Amɔs 1:3 - BII BILA

³ Nuaa Mɛlɛka soo ni aa: «Le yɔŋnda vɔɔnnda yàála vannda Damas tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pimbulu vannda Kalaad o ciliŋun siɛɛmbian coo, má pesipesi nda.

Amɔs 1:3 Referans Kwoze

Amɔs 2:6

Nuaa Mɛlɛka soo ni aa: «Le yɔŋnda vɔɔnnda yàála Israɛlla tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a co vanaa sandaa pisio le volion, ma va vanaa bala fondoa pisio o samtalan bɛngu.

Amɔs 1:9

Nuaa Mɛlɛka soo ni aa: «Le yɔŋnda vɔɔnnda yàála vannda Tir tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda taw-taw, má kɔ vɔngul nda Edɔmnda o ba. À yiyan le kpema ivanaya co nda tɛɛn nda puapilɛa ndaa kan-ndo le.

Esai 8:4

Kani telen pá mì poombɔɔ ho caa veeloo aa ‹Pua›, ‹Nde›, a kɔanin masaa Asiri o hɔl a bolofaa Damas, a ɲɛm puununnin vannda Samari o ba o cɔwvo-on!»

2Masaa 8:12

Mí Hasaɛl ɲuna ndu aa: «Le yɛɛ n co yɛ caŋndo, vana ni bɛndoo?» Mí Elise muli aa: «Kani i sina dɛnɛ vɔɔn n tosalnin Israɛlla-o, a luminin kobila ndala co o kpakilan nin-ndan, ma diw langbaa felengia ndaa a mɔɛi cɔwve, ma ciimiaa cuaambɔa ndaa pɔmbɔa, ma tɛɛndiaa laandaa ndaa vanin a folilan-nda dembelan.»

Amɔs 2:4

Nuaa Mɛlɛka soo ni aa: «Le yɔŋnda vɔɔnnda yàála vannda Yuda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pɛɛsa tɔŋ Mɛlɛka-o, má kɛɛ le silala ndɔlan biyɔɔ. À laasian o piɔmaa lacòòvaa sooloo nin, piɔmaa fuɲaa ndaa bɛɛ a sooluu sindɛ-a pɛɛn.

Amɔs 2:1

Nuaa Mɛlɛka soo ni aa: «Le yɔŋnda vɔɔnnda yàála vannda Moab a tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a lom paala masa Edɔmnda kpúlúká, mí la siŋnun pultan.

Amɔs 1:13

Nuaa Mɛlɛka soo ni aa: «Le yɔŋnda vɔɔnnda yàála Amɔnnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tɛɛndiaa vanlaandua lafolia Kalaad dembelan le lɛŋnde ndalen cɔɔloo.

Amɔs 1:6

Nuaa Mɛlɛka soo ni aa: «Le yɔŋnda vɔɔnnda yàála vannda Kaasa tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda sɛ́lɛ́ bɛndoo taw-taw le nda vɔngullo Edɔmnda o ba.

Sakari 9:1

«Yoongu Mɛlɛka-o. Sɔɛi Mɛlɛka-e tiiya o lɛŋnde Hadrak len nin, i sim o kobio Damas coo. O co ko polama Israɛlla coo le Mɛlɛka nɔ hɔlten te, o nɔ vɛlɛ hɔlten vanndacieea kpow coo.

Amɔs 1:11

Nuaa Mɛlɛka soo ni aa: «Le yɔŋnda vɔɔnnda yàála Edɔmnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tow puapilɛa ndaa, má ɲaanun nda kɔɔli a mɔɔn cɔwvon, má kɛɛ le nda ɲííye tuinɔnndo, má tuisi nda kɔltuw ndaa coo. A co kɔl nda fulaa mandanndo nin le lɔ́ɔ́-lɔ́ɔ̀.

Esai 41:15

«Tofa vɔ, i siinguu niaa maa ɲɛ ɲaanan soa nan-ndo, o sɛnɛiyo, o nɔ ciliŋun siɛɛmbian n tivaa kpow-vo. La pesinin pembun bɛndon mi la vɔɔciaa mun, la siinguunin pembun pɔmbɔn maa ifoeen.

