Kolɔsea 1:4 - BII BILA

⁴ Kani n tuei laalan niaa laalan Yeesu Krista-o a kaola niaa nɔ le vanaa laalannda kpow-vo tɔ́ɔ́.

Kolɔsea 1:4 Referans Kwoze

Efɛsea 1:15

Lelan, kabi ya tuei laalan niaa laalan Maalii Yeesu-o a kaola niaa kaola vanaa diandaa kpow-vo tɔ́ɔ́,

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

1Nsaŋ 4:16

Naa yɛ, n sínà kaola Hala nɔ le naa-o, n laalan. Kaolaa Hala co ni, vana co pɛ o kaolaa nin, mɛɛ ndu co o Hala nin, mì Hala va o kɔl ndɔɔ nin.

Filemɔn 1:5

Kani i co tueyɔɔ mɛɛ n laalan Maalii Yeesu, má kaola vanaa laalannda kpow yɛ.

1Nsaŋ 3:14

N sínà maa n fula o piɔ́mndo nin, mì n co yoomu, kani n kaola puapilɛa naa. Vana nɔ kaolaa le, mɛɛ o piɔ́mndo nin ndu co ni.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

1Tesalonikea 3:6

Kɛ Timote langa komal naa fulaa o niaa lo, mó downun naa kona kɛndɔɔ a laalan niaa a á kaola niaa nɔ-o o kɔɔ, mó cɔm naa yiyan kɛndɛ niaa nɔ a naa-o a yeemɛi niaa nɔ le naa cɔu vɛlɛ-e. Naab bɛɛ yeemɛi ken co naa taw.

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

2Korɛntea 7:7

O co le hunɔɔ ndɔɔ daama le, kɛ le ɲɔɔlu o sɔla niaa o ba-o. Mó cɔm naa mɛɛ niaa nɔ yeemɛi le ya cɔu yɛ, mɛɛ niaa co o mɔnɛi nin yɛ a mɛɛ niaa co a bɛɛndiannda le ya yɛ. Lelan sunsun, i co a ɲaaloo taw.

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Efɛsea 6:18

La piɛi Hala telen oo telen. La va piɛile súú-súù ka a tɛɛlɔnnda súú-súù ka tosaa a kpaaya Kɔl-Diandaa. Lelan, la mɛɛndian mì la kindin o ken coo taw. La piɛi le vanaa diandaa kpow.