Kolɔsea 2:22 - BII BILA

²² Lan kpow, dɛnnda co hunɔɔ lo o ɲánndávàà le mako vana solin a lan-ndo la co lan ni. Silalan a pɛɛkula vanndacieea la co lan ni.

Kolɔsea 2:22 Referans Kwoze

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Tite 1:14

o kon mà faŋal talela lacòòvala Yuifia hɔlla, silala vanaa mulul kan toɲaa kɔɔ-a pɛɛn.

1Korɛntea 6:13

La co vɛlɛ dimio aa: «Le ɲɛm dian demboo co ni, mì demboo ndu va le ɲɛm dian.» Kɛ nduyɛ, Hala tɛɛmbuunin ndan tan tiɔn kpow. Diallon n co le suunda le, le Mɛlɛka n co ni, mì Mɛlɛka ndu va le diallon.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Daniɛl 11:37

Masa kon nɔnin lebɛɛ le halaa fuɲaa ndɔa mamaa biilu-a le, o nɔnin vɛlɛ lebɛɛ a hala vanlaandua kaola taw-vo le. O vonin vɛlɛ hala celen te, kani o cannunnin maa ndu hiow halaa kpow ni.

Esai 29:18

O palɛi ken nin, vanaa nila baŋulɛiya tuɛinin sɔɔn co o sɛbɔɔ nin-ndon, hɔlta vanaa sumɛiya la fulanin o ɲumndan nin a o ɲumma n'kpungban nin, mì la ce válán.

Dɛnnda cɔɔmuanndan 17:18

Vanalanɔ n ce-o, ndu co kobi bɛndu co masalen tosaa masaa co o lɛŋnden coo-a coo ni.»

Kolɔsea 2:21

Le yɛɛ nda co yɛ niaa dimullo aa: «Pilan hee le, dombi hoo le, yaa baa lon te»?

2Piɛr 2:12

Kɛ vanaa kan a co dɛnndan tosaa vana ca ko aa visia ni, o co a kɔlkalu le. Maa visia yondo nda co ni, a nda koam, mà bii, mà dii-a. O nda sínà loo nda co yeowlan ni, nda bɛɛ a tambunin maa n'cɔlu.