Kolɔsea 1:6 - BII BILA

⁶ Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Kolɔsea 1:6 Referans Kwoze

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

1Piɛr 5:12

Kɛɛmasɔla Silvɛn te, o ya ce maa puapilɛ ni kɛndɛ-kɛndɛ-o, ndu mala ya le niaa sɛbɔɔ ho sɛvallo ni. I sɛval niaa ndu le niaa silaa maa o kɛndɛi Hala-e kpeekpei niaa yiinun nuaa ni.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

Rɔmnda 1:13

Puapilɛa nia, i yeema mì la sina maa i co kɔngɔlanndo lɔ́ɔ́-lɔ́ɔ̀ le niaa kɔlan yilɔɔ (kɛ háá hau, i sɔlan-ndɔ ba le), haliko mi niaa bɛɛ sɔla vannda pum o niaa lo, mɛɛ ya sɔla nda vanaa-mangalaa-isɔaa tɔ̀a tɛɛn yɛ.

Nsaŋ 4:23

Kɛ telen co tiiya, o cuu yɛ nin bɛɛ tiiya, mì vanaa biilaa kpeekpeiya biilu Pua o kɔllo a o toɲaa nin, kani vanaa biilaa vaa lende Pua co nuwviaa ni.

Marke 16:15

O kon kɔɔli mó dimul nda aa: «La kɔ o ceendo coo nɛɛ-nɛɛ ka, mì la kɔ yonda Yoongu Kɛndɔɔ o ɲɛm cɔwnun-ndon kpede lo.

Marke 4:8

Mí n tiŋ mun deli o lɛŋnde kɛndɛlen. Mí n soli yasalan, mí la hindu hindɔɔ pila. Mí yasaa pilɛ koam kullon beleyaa, o pum belaŋɔmpum, o pum yɛ kɛmɛ.

Matie 24:14

Yoongu kɛndɛ soo a masale Hala len o kɔɔ-o yondannin o ceendo coo kpow, haliko mi ken i va seilen le vanaa-mangalaa-isɔɔa súúlan kpow. O kon kɔɔli, mɛɛlulan la tiiya.»

Condii lisai 98:3

O loonun le kaola o kaola yungu Israɛl-lo, mó loonun kɛndɛi ndɔɛi. Vanaa co o lɛŋnden mɛɛlulan di-a ce cinda Hala naa.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Filipea 4:17

Ken co dimi le maa ɲɛm-kéan niaan ya co kɔɔli ni, o ya co kɔɔli-o co ni, mì la sɔla tɔnɔɔ taw.

Efɛsea 5:9

kani tɔnɔ ɲɛ-tengaa co dɛnɛ kɛndɛ súú-súù ka ni, dɛnɛ sandaa a toɲaa.

Efɛsea 4:23

Mɛɛ mì la mingi kɔlta niaalan a yiyannda niaalan lasɛnɛi.

Efɛsea 4:21

I laalan maa vannda dimul niaa sɔɔn Yeesu-on, mí la pɛɛku toɲa co o sɔɔn mun nin-ndo.

2Korɛntea 10:14

N nɔla mì n hiow pɛɛngula naalan coo le, vana ca ko bɛɛ maa n tiiya háá o niaa lo le. Naa n yɔŋnun vanaa tasea le tiiya haa o niaa lo a Yoongu kɛndɛ Krista-o dimio ni.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Dɛnnda kiilaa 16:14

Vanalanɔ pilɛ va nda tɛɛn diolan Lidi, fulaa o kobio Tiatir. Kolala siaŋala volototola báà kalalan ndóò pisi ni, o va Hala piɛiyo. O va naa nilan yaŋɔɔ, mí Mɛlɛka kumbi ndu kɔllo le ɲɛ Pol va dimio-o tueyɔɔ ɲɛkɛndɛi.

Dɛnnda kiilaa 12:24

Kɛ sɔɛi Hala-e ndi va hiovɔɔ laci tuŋ.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Matie 28:19

La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa,

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

Efɛsea 3:2

Nduyɛ, i nɔ o kɔl maa la tuei nin sɔɛi vali Mɛlɛka yɔngu ya kon le tosaa o kɛndɛi ndɔɛi bɛngu le niaa-o,

Rɔmnda 15:28

Telen ya ciinin sɔɛi ken toosiaa mi yoo nda ɲɛm sɔlannin mun-ndon ndo, i keinin o niaa lo o kɔlan Ɛspaɲe.

Nsaŋ 17:19

Ya pila i yɔngun le nda, haliko mi nda bɛɛ yɔngun nɔm o toɲaa nin.