaa-isɔaa bɔɔ-bɔɔ a kɔanin ndon, mà dimi aa: ‹La hun mì n helnun o pembii Mɛlɛka-e coo, o Cɛi Hala Yakɔb-o nin, haliko mo kɔ pɛɛku naa sɔɔn ndɔn, mì n kela o nɛila ndɔlan coo.› Kani Siɔn tɔŋndo fulanin ni, Yerusalɛm diom Mɛlɛka-o fulanin ni.

Kolɔsea 2:10

Nduyɛ o ndu nin dɛnndan kpow la co peelɔnndo ni, ndu co masalen tosaa kpaayalan a masɛi kpow coo-o.

Rɔmnda 1:14

Kuee pilaa co ya, kuee vanaa sinaa dɛnɛa a o vanaa sina dɛnɛ le-a, kuee vanaa kɔlkalua a o vanaa nɔ kɔlkalu le-a.

Nsaŋ 15:5

Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le.

Dɛnnda kiilaa 28:4

Vanaa va o lɛŋnde len nin-nda cɔu hɔ̀ɔ̀lɔ́ kon o landanndo ndu o ba, má dimulan vellaa-velle aa: «Langbanɔɔ ho kɛɛ va vana diyaa n'vanndo le, kani mɛmma ihɛllan ma langa biondu ndu, kɛ dɛnɛ sandaa Hala-o cɛl-lɔ mo va yoomu le.»

Dɛnnda kiilaa 28:2

Mí vanaa co o lɛŋnde len nin-nda a tosal naa dɛnɛ kɛndɔɔ. Má biilu naa, má kiisuu yinnde bɛndulen, mí n balu len sɔ́, kani piɔɔ va siaa, hoeiye i va vɛlɛ.

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Osee 2:23

Mɛlɛka dimi nuaa ni aa: «Paale len, i mulinin piɛilen. I mululnin halataala piɛilen, mì halataala mulul lɛŋnden piɛilen,

Condii lisai 117:2

Kani kaola ndɔɔ co o bɔɔ, o lonin o lediom coo le fɛɛn a fɛɛn. La lisa Mɛlɛka!

2Nsaŋ 1:9

Vana-vana kɔɛnnun pɛ polon, mò lo o pɛɛkuu Krista-o nin te, mɛɛ ndu co latulu nda Hala le. Vana lo pɛ o pɛɛkuu kon coo, ndu nɔ Fuɲaa a Poo.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Efɛsea 6:8

Kani mɛɛ mì la sina maa, o va cɛ, o va vana co o ba ndɔɔ coo-o, Mɛlɛka mingulnin vana-vana mɛɛ dɛnɛ kɛndɛ o tosa-o co yɛ.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

1Korɛntea 14:11

Lelan, te i bii diomnde vanndo co dimio len bila le, i siŋnun miallo vana kon o hɔl, ndu bɛɛ siŋnun miallo le ya.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Esekiɛl 47:22

La piɔwnin nden o siondei malɔɔ, mì le siŋnun kɛ́ɔ le niaa pila a le mialaa vanin icali niaa tɛɛn-nda, a vialunin cuawva niaa tɛɛn-nda, kan nda vanin le niaa maa cuavaa pilaciee Israɛlla tɛɛn. Siòòndei malnun pɛ, nda bɛɛ a bɛnda mà sɔla kɛ́ɔ niaa ndaa latulu o polama Israɛlla tɛɛn.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Efɛsea 2:14

Kani Krista pila co kɔlɲuloo le naa ni, ndu tosa ni mó siinguu Yuifia a vanaa ve N'Yuifi le-a ɲɛ pilɔɔ. A dialun ndɔn, mó tɛɛmbuu kpaki va naa tɛɛn-ndo, yaamɔɔlen pɛɛn.

Efɛsea 2:15

Mó faŋa tɔŋndo a silala tɔŋndan, mó siinguu naa vanaa kundala tiɔnda haa yungu sɛnɛiyo ndu pilɛ kpé o ndu pila nin. Nuaa o mingi kɔlɲuloo toosiaa ni.