Kolɔsea 1:5 - BII BILA

⁵ Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

Kolɔsea 1:5 Referans Kwoze

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

1Piɛr 2:2

Maa mɛɛ cɛlɛkpɛa yeema mɛɛyan yɛ, la kaola mɛɛma sɔɛi Hala-an lende, haliko mi la hindu, mi la sɔla cindaa,

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

1Korɛntea 15:19

Te o va yɛ pɛ maa le ceendo ho daama naa n tiindan Krista ni, mɛɛ naa mɔnɛi hiawnin biyɔɔ a vannda kpow.

Hebreea 7:19

Kani tɔŋ Moise-o tosa dɛnɛ peelan kɛ́-kɛ̀ le. Kɛ mí tiindan hiow naŋɔɔ-o kennun naa, ndu tosá ni mí n sɔɔnguu Hala ikɛi.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

2Korɛntea 5:19

Kani Hala va o Krista nin, mó mingi diom pilɔɔ ndu a vanndacieea tɛɛn, o cɔm tɛɛmbuula ndalan te. Mó viam naa vali mingiaa diom pilɛ kon tosaa.

Dɛnnda kiilaa 23:6

Pol sinaa maa Sadusia vanaa kialaa n'yamaa pum va ni, a pilla nda Faliisia, mó yonda nda o hɔl aa: «Puapilɛa nia, Faliisinɔɔ ya co ni, Faliisinɔɔ velu ya ni. Le tùú ya laalan maa vanaa vi-a tendulnin fulaa vanvílɛ́iya tɛɛn-ndo nda co yamɛi nii kiolɔɔ nuaa ni.»

1Piɛr 3:15

Kɛ la ke Krista co Maalii-o bɛɛlen o kɔlta niaalan nin. La va lɔ́ɔ́-lɔ́ɔ̀ a bɛɛndiannda, haliko te vanndo ɲuna pɛ niaa le kɔlɔ niaa nɔ kɔlkɛsiaa-o, la tɛɛsial ndu kɔlɔ kon.

1Korɛntea 13:13

Sunsun yɛ niko, ɲɛm yaan mun n co ni: laalanndo, kɔlkɛsiaa a kaolaa, kɛ o hiow lan kpow-vo co kaolaa ni.

Dɛnnda kiilaa 24:15

Tiindan nda tiindan Hala ndaa-o koni ya bɛɛ nɔ ni, maa vanaa sandaa a vanaa sendu le-a kpow a muungunin yoomu.

Condii lisai 31:19

Màá vanaa lacòòvaa siŋnun boboa mì cɔcɔn kindan nda! Vanaa kan pɛɛn, á co sɔɛi a yongaa a á vannda pɛɛsaa-a, à co vana lo o lediom coo a nɔm-ndo yeowlan-nda.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Rɔmnda 10:8

Yɛɛ sandii ken dimi yɛ niko? Aa: «Sɔɛi co nɔm ikɛi, nɔm o sondo a nɔm o kɔl.» Nduyɛ, sɔɛi laalaŋii ken naa n co vannda tiiyallo ni aa:

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Luke 12:33

La pisi ɲɛm co niaa o laba-on, mí la yɔngu vanaa bala fondoa volin mun. La toosiaa bɔlɔla tembu le lan le niaa pila, bolofaa o halataala pɛɛn. O tembunin too, nɛɛ vui sɔɔnguunin ikɛi le-a, kaangoa tɛɛmbuunin vɛlɛ ndu le.

Dɛnnda kiilaa 13:26

Puapilɛa nia, niaa fula o polale Abraham-nden nin, mí la nɔ siòòŋii Hala-e, mí la va naa tɛɛn nanu-a, naa Hala cuu sɔɛi cindɛi he ni.

2Korɛntea 6:7

a sɔɔn toɲan vannda dimullo a o kpaaya Hala-o nin. A sɔɔn dɛnɛ sandan naa n co vannda cɔlɔbaa ni, mì n va vɛlɛ cɛvɔnndo a mun.

Kalatea 2:5

Kɛ le telen bingi bɛɛ n tosal nda lamamɔɔ mì n cɛl te, haliko mi toɲa co o Yoongu kɛndɔɔ nin-ndo lo o mandaa niaa tɛɛn.

Kalatea 2:14

Yáà cɔu lende maa a co dɛnndan tosa mɛɛ toɲa co o Yoongu kɛndɔɔ nin-ndo co yɛ le, mí dimul Sefas vannda kpow o hɔl aa: «Nɔm co Yuifnɔɔ-o, te nɔm tosa pɛ dɛnndan maa vana súú celen, le kɔlɔ yɛɛ n co yɛ niko vanaa co N'Yuifi le-a dimullo le tosaa maa N'Yuifi?»

Efɛsea 4:21

I laalan maa vannda dimul niaa sɔɔn Yeesu-on, mí la pɛɛku toɲa co o sɔɔn mun nin-ndo.

2Piɛr 1:12

Lelan i vanin niaa sɔɔn mun yiyilanndo lɔ́ɔ́-lɔ́ɔ̀, o va bɛɛ maa la sina nin mun, mì la va isisi yili o toɲaa nin hau.