Amɔs 1:1 - BII BILA

¹ Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Amɔs 1:1 Referans Kwoze

Sakari 14:5

La keinin o ból vanin kon o pembun mun tɛɛn-ndo nin mì la ɲaanun, kani ból kon tiiyanin háá Asal. La ɲaanunnin ɲinkon mɛɛ niaa ɲaanun sindɛ lɛŋnde ɲiiyaalen o paale Osias, va masaa Yuda-o len yɛ. O kon kɔɔli, Mɛlɛka Hala nuu hunnin a mɛlɛkaa ndɔa diandaa kpow.

Amɔs 7:14

Mí Amɔs mulul Amasia aa: «I co vana-tɛɛngaa-diom Hala le, i co vɛlɛ po vana-tɛɛngaa-diom Hala le. Vana mandaa n'cɔloo a vana buulua n'buumbuuo ya co ni.

Yeremi 6:1

Vanaa fula o polale Bɛnyamɛn-nden nin-nda, la mal Yerusalɛm mì la ɲaanun. La hɔŋ buloo Tekoa ciee, la heelu lɛfɛ cɔwvo Bɛt-Hakerɛm! Kani n co dɛnɛ palaa, a dɛnɛ vɔɔndo cɔu hunɔɔ cɔnɔnndo a ba luaŋ-ndo.

2Dɛnnda lemasalan 20:20

Diimandɔɔ idiiyo púŋ, mí nda kpow a can le kɔlan a kpeŋii lɛŋnde veselɛilen Tekoa. Telen kɔaa tiiyaa, mí Yosafat dimul nda aa: «Niaa Yudaa a niaa Yerusalɛmnda, la yaŋ ya nilan! La tiindan Mɛlɛka Hala niaa mì la sim yili. La kɛsi kɔltan vanaa-tɛɛngaa-diom Hala-a ndɔa coo, mì la tiwba.»

2Dɛnnda lemasalan 11:6

Mó tangul Bɛtlɛhɛm, Etam, Tekoa,

1Masaa 19:19

Mí Elii faŋan o fonda kon, mó komal Elise po Safat-o. O va vàá a nawva a ŋiɔn-ŋiɔnda kundalan tɔ́ a latiɔn. Ndu pila va vàá a kunda tɔ́ a o diinndɔɔ ni. Mí Elii sɔɔnguu ndu ikɛi, mó vuu ndu doma ndɔ bɛndoo coo.

2Samiɛl 14:2

Mí Yoab viam vanndo vanalanɔ kɔlkaloo pum kɔɔli Tekoa, mó dimul ndu aa: «Vownun volɔɔla biisilan, suínùn cuɛima cun kɛndɛ le, ma tosa maa vana biisi komal, maa vanalanɔɔ cii palɛi taw o vana ndɔ vi-o caŋndo nin-ndo n co ni.

Yeremi 1:1

Sɔɔn Yeremi, po Hilkiya, va vana-solia-lasálà pilɛ Anatɔt, o tàndá Bɛnyamɛn-ndo nin-ndo dimi-on yɔŋnun mun ni.

Esai 1:1

Vundule Esai, po Amɔt-o ce o dɛnɛ tàndá Yuda-o coo a o kobio Yerusalɛm coo len. Dɛnnda lan la cɔmnun ndu o palɛi masaa Osias, masaa Yotam, masaa Ahas a masaa Esekia a va masalen tosaa o tàndá Yuda-o coo-e nin.

2Masaa 14:23

O vɔsi tɔ́ a o ŋuɛɛnundɔɔ nin o masale Amasia, po Yoas-o len bɛngu o tàndá Yuda-o coo, mí Yeroboam po Yoas va masaa Israɛl-lo sul masaa o lɛŋnde Israɛl-ten coo. Samari o va icali ni, mó tosa masalen vɔsilan belehiɔɔlu a ò pilɛ.

1Korɛntea 1:27

Kɛ mí Hala hɛli ɲɛm ceendo co cɔu maa idiɔmndon, mó dɔaw vanaa kɔlkalua kɔndɔfili a mun. Mó hɛli ɲɛm ceendo co cɔu maa n nɔ kpaaya loon, mó dɔaw vanaa kpaayaa kɔndɔfili a mun.

Misee 1:1

Sɔɔn Mɛlɛka dimul Misee fula Moresɛt-o-on co mun ni. O palɛi Yotam, Ahas a Esekia a va masalen tosaa Yuda-o o dimul ndu mun ni. A Samari a á Yerusalɛm o kɔɔ o ce vundule len ni.

Osee 1:1

Sɔɛi Mɛlɛka dimul Osee po Beeri-o-e yɔŋnun hee ni. O telen kon Osias, Yotam, Ahas a Esekia kei masalen tosaa o tàndá Yuda-o coo ni. Mí Yeroboam po Yoas-o ndu va masalen tosaa Israɛl.

2Masaa 14:21

O kon, mí vannda Yuda kpow a cua Asaria, má suilu ndu masaa o fonda Amasia fuɲa ndɔ-o, ndóò nɔ vɔsilan tɔ́ a laŋɔmpum.

Yeremi 7:27

Nɔm Yeremi, taa cɔm pɛ nda sɔɔn mun kpow, mà yeŋ nɔm lani le, mà yondal nda ma cɛl nɔm diom te,

Fulaa 3:1

Moise va cɔlua Yetro lefu ndɔ-a mandaa, vana-solia-lasálàá Madian pɛɛn. Paale pilɛ, mɛɛ o kɔɛ a nda o lɛŋnde veselɛilen lekɔɔli, mó tiiya o pembii Hala-e, pembei Horɛb pɛɛn.

Matie 4:18

Yeesu va kɔlan o mɛmma ihɛllan Kalile demullo, mó ca puapilɛa pum nda ŋiɔn, Simɔn, o ndáà veelu aa Piɛr-o a Andre pɔmbɔ ndɔ. A va yala yɔɔyaa vuuo o mɛmma ihɛllan nin, kani vanaa yɔɔyaa nda va ni.

Yeremi 28:8

Vanaa-tɛɛngaa-diom Hala-a bɔɔ-bɔɔ va nɔm a ya tase. Mí vanaa-tɛɛngaa-diom Hala-a kan a dimul lɛŋii bɔɔ-bɔɔ a masɛi sɔvɛi dɛnnda va hunɔɔ ndi yɔŋnɔn-ndan, cɔwlan, dɛnnda vɔɔnndan a nàà n'kɔnyaa.