Kolɔsea 1:15 - BII BILA

¹⁵ Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Kolɔsea 1:15 Referans Kwoze

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Nsaŋ 14:9

Mí Yeesu dimul ndu aa: «O co lɛhau le naa n co latulu naa niaa le Filipe, yee a kon kpede a sina vɔ ya le? Vana ce ya pɛ, mɛɛ Pua o ce lende ni. Le yɛɛ n co yɛ vɛlɛ dimio aa: ‹Cɔm naa Pua›?

Nsaŋ 1:1

O kandɔɔ Sɔɛi va, Sɔɛi va Hala ikɛi, Sɔɛi Hala i co ni.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Filipea 2:6

Ndu co ɲɛ pilɔɔ a Hala-o, o kungulan siimian o siimian nda Hala-o coo le.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Condii lisai 89:27

O veelunin ya mò dimi aa: Nɔm co fuɲa nuu ni, Hala nuu, pow kpova co vana ciindiaa nuu-o.

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Hebreea 1:6

O kon kɔɔli, telen o cuu po ndɔ tasoo o ceendo coo-o, mó dimi aa: «Mɛlɛkaa Hala-a kpow a bɛnda mà biilu ndu.»

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Kolɔsea 1:13

O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

Hebreea 11:27

A laalanndo, mí Moise faŋan Esipte, siòòŋii bii ndu le kɔl tambɛi masaa le. Mó sim yili, vanáà ca ko aa Hala vana ci loo o va cɔu ni.

Kundalan 12:8

Kpendekele ya soaa o ndu lo ni, vakpa o ca ya ni. I suu o ndu lo o levundu nin te. Le yɛɛ nɛ mí la vesa hɔlla mí la soaa sɔɔn pɔmbɔn a vana ni baalaa Moise?»

Fulaa 24:10

Má ca Hala Israɛlla. Pow yɛ́ndɛ́ ndóò kɛsi pelon coo-o va maa halataala diandaa, yinɔɔ biloo pow kon ndóò nɔ ni, diolan ndu aa «safir».