Kolɔsea 1:18 - BII BILA

¹⁸ Ndu co diallon bollen ni, kunda vanaa laalannda pɛɛn. O ndu nin yoomu sɛnɛiyo kandun ni, ndu co Po tasoo ni, vana tase muungu yoomu fulaa vanvílɛ́iya tɛɛn-ndo, haliko mo yɔŋnun vana tasoo o nɛilan kpow coo.

Kolɔsea 1:18 Referans Kwoze

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Dɛnnda kiilaa 26:23

Kon co ni maa mɛɛ mì Krista ndóò sanga, mì ndóò yɔŋnun vana tasoo le tendullo fulaa vanvílɛ́iya tɛɛn, mì ndóò dimul Yuifia a vanaa co N'Yuifi le-a sɔɛi ɲɛ-tengaa yɔngu vana cindaa sɔlaa-o.»

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Condii lisai 89:27

O veelunin ya mò dimi aa: Nɔm co fuɲa nuu ni, Hala nuu, pow kpova co vana ciindiaa nuu-o.

1Korɛntea 11:3

Nduyɛ, i yeema mì la sínà maa Krista co vanndacieea kpow bollen ni. Vanapɔnɔɔ co vanalanɔɔ bollen ni, Hala co Krista bollen ni.

Dɛnnda cɔɔmuanndan 22:13

Ya co Alfa a Omeka ni, vana tasoo a vana mɛɛlaa, kandɔnndo a mɛɛlulan.

Efɛsea 5:23

Kani vanapɔnɔɔ co simlacinɔɔ le vanalanɔɔ ni, maa mɛɛ Krista co simlacinɔɔ le kunda vanaa laalannda yɛ, o co dialun ndɔn mo va vɛlɛ vana ciindiaa ndaa-o.

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

1Korɛntea 15:25

Kani mɛɛ mò tosa masalen háá mò nɛw yaamɔaa ndɔa a n'pelu.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Kolɔsea 1:24

Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.

Efɛsea 1:10

Tuu kon yɛ, o Hala siownin kon peelu o telenndan mɛɛlulan-ndo, ndu co le ɲɛm co o halataala-on a mun o lɛŋnden coo mɔɔsiaa masaa ndu pilɛ kpé o labɛngunin ni, Krista pɛɛn.

Nsaŋ 1:27

I bɛnda bɛɛ le yoei ndɔɛi lasamtai timbio le.»

Nsaŋ 1:16

Mí naa kpow n sɔla duaa o kɛndɛi ndɔɛi nin, duaa o duaa coo,

Nsaŋ 1:1

O kandɔɔ Sɔɛi va, Sɔɛi va Hala ikɛi, Sɔɛi Hala i co ni.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

1Nsaŋ 1:1

Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Matie 23:8

Kɛ niaa niaa, la tosa mì vannda veelu niaa Kɔɔfa lan te, kani Kɔɔfanɔɔ ndu pilɛ kpé niaa nɔ ni. Niaa kpede, puapilɛa niaa co ni.

Esai 52:13

Tofa vɔ vana ni baalaa, o diinin dɛnɛ mò pɛ, o sɔlanin heeloo a kuundiaa, o kɛsinnin o fonda bɛndoo.

Condii kɛndɛ-kɛndɛi 5:10

Hali vanapɔnɔ ya kaola hoo-o va bɛɛ vannda vaalan tɔ́ tɛɛn, o pɔwnun te. Kani o co o ningilaa, kɔɔle ndɔlen le co letengaa.

1Korɛntea 12:27

Niaa yɛ, kɔɔle Krista len niaa co ni, niaa a pilɛn-pilɛnnda kpow, dialun ndɔn niaa co ni.

Kolɔsea 2:19

A lo a yiinan a Krista le, o co bollen-ndo. Nduyɛ, ndu Krista kon kpeekpei co tosaa ni mì kɔɔle tɔ̀len kpow le va baloo sɔlaa, mì le va le yiw-yiwaalen o boondon, mì la va hindɔɔ mɛɛ Hala yeema yɛ.