Amɔs 1:8 - BII BILA

⁸ I toawnin vanaa co icali Asdɔd-a mì tow vana co masalen tosaa Askelɔn-ndo. I kuelnin vannda Ekrɔn mì diw nda. Lende Filistia tɔ̀a kpow a cuunin vu ni. Lende Maalii, o co Mɛlɛka-o dimi ni.» Lende Maalii Hala dimi ni.

Amɔs 1:8 Referans Kwoze

Esekiɛl 25:16

lelan, nuaa Maalii Hala dimi ni aa: ‹Tofa vɔ, ya i heelunin ba nuu mì soŋ Filistia, i ciinin Keretiia kpow, mì siow vanaa tɔ̀a lonin yoomu o mɛmma ihɛllan kɔngɔa-a diw kpede.

Sakari 9:6

Asdɔd ndu, mialla vanin icali lon ni. Lende ya tɛɛmbuunin yonga Filistia ni.

Esai 20:1

Vɔsi Sarkɔn, masaa Asiri vem Taatan, mí Taatan hun tiila vannda Asdɔd, mó bii kobio-o,

Condii lisai 81:14

Àá! Te yungu nuu ndóò tuei ya pɛ diom, te Israɛlla ndáà kela pɛ o nɛila nilan coo!

2Dɛnnda lemasalan 26:6

Mó kuel Filistia a cɔwvo, mó tɛɛmbuu kpakio Kat, kpakio Yabne a kpakio Asdɔd. O kon kɔɔli, mó mingi kobilan tangul o tàndá Asdɔd-o nin a o lɛŋnde Filistia nin.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Amɔs 3:9

‹La heelu diomndan mì la yonda taw-taw o cɛila lemasalan Asdɔd nin a o cɛila lemasala co o lɛŋnde Esipte len nin-ndan nin! La yonda aa: La cuungian o pembon Samari coo, mì la ce dɛnɛ laasiɛiyo a kɔlvesɛi co tosanndo Samaria tɛɛn-ndo.

Esai 1:25

Niaa Yerusalɛmnda, i co niaa mululɔn, mì teengiaa volin niaan sɔvɛiyon mɛɛ vana dindi ɲɔɔ a sodaa nuaa yɛ. I faŋanin nɔɔ niaa kpow.

Yeremi 47:1

Mí Mɛlɛka soaa o Yeremi lo, mó dimul ndu isɔɔ a Filistia o kɔɔ, masaa Esipte ndóò del lɔ Kaasa coo a cɔwvo le.

Yɔɛl 3:4

Paalen le mangalanin ɲumndan, mì paangei siŋnun koovan telen pá mì paale Mɛlɛka len le tiiya, paale kpúlúnkùmalen a paale kpundɛ bɛndule len.

Amɔs 1:7

Lelan, i co yinnden malɔɔ o kpakila kobio Kaasa, mi le lom cɛila lemasalan ndon.

Abdia 1:18

Yungu Yakɔb-o siŋnunnin maa leyin, mì yungu Yosɛf-o siŋnun maa yinnde biyaa. Kɛ mì yungu Esau-vo ndu siŋnun maa tɛw, mì yinnden le lom nda kpúlúká. Vana pilɛ bɛɛ helunnin te. Ya Mɛlɛka dimi lende ni.»

Sakari 9:5

Vannda Askelɔn tuɛinin sɔɛi ken mì siòònde bii nda, vannda Kaasa bɛɛ a tuɛinin ma ɲiiya nákà-nàkà. Vanaa co icali Ekrɔn-nda bɛɛ a yɔŋnunnin yoloma-yoloma. Kani tiindan ndaa tambunin. Masa ve lɛnin Kaasa le, vana ve lɛnin icali Askelɔn te.

1Samiɛl 6:17

Tuuliaala n'sianila va tɔɔmasele hindɔɔla ipawla Filistia solul Mɛlɛka sálà bɛɛndiaa isɔɔ lan la va lan ni: o pilɛ va le kobio Asdɔd, o pilɛ le Kaasa, o pilɛ le Askelɔn, o pilɛ le Kat, o pilɔɔ le Ekrɔn.