Kolɔsea 1:9 - BII BILA

⁹ Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Kolɔsea 1:9 Referans Kwoze

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

1Piɛr 2:15

Kani hɛnan Hala-o co ni, mì la tosa dɛnɛ kɛndɔɔ le diɔmaa co haa sɔɔn vɔɔnndon dimio a niaa o kɔɔ-a sondolan kindaa.

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.

2Tesalonikea 1:11

Lelan, n co piɛilen lɔ́ɔ́-lɔ́ɔ̀ le niaa. N Hala naa ɲunaa haliko mo cɛl, mì la va ceendo vilio mɛɛ o bɛnda yɛ, ceen o veelu niaa, mì la va nin-ndo. N co ndu piɛiyo haliko mi kpaaya ndɔɔ peelun o yeeman kɛndɛn co niaa o lakɔl-lon nin, mì laalan niaa peelun o dɛnndan kpow nin.

1Tesalonikea 5:17

la vá piɛilen lɔ́ɔ́-lɔ́ɔ̀,

Condii lisai 143:10

Pɛɛku ya ɲɛ n yeema mì tosa-o, kani nɔm co Hala nuu ni. Màá yiyan kɛndɛ nɔmndo yɔɔ ya o lɛŋnde tɛlɛlɛ len coo!

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

Filipea 1:4

Lɔ́ɔ́-lɔ́ɔ̀ ya va pɛ Hala piɛyo le niaa kpow, i piɛi a ɲaaloo,

Filemɔn 1:4

Telen oo telen ya va pɛ piɛilen, i yiyan nɔm coo, i mel Hala nuu balika.

Efɛsea 6:6

La tósa vallo nda o hɔl telen nda nɔ niaa hɔlten coo-o daama le nda hɛnanndo le, kɛ la tosa hɛnan Hala-o a kɔlta niaalan kpow maa cɛa Krista-a.

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

1Nsaŋ 2:17

Ceendo co hiovɔɔ a yeeman ndɔn, kɛ vana tosa pɛ hɛnan Hala-o, ndu co va yoomu le fɛɛn a fɛɛn.

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Efɛsea 5:17

Lelan, la va n'diɔm te, la sínà ɲɛ co hɛnan Mɛlɛka-o o.

Efɛsea 5:10

La kindin mì la sínà dɛnɛ hɛnan Maalii-o.

Efɛsea 1:8

kɛndɛi bɛndui o tosal naa taw, mó sɛŋi naa kɔlkalu ndɔɔ a dɛnɛ sinaa ndɔɔ coo-e pɛɛn.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Condii lisai 119:99

I hiow vanaa co ya pɛɛkoo-a sɔɔn sinaa, kani i co kɔllo keelaa o tɔŋnda nɔmndan coo.

1Korɛntea 1:5

Nduyɛ, la sɔla valtan le tosaa o ndu nin, taama-taama o sɔɛi nin a o sinaa kpow nin.

Dɛnnda kiilaa 12:5

Piɛr va o kaasoo, kɛ vanaa Krista-aa va Hala piɛiyo le ndu ɲɛkɛndɛi.

Filemɔn 1:6

I co Hala piɛiyo haliko mi laalan pilɛ naa n nɔ naa niaa-o cɔmnun o dɛnnda nɔmndan nin, o kon mà sina dɛnnda kɛndɛla kɛ́-kɛ̀ naa n co sɔlaa o Krista nin.