Amɔs 4:3 - BII BILA

³ La fulanin o tɛɛngun co o kpakio-on, mà viow vana-vana ndu laci sakpo a kpengii Hɛrmɔn-nde.› Lende Mɛlɛka dimi ni.»

Amɔs 4:3 Referans Kwoze

Esekiɛl 12:5

Buli tɛɛngei o kpakio nda o hɔl, mà soli volɔɔla nɔmndan ndon.

Esekiɛl 12:12

Vana co masalen tosaa nda coo-o siilunnin volɔɔlan o congú o ɲumndan nin, mò fula. A bulinin tɛɛngei o kpakio le ndu solio lon. O kumbunin hɔlaa ndɔa yɔŋii o cɔ lɛŋnden a lehɔl.

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Esai 31:7

O palɛi ken nin, vana-vana viawnin piɔmaa ndɔa o cɔw a volin latámán-nda a piɔmaa o cɔw a sianion-nda, piɔmaa niaa cownun a bala niaala yɔŋ vɔɔnndan-nda pɛɛn.

Esai 2:20

Paale len, vanndacieea viwlulnin tɔngannda a cówva piɔmaa nda cɔw a volion-nda, a piɔmaa nda cɔw a sianion le nda sooloo-a.

2Masaa 25:4

mí Babilɔnnda buli soondo o kpaki kobio. A balɔɔ Babilɔnnda ndáà balu kon kobio sɔ́-o kpow, ɲumndan tolɔɔ, mí vanaa cɔwva Yuda kpow a ɲaanun. Má kei o nɛi va o dio va o kpakila tiɔnndan tɛɛn-ndo-o, o nakɔ masaa ikɛi. Mí masaa Sedekia ndu kei a nɛi óò kɔɛ a ba bóllo Yurdɛn-ndo, mí ndu bɛɛ ɲaanun.

2Masaa 7:15

Mí kiilaa kan diam foofola Aramiia, má kɔ tiiya háá Yurdɛn o peelo. Volɔɔla cuɛinanndan a ɲɛm celeŋun Aramiia va keiyo sɛŋio o kiltan nin-ndon kínɛí nda va komallo o nɛi ni. Má muungu, má kɔ downun masaa kona.

Masaa kialaa n'yamaa 5:17

Polale Kalaad len le lo o peo Yurdɛn leeloo. Le kɔlɔ yɛɛ nɛ polale Dan-nden le cal-lɛ o dɛ̀ndɛ̀la ndalan ikɛi? Le sabu yɛɛ nɛ polale Asɛr len le cal-lɛ o mɛmma ihɛllan kɔngɔ, mí le kungulan o fondala tɛɛngaalan?

Yeremi 52:7

mí Babilɔnnda buli tɛɛngei o kpaki va kobio balɔɔ-o. A balɔɔ Babilɔnnda ndáà balu kon kobio sɔ́-o, ɲumndan tolɔɔ, mí vanaa cɔvaa Yudaa ɲaanun, má mal kobio, má kei a dio-pɔmbɔ va o kpakila tiɔnndan tɛɛn a kpengii nakɔ masaa-o. O kon kɔɔli, má bii nɛi óò kɔɛ a ba bóllo Yurdɛn-ndo.

Amɔs 6:7

Lelan, vanaa nda biinin mà kɔɛ a nda o cɛlen nin-nda, niaa co va laci ni. O kon, yoondiaala kɔlkɛndɛla niaa co ihini lan la cuunin niaa tɛɛn.»