Esai 7:8

Kani Damas co kobi lebollo le lɛŋnde Aram-nden ni, Resin yɛ, ndu co masa lebollo le kobio Damas ni. Nanu a vɔsilan belaŋɔmpum a laŋuɛɛnu, polale Efraim-nden le co cuvɔɔ kpede, le ve lɛnin yungu le few-few.

Vana Kɔlkaloo 11:2

Yɔngu bolofaa nɔmndo vanaa ŋɔmmɛw kpengei pilɛ, ma yɔngu vanaa ŋɔmaa kpengei pilɛi. Kani a sinà dɛnɛ palaa toalnin o lɛŋnden coo-o le.

Talelan 6:16

Dɛnndan tan ŋɔmpum la nɛinun Mɛlɛka ni, la co bɛɛ laŋɔmmɛw.

SƐBƐ YƆB-O 19:3

Bɛmbɛ tɔ́ co nin hoo ni la co ya yeowlan. Vɛ̀ɛ̀ siɛmbula co niaa biyɔɔ le ya mɔnɛi lueiyo le?

SƐBƐ YƆB-O 5:19

O solinin nɔm o mɔnɛi nin háá bɛmbɛ leŋɔmpum, o bɛmbɛ ŋɔmmɛwndɔɔ, dɛnɛ palaa ve lɛnin nɔm kuee le.

2Masaa 13:7

Vanaa cɔvaa Mɛlɛka ndóò mel Yoahas daama-a va haa ni: vanaa ɲaanun o soa coo-a n'van beleŋuɛɛnu, ɲɛla ɲaanannda soa nan-ndan tɔ́ a vanaa tosa cɔwvo a n'pelu-a vaalan tɔ́. Kani mí masaa Aram ndóò diw nda taw, mó mingi nda maa cundu vannda kei nɛw a n'pelu-o.

2Masaa 13:3

Le hee, mí Mɛlɛka fula kɔllo a Israɛlla, mó mal nda Hasaɛl masa va Aram-ndo, a Bɛn-Hadad po Hasaɛl kon o ba. O telennda masaa ŋiɔŋaa kan va masalen tosaa lan kpow bɛngu, Israɛlla va nda o ba bɛngu.

1Masaa 19:17

O kon, vana-vana hɛlun pɛ mɔɛi cɔvii Hasaɛl-le, Yehu kɔ dii vana kon, vana-vana hɛlun pɛ mɔɛi cɔvii Yehu-e, Elise kɔ dii vana kon.

2Masaa 16:9

Mí masaa Asiri cɛl ndu diom, mó kɔ del kobio Damas coo a cɔwvo, mó bii ndu, mó kɔa a vanaa va lon-nda o biyɔɔ nin Kir, mó dii Resin.

Esai 7:16

Kɛ telen pá mi poombɔ kon sina le dɛnɛ vɔɔndo kɛɔ a le dɛnɛ kɛndɔɔ cɛlɔɔ, lɛŋii ŋiiŋii n co hee siòònde yɔŋndo a masaa ŋiɔnda-e, vannda piawnin ndi má faŋan lenin.»

Esai 28:27

Vana nɛi tɔlɔɔ Nisɛl le kulun ndɔn cɛɛluuo a ɲɛ ɲaanan soa nan-ndo le. Vana kei ɲɛ ɲaanan soa nan-ndo o tɔlɔɔ Kimɛn coo le kulun ndɔn cɛɛluuo le, kɛ a yɔmii bingiei vana lɔaa tɔlɔɔ Nisɛl ni, a siondoei vana lɔaa tɔlɔɔ Kimɛn ni.

Sakari 9:2

Sɔɛi Mɛlɛka-e sim vɛlɛ o kobio Hamat coo, o pɛɛngulan a kobio Damas, i sim vɛlɛ o kobilan Tir a Sidɔn coo, nɛɛ vannda nɔ kɔlkaloo a taasio-a.