Abdia 1:9 - BII BILA

⁹ Nɔm kobio Teman yɛ, siòòŋii bɛnduei biinin kuubaa nɔmnda. O kon, vanaa co o lɛŋnde Esau len nin-nda kpede a sɔlanin piɔ́mndo o paale cɔwlen.»

Abdia 1:9 Referans Kwoze

Amɔs 1:12

Lelan, i co yinnden malɔɔ mì le lom kobio Teman, mì le lom vɛlɛ cɛila lemasalan Bɔsra.»

Esekiɛl 25:13

lelan, nuaa Maalii Hala dimi ni aa: ‹I heelu ba nuu le Edɔmnda lɔɔ, i ciinin vanndacieea a cɔlua co lon-nda. I tɛɛmbuunin lɛŋnde len kandɔɔ a kobio Teman kɔlan háá a kobio Dedan. Vanaa kan kpow a vunin o mɔɛi cɔwve bɛngu.

Yeremi 49:22

Mɛɛ kovɔ́ɔ̀ hel coocoo pɔ́, mò pɛɛnga kumbanndan, mò hiŋnun yɛ yaamɔɔa co Bɔsra mɛngɛlaa ni. Paale len, kɔlta kuubaa cɔwva Edɔm la vanin maa kɔl vanalanɔ co le violɔɔ-o.»

O Kandɔɔ 36:11

Poaa Elifas velu-a va haa ni: Teman, Omar, Sefo, Kaetam a Kenas.

Yeremi 49:20

Lelan, la yaŋ nilan mì la tuei tuu Mɛlɛka nɔ le Edɔmnda-o, kɛɛsuula o nɔ le vannda Teman-ndan! La laalan ken, a kɔanin a nda maa n'cɔlu, hali a hiow dɔɔnanndo-a. La laalan ken, calta ndalan la tambunin le nda.

Yeremi 49:7

Sɔɛi fula Mɛlɛka-Nɔ-Kpaayaa-Kpow-vo o sondo a Edɔm o kɔɔ-e co hee ni aa: ‹Vɛ̀ɛ̀ vana kɔlkalu co lɛ Teman te? Mò va maa dɛnɛ sinaa vanaa kɔlkalua laasian? Bàà tambei kɔlkalu nda tambu ni?

SƐBƐ YƆB-O 2:11

Lɔ́ɔ́ caaŋaa yáá-aa Yɔb-a tuei maa dɛnɛ palaa tol ndu Yɔb coo-o, mí vana-vana can o lɛŋnde ndɔ nin, má cɛlan le kɔlan ndu yilɔɔ a le ndu ɲɔɔloo. Caaŋaa ndɔa kan yɔŋnun haa ni: Elifas fula Teman-ndo, Bildad fula Suha-o a Sofar fula Naama-o.

Abdia 1:21

Vanaa baŋa vannda-a helnin o pembei Siɔn coo le masalen tosaa o pembii Esau-ve coo. O kon Mɛlɛka vanin masaa kpeekpei.

Amɔs 2:16

Paale len, hali kuubanɔ hiow cɔwvo caa-o ɲaanunnin tum fondo fúú!» Lende Mɛlɛka dimi ni.

1Dɛnnda lemasalan 1:45

Yobab vuo, mí Husam fula Teman-ndo koma sul masaa o fonda ndɔɔ.

Nahum 3:13

Maa n'vanlaandu kuubaa nɔmnda co ni. Diola luɛyaala nɔmndan la co lan pila kumbinndo yaamɔaa nɔmnda laci vankpandan. Yinnden le cii sɔkɔma diola lan lomɔɔ.

Tɔŋ miingua 2:5

La del nda coo a cɔw le, kani i yɔngunin niaa ɲɛ-ɲɛ o lɛŋnde ndalen nin te, hali nɛɛ kɛsiaa ipelua la sɔlanin ndon te. Kani Esau ya yɔngu tàndá n'pemboo Seir ni. Kɛ ndɔɔ co kon ni.

Abdia 1:5

Te vuiya te kon te vanaa del vannda coo-a hinul nɔm pɛ icɔl, a cuanin ɲɛm nda tiwnin ba cuaa-on kpow, mì nɔm koma lo bala fondo. Te vanaa toosiaa mɔiyan a rɛsɛnndon-nda hin pɛ o nakɔ nɔm n'rɛsɛnndo nin, kpɔ̀nyɔ̀lan lapilɛn daama nda mɛinin ni.

Habakuk 3:3

Hala co fulaa Teman mò va hunɔɔ. O-Diandaa co fulaa o pembei Paran coo mò va hunɔɔ. Bɔɔbɔɔyɛi ndɔɛi tiw o halataala sɔ́ mí lɛŋnden le pia a biilu ndɔɔ.