Kolɔsea 1:23 - BII BILA

²³ Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Kolɔsea 1:23 Referans Kwoze

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Hebreea 10:38

Mí Hala dimi aa: «Vana sandaa vana laalan ya-o co ni, duyɛ vana sandaa vanin yoomu le laalan ndɔɔ. Kɛ te o muungu pɛ a makɔɔ, kɔl nuu downun ndɛ ɲaale a ndu le.»

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Rɔmnda 10:18

Kɛ i co ɲuna: Mò va maa Israɛlla tui sɔɛi ken te? A tuei ndi tɛ́ɛ́. «Kani diom ndaa kɔɛ, mó tiw o lɛŋnden kpow coo, mí sɔɔn ndan tiiya o ceendo mɛɛlulan di.»

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

Dɛnnda kiilaa 2:5

Nduyɛ, Yuifia ndáà vo Hala-a pum a va Yerusalɛm, fulaa o lɛŋii co o ceendo coo-e kpow nin.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Kolɔsea 1:25

I siŋnun vana baala vanaa laalannda, maa mɛɛ vali Hala ke ya a niaa o kɔɔ-o co yɛ. O vem ya sɔɛi ndɔɛi dimio kpendekele,

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Luke 22:32

Kɛ i cii Hala piɛi le nɔm, yɔŋii laalan nɔmndo cuu. Nɔm yɛ, a muungu pɛ ya o ibuŋ, a luei puapilɛa nɔmnda yoomuan.»

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.

Kolɔsea 2:7

La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

Kalatea 5:7

Niáà kandu kiltan ɲɛkɛndɛi! Nɛ̀ɛ́ simi yɛ niaa le niaa sɔɔn toɲan kuunaa biyɔɔ?

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Marke 16:15

O kon kɔɔli mó dimul nda aa: «La kɔ o ceendo coo nɛɛ-nɛɛ ka, mì la kɔ yonda Yoongu Kɛndɔɔ o ɲɛm cɔwnun-ndon kpede lo.

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Tɔŋ miingua 2:25

Kandɔɔ hau, i co vanaa-mangalaa-isɔaa co o lɛŋnden coo-a kpow siòòŋii niɛi luei, mà yɔŋ siòònde a niaa. Vanaa-vanaa tuei pɛ maa la co nin sɔɔnguuo nda ikɛi, kan ɲiiya, a yɔŋnun yoloma-yoloma niaa o hɔl.›»

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Tite 3:7

haliko mo siinguu naa vanaa sandaa o kɛndɛi ndɔɛi bɛngu, o kon mì n sɔla cinda fɛɛn-fɛɛndo, o naa n co tiindanndo-o.

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

1Timote 1:12

I mel Maalii naa Yeesu Krista balika, ó luei ya yoomuan le baala ndɔɔ tosaa-o. I mel ndu balika le laalan o laalan ya, mó hɛli ya le baala ndɔɔ tosaa-o.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

1Tesalonikea 5:8

Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.

1Tesalonikea 3:3

haliko vana-vana o niaa tɛɛn vu n'dial a dɛnnda palaala vannda co naa hau tuisio coo lan te. Niaa pila sínà maa dɛnnda lan Hala kelu le naa ni.

Efɛsea 4:16

Ndu co tosaa ni mì falun yɛ́-yɛ́-on n va yiyaa nɛɛ pilɛ ɲɛkɛndɛi, mì diallon kpow n va ɲɛ pilɔɔ a boondun ndɔn kpow. Lelan, te ifalu oo ifalu i tosa pɛ baalaa mɛɛ o bɛnda yɛ, diallon kpow n hindunin mì n hiow laci o kaolaa nin.

Efɛsea 2:21

Ndu mɔɔsiaa cɛiyo ho nɛɛ pilɛ ni. Ndu co tosaa ni mì tangullo va biilanndo, mò siŋnun Cɛi-Hala diandaa o Mɛlɛka nin.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Dɛnnda kiilaa 26:16

Kɛ cɔn mà sim. Ya cɔmnun nɔm ni. I cii nɔm hɛli mà siŋnun vana baala nuu. A vanin sei nuu le vanaa celen dɛnnda n ce hau lan ndan tiiyallo, mà dimul nda vɛlɛ la n canin-ndan.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Dɛnnda kiilaa 1:25

le baala lekiilaa ho tosaa-o, baala Yuda mal ho, mó kɔa o fonda ndóò bɛnda le kɔlan-ndo pɛɛn.»

Dɛnnda kiilaa 1:17

O va vana pilɛ naa tɛɛn, mí n va baalaa ho tosaa naa ndaa.

Luke 6:48

O co macoaa maa langbanɔ co cɛiyo tangullo-o. Ndóò tovɔɔ soondo ɲɛkɛndɛi, mó kila ndu o pow bandíláà coo. Mí mɛnndan ma hun, mí kongilan la lɔaa cɛi kalaa, ma nɔla ndu kombaa le, kani ndóò caa tangulɔnndo.

Esekiɛl 18:26

Te vana sandaa mal pɛ dɛnɛ sandaa, mò tosa dɛnɛ sendu loo, mò vi le lan, mɛɛ le tùú o tosa dɛnɛ sendu loo-o o sɔla piɔ́m kon ni.

Cɛɛŋɔnnda Yeremi lan 3:66

Tol nda kɔɔli a kɔltuwvo, mà cii nda o lɛŋnden coo kpow.»

Condii lisai 125:5

Kɛ, o bɛnda mí nɔm óò faŋa vanaa co kelaa o nɛila tunduanndan coo-a a vanaa co dɛnnda vɔɔnndan tosaa-a kpow. Màá Israɛlla sɔla kɔlɲuloo!

2Korɛntea 4:1

Lelan, le tùú Mɛlɛka tuinun naa iɲíí, mó ke naa vallo ho le tosaa-o, n vunnun n'dial te.

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.