Kolɔsea 3:10 - BII BILA

¹⁰ mì la vownun vanacieeyɛi sɛnɛiye le sinapɛngu peelanndo sɔlaa maa mɛɛ vana cɔw vanacieeyɛi kalɛi-yo co yɛ.

Kolɔsea 3:10 Referans Kwoze

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Condii lisai 51:10

Tosa mì tuei condun kponyon a condun kɔlkɛndɔn. O kon mì dɔwnun ɲaale, ya vana n yimi hoo paalan-ndo.

Esekiɛl 11:19

I yɔngunin niaa kɔl pilɔɔ. I vownin yiyan sɛnɛiyo nia nin. I solinin kɔl co niaa nin o kala kpoke maa pow-vo, mì yɔngu niaa kɔl n'diallo,

Kolɔsea 3:14

Kɛ hiovɔɔ o kon kpow coo, la vownun kaolaa maa volɔɔla cuɛinan, ndu nɔla niaa yiiyo latulu le vaa ɲɔɔ ndu pilɛ kpé ni.

Esekiɛl 36:26

I yɔngunin niaa kɔl sɛnɛiyo, mì luei niaa yiyan sɛnɛiyo nin. I solinin kɔl co o kala maa pow-vo o dialun niaan nin, mì luei kɔl co maa ivisi-o niaa o n'dial.

1Nsaŋ 2:5

Kɛ vana bii pɛ sɔɛi ndɔɛi, mɛɛ kaola Hala-o kpeekpei co vana kon o kɔl ni. O kon naa n sínà ni maa n co o ndu nin.

Rɔmnda 13:14

Kɛ n vownun Maalii Yeesu Krista maa doma. N malnun falon o ba le yeemɛi ndɔɛi vɔɔnde tosaa le.

1Nsaŋ 2:3

Te n bii pɛ tɔŋnda Hala lan, n nɔla mì n laalan maa n sínà Hala.

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Esekiɛl 18:31

La faŋa dɛnnda vɔɔnnda siinguu niaa vanaa yɔŋ vɔɔnda lan niaa ikɛi, mì la viow lan polon. La lueinun kɔlta sɛnɛilan a yiyannda sɛnɛilan nin. Éé niaa Israɛlla! Le yɛɛ nɛ niaa yeema yɛ le vuo kpeekpei?

Dɛnnda cɔɔmuanndan 21:5

O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

Efɛsea 2:15

Mó faŋa tɔŋndo a silala tɔŋndan, mó siinguu naa vanaa kundala tiɔnda haa yungu sɛnɛiyo ndu pilɛ kpé o ndu pila nin. Nuaa o mingi kɔlɲuloo toosiaa ni.

Kalatea 6:15

Kani ɲɛ co sɔɛi-yo, o co falenyɛi, te kon te kɔ̀ndélen te, kɛ ndu co vaa vanaciee cɔavaa sɛnɛi-yo ni.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

Kalatea 3:27

Niaa kɛ́-kɛ̀ sɔla yinɔɔ o Krista nin, la cuu siŋnɔn velan ndɔɔ.

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

Hebreea 6:6

kɛ a kon kpow, má muungu o ceen nda paandoo nin. Vanaa vaa lende, vana tiw lɛ ba nda tolɔɔ kɔɔli le ceen ndaa mingio o sɛnɛi le. Kani nda co Po Hala-o mingio baŋɔɔ o yɔm singafilaa coo ni, mì vannda va ndu mamɔɔ kpendekele.

Esai 59:17

O vownun dɛnɛ sandaa maa doma cɔw icilin, o handun mɔsil cindaa o lebol mulaa, o vownun volɔɔla mingiaa màá lan maa doma lebɛngu, o vownun dialun fulan mɛɛ vana simbulun o doma bɛndu lecoo nin yɛ.

SƐBƐ YƆB-O 29:14

Dɛnɛ sandaa yáà cuɛinun ni maa lavolɔɔ, sandei yáà vownun ni maa doma bɛndu, mì yáà vownun ndi vɛlɛ maa mɔsil.

O Kandɔɔ 5:1

Sɛbɛ diola cuavaa Adam-nda a cuavaa ndɔa imamaa co hoo ni: paale Hala cɔw vanndacieea len, mó toosiaa nda a velan ndɔɔ.

Rɔmnda 6:4

Le yinɔɔ naa n sɔla o piɔ́m ndɔɔ nin-ndo, mí n sɔla kumbɔɔ a ndu latulu, haliko mɛɛ Krista tendul mó fula vanvílɛ́iya tɛɛn a biilu Fuɲa ndɔ-o yɛ, mì naa bɛɛ n kela kela sɛnɛi.

2Korɛntea 4:16

Lelan, n vunnun n'dial te. Dialun naan ivanacieeyan n va bɛɛ tambei o pɔm-pɔmbɔ, kɔl naa ndu bɛnda mò va muungoo o sɛnɛi lepalaa-lepala.

Filemɔn 1:6

I co Hala piɛiyo haliko mi laalan pilɛ naa n nɔ naa niaa-o cɔmnun o dɛnnda nɔmndan nin, o kon mà sina dɛnnda kɛndɛla kɛ́-kɛ̀ naa n co sɔlaa o Krista nin.