Amɔs 1:2 - BII BILA

² Mi Amɔs dimi aa: «Mɛlɛka co kuuliaa Siɔn. O co yoondiaa Yerusalɛm a labɛɛla kpeekpei! Bil puiyaa vanaa mandaa n'cɔlua vesan, yondo puiyaa vesan o pembei Karmɛl tullo!»

Amɔs 1:2 Referans Kwoze

Yeremi 25:30

Mí Mɛlɛka dimul-la vɛlɛ aa: «Nɔm Yeremi yɛ, tɛɛngul nda sɔɔn mun kpow, mà dimul nda aa: ‹Mɛlɛka co a hiilɛi coocoo, o co diomndo solio o calta ndɔla diandaalan nin, o co a hiilɛi a vanaa ndɔa. O co deŋio maa vanaa pesi rɛsɛnndon le mɔiyan solio-a. O co piasiaa a vanaa co o lɛŋnden coo-a.

Amɔs 9:3

Taa kɔ vionnun pɛ o pembei Karmɛl tullo, i nuwviaanin nda lon mì biw nda. Taa luusian pɛ ya o hɔl mà vennun o mɛmma ihɛllan nin, i viamnin kɛwvo lon mò kɔ lɔwviaa nda.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Esai 42:13

Mɛlɛka co fulaa maa kuubanɔ cɔw, o co diallon fulaa maa vana cɔw, o co deŋio kpélén, o co sɔɛi coo a kɔltuwvo, o cɔm yoomuma ndɔan yaamɔaa ndɔa coo.

Nahum 1:4

O kɔngɔlan mɛmma ihɛllan, mí ma vela sɛ́ɛ́n. Ndu veeliaa peelan kpow ni. Bil puiyaa Basan a hoo o pembei Karmɛl yɛngullo vesa kékélé. Yandɔɔ billo Liban ɲɔfɔliaa.

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Osee 13:8

I kpuvanin niaa maa kɔ́lɔ́vúlu nda cuel cuavaa ndɔa-o, mì sɛɛsiaa yala kɔlta niaalan la co nin-ndo. I sɔamnin niaa maa yàlà laandu, mì visia yondoa siow niaa sɛɛsiaa.

Yeremi 50:19

I minginin Israɛlla diólan nɛɛ paandua, mà kɔ komal ɲɛ nda diaa o pembei Karmɛl coo, o pembei Basan coo, o tàndá Efraim-ndo nin a o tàndá Kalaad-o nin, mò de mɛɛ o hɛnan ndu yɛ.

Yeremi 14:2

«Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.

Esai 35:2

O kumbunnin mɔku-mɔku a punga billo, mò yɛkɛlan a kɔlkɛndɔɔ, mò viow kponyoo a condon a yoondiaala kɔlkɛndɛlan. Naŋɔɔ Liban-ndo yɔngunnin ndu, naŋɔɔ pembei Karmɛl-lo a naŋɔɔ dɛɛlaa Saron-ndo kennunnin ndu. A canin biilu Mɛlɛka-o ciŋ, a mɛɛndannin naŋɔɔ Hala naa.

Esai 33:9

Lɛŋnden le co o sanga bɛndoo nin, le co o mɔnɛi nin, lɛŋnde Liban-nden le lɔngɔlian, le luɛi kɔsɔ, dɛɛlaa Saron siŋnun maa lɛŋnde veselɛi. Yɔmnde caa mì pei cɛɛlun kpow o tàndàá Basan nin a o pembei Karmɛl coo.

Talelan 20:2

Maa pɛɛliaa yàlà téndé kɔltuw masaa co ni, vana biiŋuu pɛ kɔl ndɔ tuwvo o vɔngulu yoomu ndɔɔ.

1Samiɛl 25:2

Langbanɔɔ pum va icali Maɔn, ndóò nɔ ɲɛm ndɔn sɔlan Karmɛl. Vana bolofaa bɛndoo langbanɔ kon va ni, saa vàálan tan yáá a cuinnda vàá pilɛ va ndu o ba ni. Mó kɔa Karmɛl le saa ndɔa yiinde kilio.

Condii lisai 46:6

Hala co o kobi kon kɔllo, o delnin te, idii púŋ, o pena ndu mala.

Yeremi 28:8

Vanaa-tɛɛngaa-diom Hala-a bɔɔ-bɔɔ va nɔm a ya tase. Mí vanaa-tɛɛngaa-diom Hala-a kan a dimul lɛŋii bɔɔ-bɔɔ a masɛi sɔvɛi dɛnnda va hunɔɔ ndi yɔŋnɔn-ndan, cɔwlan, dɛnnda vɔɔnndan a nàà n'kɔnyaa.

Osee 11:10

Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.

Yɔɛl 1:19

«Éé Mɛlɛka! Nɔm o lani ya co caŋndo nuaa ni. Kani yinnden le cii bil puiyaa lomɔɔ o dɛɛlala vesɛilan nin, le cii yɔmnde kpow lomɔɔ yondoo nin.

Condii lisai 29:4

Diom Mɛlɛka-o nɔ kpaaya, Diom Mɛlɛka-o comul bɔɔ.