Kolɔsea 2:11 - BII BILA

¹¹ O ndu nin koni niaa dii toomaa ni, tooma vanaciee dii vana loo, kɛ tooma fula Krista o ba-o, o baŋa naa ceen naa lahakio o ba-o.

Kolɔsea 2:11 Referans Kwoze

Rɔmnda 2:29

Kɛ Yuifinɔ kpeekpeiyo, ndu co vana co dɛnndan tosaa a kɔl ndɔɔ-o ni. Tooma kɔllo co tooma kpeekpeiyo ni, o fula Kɔl Hala-o o ba-o, o co ɲɛ co o sɛvaa-o le. O co n'vanndaciee o ba le candɔɔla vana kon la fula le, kɛ Hala o ba.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Efɛsea 4:22

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

Rɔmnda 6:6

N sínà maa vanacieeyɛi nɛi paanduei baŋnun o yɔm singafilaa coo a ndu latulu, haliko mi dialun hakion siŋnun ɲɛ fondoo fúú, yɔŋii naa n va vɛlɛ cɛa hakia.

Kalatea 5:24

Vanaa co o Yeesu Krista nin-nda, nda cii dɛnnda n'falulan a yeemɛi n'faluei baŋɔɔ o yɔm singafilaa coo.

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Hebreea 9:24

Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.

Tɔŋ miingua 10:16

La dìí kɔlta niaalan tooma, la simùl lɛ Mɛlɛka le.

Hebreea 9:11

Kɛ Krista ndu hin maa bolle vanaa-solia-lasálà le naa dɛnnda kɛndɛla cuu nin tosan-ndan yɔngoo. Mó luɛi o cɛi-kola-toandaa hiow vaa o bɔɔ-o nin, cɛi kon nɔ isɔw le, o co vanaciee le toosiaa ndu le, o co bɛɛ ɲɛ vaa o ceen naa ho coo le.

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

Dɛnnda kiilaa 17:24

Hala cɔw lɛŋnden a ɲɛm co lenin-ndon kpow-vo, ndu co Vana bɛndoo o halataalaa a o lɛŋnden coo ni, o cel o cɛila-halala vanndacieea cɔw lan nin te.

Dɛnnda kiilaa 7:48

Kɛ Hala-Hiow-Ɲɔɔn kpow-vo cel o cɛila vanndacieea cɔw lan nin te. Maa mɛɛ vanaa-tɛɛngaa-diom Hala-o dimi yɛ aa:

Luke 2:21

O paale ŋɔmaandɔlen, má dii ndu tooma, má ke ndu diolan aa Yeesu, mɛɛ mɛlɛkanɔɔ ndóò dimi lɔ́ɔ́ pá mí kala ndɔ cua foli ndɔɔ yɛ.

Marke 14:58

«Langbanɔɔ ho dimi ni maa o co Cɛi-Hala vanndacieea tangul hoo-o tɛɛmbuu, mò mingi o vanaciee tengulnin te-o simi o palɛi ndii yáá bɛngu.»

Rɔmnda 7:24

Mbɔ̀ dɛnɛ pala ya fɔ́! Nɛ̀ɛ́ baŋa yɛnin ya dialun piɔ́mndon mun o ba?

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.