Kolɔsea 1:22 - BII BILA

²² Kɛ nihau, o piɔ́m Po ndɔɔ sɔla o falon nin-ndo kɔɔli Hala mingi bɛndaa niaa ndaa tɛɛn ni, haliko mi la fula Hala o hɔl a sɛyannda a ɲɛm celen, a diandaa, la nɔ́ sɔŋ te.

Kolɔsea 1:22 Referans Kwoze

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

Hebreea 10:10

Yeesu Krista tosa hɛnan Hala-o, mí ndu pila yɔngun lepilɛ kpé, ken tosa ni mí n sɔla baŋaa a hakio.

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Hebreea 10:20

O kumbil naa nɛi sɛnɛiyo, o kiyɛiyo, keiyo o kola landaa, dialun ndɔn pɛɛn.

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

2Piɛr 3:14

Lelan caaŋaa nia, o cum kon nin, la kindikindin mo komal niaa o bɛndaa nin a ndu, o va a sɔŋ te, o va a isɔw le.

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

Luke 1:75

haliko mi n va vanaa diandaa a vanaa sandaa ndu o hɔl o palɛi naa n co yoomu-e nin kpow.

Condii lisai 51:7

O hakio nin ya velun ni, o yɔŋ vɔɔndo nin kala nuu cua foli nuu ni.

SƐBƐ YƆB-O 25:5

Tofa vɔ, hali paangei i co idiandaa Hala o hɔl te, loeon bɛɛ n co n'diandaa ndu o hɔl te.

SƐBƐ YƆB-O 15:15

Hala laalan mɛlɛkaa ndɔa le, halataalaa dindu ndu o hɔl te,

2Samiɛl 22:24

I yɔŋnun vana sakpoo a ndu, mí mandan le dɛnɛ vɔɔndo tosaa.

2Korɛntea 4:14

Kani n sínà maa Hala mingi Maalii Yeesu yoomu fulaa vanvílɛ́iya tɛɛn. O minginin naa vɛlɛ yoomu naa Yeesu-a, o kon kɔɔli mò kɔɛ a naa kpow o ndu lo.

2Korɛntea 5:18

Hala pila o ba kon kpow fula ni, o mingi naa diom pilɛ naa ndaa o Krista nin, mó ke vɛlɛ naa vallo le diom pilɔɔ mingio ndu Hala a vannda tɛɛn-ndo.

Kolɔsea 1:28

A ndu o kɔɔ naa n co sɔɛi ni, mì n va vannda kpow kanalanndo, mì n va nda kɔllo kindio, haliko mi n tosa, mì vannda kpow a tiwnun o Krista nin.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.