Kolɔsea 1:27 - BII BILA

²⁷ Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Kolɔsea 1:27 Referans Kwoze

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Rɔmnda 8:10

Te Krista co pɛ niaa nin, a toɲa, la co a vílɛ́iya o falon nin a ba hakio. Kɛ le mɛɛ Kɔl-Diandaa co niaa nin yɛ, la sɔla yoomoo le dɛnɛ sandaa.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

Dɛnnda cɔɔmuanndan 3:20

Tofa vɔ, i co isisi o dio, i co dioo lɔɔ. Te vanndo tuei pɛ diom nuu, mò kumbi dioo, i luɛinin ndu coo, mì n de ɲɛdiaa naa ndu latulu.

Nsaŋ 14:17

ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

Kalatea 4:19

Cuavaa nia, i co o sanga bɛndoo nin le niaa, maa sanga vialaa, háá mì sɔɛi Yeesu-e i luɛi niaa nin,

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

1Timote 1:1

Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

Kolɔsea 2:3

O ndu nin kɔlkaloo a dɛnɛ sinaa kpow vennun ni.

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Nsaŋ 17:26

I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»

Efɛsea 2:22

Niaa bɛɛ, la co a tangulaa latulu le siŋnɔnndo fonda calaa, nɛɛ Hala càl o Kɔl-Diandaa ndɔɔ nin-nda.

Nsaŋ 6:56

Vana de pɛ dialun nun mò kol kooma nian, ndu co ya nin, mì ya i va ndu nin.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Filipea 4:19

Hala nuu nɛŋinin kpekula niaalan kpede maa mɛɛ bɔɔbɔɔyɛi ndɔɛi a biilu ndɔɔ co o Yeesu Krista nin yɛ.

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Rɔmnda 5:2

Le ndu naa n sɔla kɛndɛi naa n co hee nin-nde ni, i naa n sɔla a laalanndo-e. Nduyɛ n nɔla mì n kuundian le tiindan naa n nɔ o biilu Hala-o nin-ndo.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

2Korɛntea 4:17

Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.

Luke 17:21

Vana diminin te aa: ‹Má cè masale len nanu›, te kon te aa: ‹Má cè len o nda›. Kani masale Hala len le co niaa o lakɔl.»

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

2Korɛntea 2:14

Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.