Biblia Todo Logo
Bib sou entènèt

- Piblisite -




Kolɔsea 1:13 - BII BILA

13 O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

Gade chapit la Kopi




Kolɔsea 1:13
40 Referans Kwoze  

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»


Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,


Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.


Kani o co n'vanndaciee le naa co cɔlɔba le, kɛ kpaayala maɲumndan, vanaa mayoomua, masɛi a ɲinaa vɔɔŋaa co o halataala-a.


N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.


a kɔlkalu ndaa laasian kan-nda. A nɔ ɲɛ-ɲɛ o cinda Hala yɔngu vana-o nin te, kani a sínà ɲɛ-ɲɛ le, a kendu bɔɔ nilan.


Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.


N sínà maa n fula o piɔ́mndo nin, mì n co yoomu, kani n kaola puapilɛa naa. Vana nɔ kaolaa le, mɛɛ o piɔ́mndo nin ndu co ni.


le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.


Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.


Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.


Kɛ nduyɛ, tɔŋ sɛnɛiyo ya co niaa sɛvallo ni. Ken i co toɲa le ndu a le niaa, kani ɲumndan ma co hiovɔɔ mì ɲɛ-tengaa kpeekpeiyo va nihau tengaa.


O kon la sɔlanin dio le luɛyɔɔ o masale fɛɛn-fɛɛnnde Maalii naa a vana naa ciindiaa Yeesu Krista len nin.


«La kindin le luɛyɔɔ o dio sɔɔkɛɲɛɛo, kani mì dimul niaa, vanaa bɔɔ-bɔɔ a kindikindinnin le luɛyɔɔ, kɛ a tiwnin ba le.


Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.


Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.


Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.


Lepalaa-lepala, i va icali o Cɛi-Hala-o nin niaa tɛɛn, la bii ya le. Kɛ telen niaa a telen maɲumndo tiiya hoo ni.»


Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»


O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.


«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.


Lelan ya yɔngunin ndu kunda ndɔɔ nda sɛ́lɛ́ bɛndoo latulu ni, a piɔvannin ɲɛm nda poondiaa o cɔwvo-on nda vanaa kpaayaa latulu, kani ndu pila yɔngun le piɔ́mndo sɔlaa ni, mó cɔmnun vanaa tɛɛmbua tɔŋnda coo, nduyɛ mó siilun haki vannda taw-taw, mó soaa le vanaa tɛɛmbuu tɔŋndan-nda.


Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.


O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»


Fuɲaa kaola Poo, mó sɔaa ndu dɛnndan kpede o ba.


Tofa vɔ, ɲumndan ma kunbu lɛŋnden mɔku-mɔku, ɲumma n'kpungban ma mel vanaa súúla celennda. Kɛ nɔm nɔm, Mɛlɛka co nɔm tengaa coo maa lepala, biilu ndɔɔ cɔmnun nɔm coo.


Kɛ kon dow vana kɔndɔfili le, kani Setana pila bɛɛ co handɔnndo o hɔl maa mɛlɛkanɔ ɲɛ-tengaa o co ni.


Kani mɛɛ mì la sínà hee ɲɛkɛndɛi: vana-vana co vana suundaa, vana nɔɔla Mɛlɛka o hɔl-lo, te kon te vana nɔ yeemɛi vɔɔnde-o (kani yeemɛi vɔɔnde nɔu, piɔmnda sooloo co kon ni), nda sɔlanin Masale Krista len a Masale Hala len maa kɛ́ le.


Swiv nou:

Piblisite


Piblisite