Kolɔsea 3:1 - BII BILA

¹ Le mɛɛ niaa tendul a Krista latulu yɛ, la nuwviaa dɛnndan coocoo, nɛɛ Krista co icali Hala o ba kɛndɔɔ coo-a.

Kolɔsea 3:1 Referans Kwoze

Rɔmnda 8:6

Kani dɛnnda n'falulan la co piɔ́mndo ni. Kɛ dɛnnda Kɔl-Diandaa la co yoomoo a kɔlɲuloo ni.

Matie 6:33

La nuwviaa vɔ fɔlɔn masale Hala len a dɛnɛ sandaa ndɔɔ. O kon, ɲɛm mun kpow n hendulun niaa lecoo.

2Korɛntea 4:18

Lelan, o co ɲɛm naa n co mun cɔw-von te naa n co tofa le, kɛ ɲɛm vana ci loon. Kani ɲɛm vana ca-on mun, le telen bingi koni n co ni, kɛ n vana ci loon mun co le lɔ́ɔ́-lɔ́ɔ̀.

Kolɔsea 3:2

La handu kɔllo o ɲɛm co o halataala-on coo, la yiyan mun lɛŋ coo le.

Matie 6:20

Kɛ la cuungiaa bolofaa o halataala, kani lon ndu, o nɔla mò sɔva le, kaangoa tɛɛmbùù ndu le, vui yim vɛlɛ dio le ndu ciimbuu le.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Luke 12:33

La pisi ɲɛm co niaa o laba-on, mí la yɔngu vanaa bala fondoa volin mun. La toosiaa bɔlɔla tembu le lan le niaa pila, bolofaa o halataala pɛɛn. O tembunin too, nɛɛ vui sɔɔnguunin ikɛi le-a, kaangoa tɛɛmbuunin vɛlɛ ndu le.

Condii lisai 16:11

A cɔmnin ya nɛila ke vana yoomoo lan. Vana komal kɔlkɛndɔɔ taw nɔm o hɔl, ɲɛ yeelɛi fɛɛn-fɛɛndo co nɔm o ba kɛndɔɔ coo.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Luke 22:69

O hau kɔɔli, Po vanacieo vanin icali Hala Kpaayaa kpow o ba kɛndɔɔ coo.

Kolɔsea 2:20

Te o va pɛ maa la vi nin niaa Krista-aa latulu, mí la sɔla baŋaa kpaayala ceenndan o ba, mɛɛ le yɛɛ niaa co yɛ vɛlɛ kelaa o dɛnnda ceenndan nin, mì la va tɔŋnda vanaa ceenda cɛlɔɔ vana ca kaa o ceendo nin niaa co vɔ ni?

Hebreea 8:1

O sɔɔn naa n co dimio-on kpow nin, i hiow va isɔvɛ-e co hee ni: n nɔ bolle vanaa-solia-lasálàá, o co icali o kpɛŋɛ lemasa Hala-o o ba kɛndɔɔ coo o halataala-o.

Rɔmnda 8:34

Nɛ̀ɛ́ co yɛ vana yaala vana-o? Yeesu Krista vi, hiovɔɔ o kon coo, mó tendul, o co icali Hala o ba kɛndɔɔ coo mo va piɛilen le naa.

Hebreea 10:12

Kɛ Krista ndu sálàá ndu pilɛ kpé o soli le hakilan ni, mó cal Hala o ba kɛndɔɔ coo le fɛɛn a fɛɛn.

Matie 26:64

Mí Yeesu mulul ndu aa: «Nɔm pila cii dimi. I co niaa vɛlɛ dimul, la canin Po vanacieo icali Hala vana kpaayaa kpow o ba kɛndɔɔ coo, mo va hunɔɔ o yumbuyumbu halataala-o nin.»

Efɛsea 4:10

Vana tol-lo, ndu koni hel vɛlɛ o halataalaa nin di-di ni, le dɛnndan kpow peeloo.

Marke 14:62

Mí Yeesu muli aa: «Oi! Ndu ya co ni. La canin Po vanacieo icali Hala, vana kpaayaa kpow o ba kɛndɔɔ coo, mì la ce ndu vɛlɛ hunɔɔ o yumbuyumbu halataala-o nin.»

Hebreea 1:13

Lepilɛ bɛɛ Hala dimul-lɔ mɛlɛkanɔ pilɛ le aa: «Cal-la o ba kɛndɔɔ coo, mì tosa mà nɛw yaamɔaa nɔmnda a n'pelu.»

Dɛnnda kiilaa 2:34

Nduyɛ, David hel o halataala le, kɛ mó dimi aa: ‹Mɛlɛka dimul Maalii nuu aa: Hun mà cal-la o ba kɛndɔɔ coo,

Luke 20:42

Kani o sɛbɛ Condun Lisaa nin, mí David pila dimi aa: ‹Mɛlɛka dimul Maalii nuu aa: Cal-la o ba kɛndɔɔ coo,

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Marke 12:36

Kani David pila dimi o kpaaya Kɔl-Diandaa bɛngu aa: ‹Mɛlɛka dimul Maalii nuu aa: Cal-la o ba kɛndɔɔ coo, háá mì luei yaamɔaa nɔmnda nɔm o pelon bɛngu.›

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

Dɛnnda kiilaa 7:55

Kɛ Etiɛn va o piaa a Hala Kɔl-Diandaa, mó tofa halataalaa, mó ca biilu Hala-o, Yeesu va isisi Hala o ba kɛndɔɔ coo.

Matie 22:44

‹Mɛlɛka dimul Maalii nuu aa: Cal-la o ba kɛndɔɔ coo, háá mì luei yaamɔaa nɔmnda nɔm o pelon bɛngu.›

Talelan 15:24

Nɛi yoomoo co-o heelu vana taasion coo ni, haliko mo kpakpala nɛi tol ciee-piɔ́m-ndo, o co lebɛngu-o.

Condii lisai 110:1

Condii fula o condun David-on nin-nde. Sɔɛi Mɛlɛka dimul Maalii nuu-e co hee ni aa: «Hun mà cal-la o ba kɛndɔɔ coo, mì mal yaamɔaa nɔmnda nɔm o labɛngunin.»

Vana Kɔlkaloo 10:2

Yiyan vana kɔlkaloo kɔɛ pɛ o ba kɛndɔɔ coo, yiyan diɔm sondo vesɛiyo ndu sɔndan o ba mɛllo coo.

Efɛsea 5:22

Niaa vanlaandua, la tuisin a piaandaa niaa maa mɛɛ niaa tuisin a Maalii yɛ.