Amɔs 4:2 - BII BILA

² Maalii Hala mɛnan o diondɔɔ ndɔɔ nin aa: ‹La tofa vɔ! Palɛi pum co hunɔɔ kei niaa coo, a sɛɛsuunin niaa a bawla n'cilinndan, mà cua vanaa hunnin niaa kɔɔli-a o dolinndon.

Amɔs 4:2 Referans Kwoze

Yeremi 16:16

Sɔɛi fula Mɛlɛka o sondo-e co hee ni aa: «I co vanaa yɔɔyaa sɛ́lɛ́ bɛndoo yɔɔ, mà kɔ yɔɔya nda, o kon kɔɔli mì vem doosua sɛ́lɛ́ bɛndoo, mà kɔ vɔm nda o pembon coo, o buubuuon coo a o tɛɛndiaala powta kpovalan tɛɛn dí.

Condii lisai 89:35

I tɛɛmbuunin kpema nuu le, i mangalanin sɔɛi fula ya o sondo-e le.

Amɔs 6:8

«Maalii, o co Mɛlɛka-o mɛnan a ndu pila, ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa: ‹Yonga cuavaa Yakɔb-a tɛɛmbuu ya kɔllo, i yeema lɛ cɛila ndala lemasalan te. Lelan, i co hunɔɔ kobio Samari a ɲɛm co lenin-ndon malɔɔ yaamɔɔa o ba.

Esai 37:29

Le tùú n tuulu kɔl a ya-o, le tùú n soo yongaa mí yonga nɔm kon tiiya ya o lani-o, i co nɔm kelɛi nii vow o milin, mì vow nɔm kalafoo o cɔcɔn tɛɛn, o kon i minginin nɔm a nɛi n kei coo ma hun-ndo.

Esekiɛl 29:4

I co nɔm dolinndon vow o yaalelan nin, mì holiholi suvaa co o peela nɔmndan nin-nda o kɛkɛwla nɔmndan nin, o kon mì nan nɔm, mì soli nɔm o peela nɔmnda lan nin a suvaa peaa nɔmaa vanin kan a sɔɔŋia o kɛkɛwla nɔmndan nin-nda latulu.

Esekiɛl 38:4

I vownin nɔm dolinndon o yaalelan nin, mì sɛɛsuu nɔm, nɔm pila, vanaa nɔmaa cɔwva kpow, soa nɔmnda, vanaa nɔmaa ɲaanun o soa coo mà dovin kan ɲɛkɛndɛ-kɛndɛ-a, a co kan sɛ́lɔ́ɔ́ taw mà nɔ kɔ̀ɔ̀la cɔwla bɛndulan a lapɔmbɔlan o laba-a, a caa kan mɔɔn cɔwvon hiŋndo-a pɛɛn.

Amɔs 8:7

Lelan, Mɛlɛka mɛnan a lɛŋnde yungu Yakɔb-o tiindan-nden aa: «Le fɛɛn a fɛɛn, i pɔɛɛnunnin dɛnnda ndalan o pilɛ le.»

Condii lisai 89:36

I cii nin mɛnan paale pum o diondɔɔ nuu nin aa: I huinin David lɔ́ɔ́-lɔ́ɔ̀-le,

Esekiɛl 34:16

I nuwviaanin saa lo-o, mì mingi o luusian-ndo nanu. I cɛwnin o yɔŋnulun-ndo, mì mingi o co a naa-o yoomuan o n'dial. Kɛ i diwnin saa celulaa mayoomua. I vanin saa niaa yɔɔ diólan mɛɛ dɛnɛ sandaa co yɛ.